Monday, December 17, 2007

إليها..هي وحدها..حتى ترضى


أناديك

لا مدينة سواك
ما بثيابي سواك
يا مدينة العشق
يا ارضي المقدسة
يا سيدة المتوسط
يا أميرة المدائن
يالتي ترابك زعفران
يا حبيبتي
يا عشقي
يا ملء الافق جمال وروعة وسحر
يا اسكندريتي
نعم أسكندريتي
أنا وحدي
لا تكونين مدينة لسواي
ولا اكون شاعر لسواك
يا مدينتي
قادم أليك أنا
يعود أليك السيرابيوتاي الأخير
قلبي مدفون تحت عتبة بابك
روحي معلقة برموش عينيك
يا حبيبتي
ولا كلمات في لغات البشر تصف اشتياقي
ولا أغاني في حناجر الناس تصف محبتي
لو أن قلبي بأتساع ما بين ابي قير والهانوفيل لوضعتك فيه
لأخفيتك فيه
لا أخرجك أبدا
لا أقتسمك أبدا
لو أن ما بين ذراعي باتساع ما بين السلسلة والقلعة لأحتضنتك بين ذراعي وركنت راسي على صدرك
يا عشقي
أقبل كل حجر بشوارعك
كل ذرة تراب بك
أنا العاشق
العارف
التالف
النازف
المحب
المتبتل
المتدله
المتأله
المتبتل
أتيك يا سيدتي
يا عشقي
يا وطني
يا مملكتي
لا غربة إلا خارجك ولا وطن إلا بشوارعك
بحواريك
بميادينك
بمقاهيك
لا يكتب الشعر إلا على عتباتك
ولا تكتمل اللوحات إلا في قاعاتك
يا سيدة الحسن
يا كاملة
ولا تكفيك الأسماء وإن كثرت
ولا الصفات وإن تعددت
أقبل جبينك وكتفيك وكفيك ونهديك وساقيك وقدميك
يا أيزيس الوضيئة
يا هيباتيا الأبية
يا حتحور المقدسة
يا الحارسة
والمحاربة
والمدافعة
والضاممة والحاضنة والوالدة والمرضعة
والعاشقة
يا طبيبة قلبي
ودواء روحي وجروحي
يا اسكندريه
ولا احلى من أسمك على لساني
ولا أرق من مرور أحرفه بين شفتي
يا التي أسبح باسمك
يا تعويذتي في وجه الوحدة
والفرقة
وشرخة القلب
وكسرة الروح والنفس
يا كبريائي وغروري
يا عزتي ومجدي
يا وطني
يا ارضي
يا مدينتي
نورس أنا بين أكف نواتك
محارة أنا بين رمال شواطئك
حجر أنا في بقايا معابدك
صخرة أنا على سور كورنيشك

يا مدينتي
أبقيني
أبقيني عندك حين أتيك
أبقيني بين ذراعيك
لا تفلتيني
مشتاق اليك يا أمي
يا عشقي
يا اسكندريتي

يا مدينتي
قادم أنا اليك.

10 comments:

اجندا حمرا said...

عزيزي اسكندراني

قصيده جميله و مؤثره ربنا يجيبك بالسلامه ياجميل
كل عيد و انت بخير و سعاده

كل سنه و انت و كل اسرتك بخير
تحياتي ليك

human said...

تحياتى لك ولمدينتك الجميلة
عسى ان اعود انا ايضا الى وطنى

amro said...

كل سنة وانت طيب
وعيد سعيد عليك وكل الاسرة والاصدقاء
حمد الله على السلامة نورت مصر واسكندريتك
يبدو انك تحمل لها حب المتصوفةلاشيائهم
امتعنى ان اقراء هذة المقاطع فى حب الاسكندرية
تحياتى

cat_eyes(همس الليل) said...

كل سنه وانت طيب

بجد زاد من جمال مناسبه العيد انى ادخل اعيد علي كل اللى بيفتكرونى دايما
انى الاقى الكلام الجميل دا
الله
الله
خلتنى اغير واكتب حاجه عن اجمل بلد فى الدنيا اسكندريه
حاجه صغيره هبقى اكتبها
يمكن متكونش بجمال كلماتك عن احب بلد ليا
بس هكتبها تعبير عن غيرتى عليها من اى حد يحبها غيرى
وتعبير عن ولائى وحبى لاجمل بلد واحن بحر
شكرا ليك
وكل سنه وانت طيب

Nsreen Bsunee said...

اسكندرانى
انا اول مره ازورك دلوقتى فى فجر عيد الاضحى واول عيد اضحى اقضيه بعيد عن اسكندريه وعن اهلى انت خلتنى استقبله بدموع كنت حايشاها من زمان بس ارتحت لما بكيت ورجعت ضحكتنى لما قريت البوست اللى انت كتبته وانت بردان عن الكويت وليبيا طبعا بما انى عايشه فى الكويت فا انا سعيده جدا انى عرفت سر العقد والكلاكيع الغريبه اللى عن الكوايته كل البوستس اثرت فيه خصوصا الخاصه باسكندريه انا باحييك على ثقافتك واسلوبك وسكندريتك وعلى فكره انا قريب اوى قلت لامى نفس الكلمه اللى انت قلتها انا مش حارجع غير على دفنتى بس رجعت فى كلامى طبعا
ورايك عن تامر حسنى والبيسو والحمو فكرنى بكلام خالى الله يرحمه الكلام الاسكندرانى العظيم وفكرتنى بخالى لما كان يشخط فيا لما اقول طعميه بدل فلافل او قرش بدل صاغ ودى كانت زلات لسان بحكم احتكاكى بغير الاسكندرانيه فى الجامعه انت فكرتنى بايام جميله وحسيت وانا فى المدونه بتاعتك بريحه اليود ماليه صدرى والهوا البارد بيطش فى وشى مع شويه رزاز ميه مالحه وفى ايدى جيلاتى عزه وصوت محمد قنديل وهو بيقول يا غاليين عليا
كفايه بقى عشان تعبت من كتر العياط
السلام عليكم

Marvel said...

حلوة اوي...تحياتي لك ولمدينتك الرائعة عروس البحر المتوسط

وكل سنة وانت طيب...عيد سعيد
:)

ابو احمد said...

كل سنه وانت طيب انت والاسره

ست ابوها said...

كل سنة وانت طيب وان شاء الله تقضى السنة الجديدة فى اسكندرية متقلقش اسكندرية لسه مارية وترابها زعفران بالرغم من زحف المسلح على الشواطىء وترجع لبلدك بالسلامة

اجندا حمرا said...

عام سعيد اسكندراني و كل سنه و انت طيب عزيزي

Iskanderani said...

عزيزي اسكندراني بعيد عنها؛

أيوه ياعم نازل إسكندرية وحاتشوف البحر وتاكل سمك ورز صيادية ؛ الله يكرمك فيها وتقضي وقت جميل ؛ حمد الله على السلامة
وعيد سعيد عليك وكل الاسرة وإن شاء الله زيارة أو إقامة سعيدة في الاسكندرية

تحيات إسكندراني في بلاد الله الواسعة