Wednesday, October 17, 2007

أنا رجعت تاني


قرائي الأعزاء
وأصدقائي الأعز
بل أحبائي على رأي حسن نصر الله

ورجعت تاني
على رأي ماريا بتاعة الحلويات

لكن
ليس الرجل الذي ذهب
كالرجل الذي عاد

أختلف الكثير
فقد حدث بحياتي شىء رائع ومحوري وجميل
أيه؟
طيب أديكم تلميح


أيوه صحيح
أنا خطبت
وذهبت ويدي اليمنى فارغة
وعدت وبها دبلة الخطوبة
خطبت اروع وأحلى وارق وأطيب أمرأه في العالم
المرأه التي أحببت لوقت طوييييل
لذلك سافرت
وغبت عنكم
والحقيقه أفتقدكم كثيرا
وخصوصا

عصمت

77Mathematics

Bella

Hannoda

واحده وخلاص

أجندا حمرا

أبو أحمد

شـهرزاد

ميراج الذي خاف وأزال بانر يسقط الأخوان من مدونته

وأشكر كمان القراء الذين شرفوني وكانوا مكسلين يشيلوا السيلوفان من على الكي بوردات ويوسخوا زرايرها بالكتابه

كل سنه وكلكم طيبين
وقريبا حاكتب لكم عن المكان الذي كنت فيه

تحياتي لكم جميعا


43 comments:

Marvel said...

حمد الله على السلامة...والف مبروك...ربنا يتمم بخير

على فكرة انا من الناس اللي مانت مكسلة ترد وخايفة على زراير الكيبورد احسن تدوب من كتر الاستعمال

:DD

الف مبروك

عباس العبد said...

الف مبروك يا باشا و حمد الله على السلامة

amro said...

حمد الله على السلامة
والف مبروك
الزواج مسئلة لابد منها ، وربنا يسهل

Bella said...

حمد الله على السلامة ومليون مبروك

اجمل حاجة في الدنيا ان الانسان يتجوز شخص بيحبه

مليون مبروك وربنا يبارك لكم في بعض ويجعل كل ايامكم سعادة وهناء يارب

وانا مش من اللى مكسلين يكتبوا

بعت لك هدايا كتير على فيس بوك ابقى شوفهم

بس علشان عارفة انك في اجازة كنت متوقعة انك ح تكون مشغول ومش ح تدخل النت كتير لكن بعت لك برضه

مبروك

ولو ان مبروك خطأ شائع والصح مبارك

بس مش ح اغلس عليك بالصح

ومشيها خطأ شائع

هههههههههههههههههههه

ابو احمد said...

ايه المفاجئه الجميله
الف مبروك ومبروك لخطيبتك
تعيشوا وتتهنوا ويارب يجعل ايامكم هنا وسرور

أبوفارس said...

مبروك..ألف مبروك..والله داخل أطمن عليك وأقولك بص على التهيسه دى
http://tahyyes.blogspot.com/2007/10/blog-post_16.html
وقل لى رأيك ..بس خليك ف الجو الرومانسى بتاع الخطوبه واﻷغنيه الجميله اللى بتشنف آذانى دلوقت..مافيش داعى للتهيس..مبروك تانى..خالد

Esmat said...

ياااااه والله انا سعيدة جدا جدا
الف الف مبروك
و ربنا يتمم بخير ويسعدك يا رب
احلى شىء فى الدنيا انك تكتمل مع نصفك التانى كده حتبدأ الحياة
و صدقنى رغم اكتئابى الشديد هذه الايام
لكنك والله والله فرحتنى
وعقبال ما تعزمنى على الفرح
و سلم لى عليها وبارك لها
و انا فرحانة بيك
مب_____مبروك____روك

human said...

مبروك الخطوبة يا سيدى وعقبال ماتدخل القفص
بس سيبة موارب
مين هى بقة

ســردية said...

وبدون أي عتب.....
مبروك
مع التمنيات لكما بكل ما هو طيب وجميل
شريف الصيفي

Alexandrian far away said...

عزيزي Marvel
الله يسلمك
ويبارك فيك
ويا سيدي أنت منورني سواء مكسل تبوظ الكي بورد ولا لأ
وكفايه أنك أول المهنئين

تحياتي وشكري وأعزازي

Alexandrian far away said...

المعلم الكبير عباس العبد
الذي عاد مؤخرا لكوكبنا المتواضع
:-)
واحشني يا راجل بجد
الله يبارك فيك ويسلمك
تحياتي وإلى لقاءات حوارية قريبا جدا

Alexandrian far away said...

عزيزي amro
الله يسلمك
ويبارك فيك
هومسأله لابد منها فعلا ولو أني أخرتها كتير
لكن هي تستحق الأنتظار الذي أنتظرته
الأول مرحبا بك في المدونه
أنا ألقيت نظره على مدونتك
مثيره للأهتمام جدا
وكتابة قوية
ولها قعده معايا النهارده
تحياتي

Alexandrian far away said...

الصديقه العزيزه
bella
تحياتي والله يبارك فيكي
وأتمنى لك كل السعاده والحب أللي في الدنيا
ورسائلك وصلتني ولو أني مقصر مع الفيس بوك ده ومش لاقي له وقت
وعموما أنا موافق على الخطأ لو الصواب هو مبارك
هههههه
تحياتي وأحترامي وحبي الأخوي

Alexandrian far away said...

عزيزي أبو أحمد
والله أنا لسه مش مصدق
وكتير بأبص للدبله في أيدي واستغرب
هههههههههه
تسلم لي واتمنى لك كل السعاده والهناء والحب

Alexandrian far away said...

الصديق العزيز أبوفارس
الله يبارك فيك
بس ربنا يسامحك على جعلي أدخل ذلك المكان حيث يمتزج الخلط الفكري غير البرىء مع الضحاله الثقافيه والأستظراف الماسخ والتشبه بلغة الحواري، وفي النهايه فإن أقل أختلاف يرد عليه بفاصل من الردح والشرشحه القبيحه، تلك شخصيه أتجنبها في النت كما أتجنبها في الواقع، ولو أنها في الواقع لا تجروء على الجلوس معي أو التحدث مع شلتنا أصلا، عموما تلك الكتابه الوضيعه تستحق أن أعجل بموضوع أفكر فيه من فترةعن فكرة الإستشهاد ، نلتقي عليه قريبا
وعلى فكره أتفضل يا سيدي متع عينيك بشتيمة حضرتي على الموقع ده

https://www.blogger.com/comment.g?blogID=5388517012790182486&postID=4922396394749083143

واحدة وخلاص said...

مبرووووووووووك يا لورد
حمد الله على السلامة
افتقدتك جدا
كل سنة وانت شيب ومبروك وو ان الاتنين جايين متأخرين
ربنا يسعدك دايما ويجمعك انت وحبيبتك دايما وتفضل مبسوط على طول
مبروك

77Math. said...

هلّت الأنوار يا فندم ..

وأخيرًا لبست حاجة بدل ما إيدك فاضية كدا :-p

مبارك إن شاء الله، أسعدكما الله دومًا :))

عودا حميدا..^_^

Alexandrian far away said...

الصديقة العزيزة عصمت
يا سلام
:-)
تسلم لي طيبة قلبك ورقتك
وأنتي معزومه مقدما على الفرح
لكن قولي لي
خير
ليه الأكتئاب بعد الشر؟
وبعدين فين البلوج بتاعك؟!!!!
أنا مش عارف أدخله
خير؟

nourita said...

mabrouuuuuuuuuuuuk

Ρών, said...

ياااااااه! ألف ألف مبروووك، ربنا يتمم على خير و نسمع عنكم أخبار حلوة على طول إن شاء الله
:)
حمد الله على السلامة

.رون

Alexandrian far away said...

عزيزي
Human
الحقيقه مبروكه الخطوبه دي أنها خلتك ترضى عليا أخيرا
:-)
عموما
صافي يا لبن
وتحياتي وأحترامي

Alexandrian far away said...

أستاذ شريف
الله يبارك فيك
وسعيد أنك عدت لعالم التدوين
لكن العتاب واجب وهو كما يقولون من علامات المحبة
لأن حضرتك مثقف لامع وعالم جليل في موضوع أنا أول من يسعى للأستفادة من فيض معرفتك به، كان لازمته ايه اللعب بهيباتيا وبحنين؟!!!
بس خليت شوية كتايت تنقر في مقامك
عموما لكل عالم هفوة
وأتمنى أن تسمح لي بالأستفادة من غزير معرفتك وعلمك في موضوع هو الأكثر تشويقا لي
تحياتي وأحترامي وتقديري

Alexandrian far away said...

الصديقه العزيزه
واحده وخلاص
الله يسلمك
أنا كمان أفتقدتك فعلا
كل سنه وأنت طيبه وسعيده والله يبارك فيكي وفي أحبابك

Mirage said...

حمد الله على السلامة

الف مبروك على الخطوبة

انا ماشلتهاش عشان انا خفت

انا شلتها للبحث عن دبلوماسية اكثر فى الحوار

وبعدين انا هخاف من إيه اما الإخوان دول اعداء الحكومة وبيفشخوهم فى روز اليوسف

عيب عليك يامان

بلاش خفت دى

simple girl.. ..simple dream said...

مبروك والحمد لله على السلامة
ياريت بئا تنورنى فى مدونتى وتقولى رأيك

simple girl.. ..simple dream said...

مبروك والحمد لله على السلامة
ياريت بئا تنورنى فى مدونتى وتقولى رأيك

اسكندراني اوي said...

تهنئه واجبه
الف مبروك وعقبال الليله الكبيره

hshady said...

مبروك

Alexandrian far away said...

Dear nourita
Allah ybarek feeky

Alexandrian far away said...

يااااااااااه يا رون
أنتي مختفيه بقالك كتير قوى
والله أفتقدتك
فينك؟
ويارب نسمع عنك أخبار حلوه انتي كمان
وعلى طول
:-)

Alexandrian far away said...

ماشي يا عزيزي ميراج
ويارب تكون لقيت دبلوماسية الحوار يا سيدي
تحياتي

77Math. said...

لازم الواحد يعدّي مرتين عشان تاخد بالك ولا إيه ؟:-p

أمال بعد ما تدخل القفص حيحصل إيه ؟:-O

Alexandrian far away said...

العزيزة
simple girl.. ..simple dream
الله يبارك فيكي ويسلمك
أعتذر على التأخير في الرد، الحقيقه أنا تشرفت وسعدت بزيارة مدونتك من يومين وأعجبت بها جدا لكن لضيق الوقت لم أستطع ترك تعليق ولم اشأ ترك جملة مختصرة مبتورة
أشكرك على دعوتك الكريمه
وألتقيكي بمدونتك

Alexandrian far away said...

الصديقة العزيزة
77Math
لا صدقيني
أنتي بالتحديد من قلائل أعدهم أصدقائي وأشتاق لكتباتهم وأفتقدهم لو غابوا عني
لكني فعلا من وقت ما وصلت غرقت في الشغل عشان أعوض الأجازه
عموما يا ستي
تصدقي أنا لسه مستغرب الدبله في ايدي
يمكن لأني عمري ما بألبس أي حاجه في أيدي
لا دبله ولا خاتم ولا حتى ساعه
لكن فعلا الفكره عجباني
تحياتي
وأعتذاري على التأخر غير المقصود في الرد

Alexandrian far away said...

كلك واجب يا أسكندراني قوي
وعقبال ما نفرح فيك
تحياتي

اجندا حمرا said...

الف الف الف حمدلله علي سلامتك و الف الف الف مبروك من هن لحد الجواز علي الخطوبه السعيده و ربنا يخاليكم لبعض و يسعدكم

ماتتصورش فرحت اد ايه لما عرفت من العزيزه عصمت علي الخطوبه

ربنا يسعدكم عزيزي و عقبال الجواز

Hannoda said...

حمد الله على السلامةو ألف ألف مبروك

اتعرفت على مدونتك و انت مسافر و لفيت ما بين جيفارا و عبد الناصر و احتفالات اكتوبر

و سعدت جدابمعرفتك و انتظرت رجوعك

و أسعدتني أكثر بخبر جمير أدعو الله أن يكمله على خير و يحقق لك كل ما تمنيه و أكثر إنشاءالله

تحياتي

Alexandrian far away said...

الله يبارك فيك يا رفيق حسام
عقبالك

Alexandrian far away said...

الصديقة العزيزة
أجندا حمرا
يسلم لي قلبك الطيب ورقة مشاعرك وصداقتك
وتحياتي لعصمت التي افتقدها كثيرا
الله يبارك فيكي ويفرحك ويسعدك ويملا حياتك حب وسعادة ونور

تحياتي

Alexandrian far away said...

العزيزة هند
الله يبارك فيكي
ويسلمك
سعدت بزيارتك لمدونتي وبمعرفتك
ومما قرأته على مدونتك أعتقد أنني سأكثر من زيارتها أكيد
تحياتي
وشرفتيني

Bird of Alex said...

مبروك يا سيدي
أنا كنت مسافره ولسه راجعه امبارح .. ورغم أني مشغوله بالصدفه قلت ابص علي المدونات
لاقيت خبر سعيد... ربنا يتمم بخير

Alexandrian far away said...

الصديقة العزيزة بلدياتي وأبنة القبيلة
Bird of Alex
ألف حمدلله ع السلامه
فينك يا ستي الغيبه دي؟
والله لك وحشه
ألله يبارك فيكي ويا رب تخلصي أنشغالك بسرعه ونشوفك كتير

تحياتي

اسكندراني في الغربة said...

مبروووووووووك كبيرة جداااااااا
مبرووووووووك متأخرة جدااااااا

بس انت عارف كنت في ارض الميعاد
ارض الاحلام
ليا عذري صح؟؟؟؟
مبروك مرة تانية