Sunday, April 27, 2008

كل شـم نســيم وأنتم طيبين...غصب عنهم



كـــل شـــم نســـيم وأنتي طيبه يا مصر
كل شــم نسيم وأنتي منوره وقويه
كل شــم نسيم والعالم كله بخير وسعاده
كل شــم نسـيم وأنتم طيبين
غصب عن كل العمم والدقون والفتاوي الغبيه وشعوب الرمال التي لا نسيم لديها ولا شىء تشمه
كل سنه وأنتم طيبين

25 comments:

Anonymous said...

كل شم نسيم و انت طيب و ربنا يجعل كل ايامك أعياد ياجميل

تحياتي ليك صديقي العزيز

Empress appy said...

كل شم نسيم وانت طيب واحنا كتاكيت الا انا مجبتش الوان تنصحنى بايه يا دكتور فى الالوان
يعنى الوان ميه ولا ايه
وبعدين ده يوم فرح هو احنا بنحتفل بيه علشان حاجه تانيه
والله عادى دا انا حتى بحب اغيظ فى بابا واكل الفسيخ بالشوكه والسكينه وتعالى وانا اعلمك خخخخخخخخخخخ

بس بجد انا ماما اديتنى عشرة بيضه الونهم ازاى بقى

Empress appy said...

لو انا اول تعليق يبقى تجيب الالوان على حسابك نيهاهاهاهاها

لو تانى ممكن اتنازل وتنصحنى بالالوان

Empress appy said...

طيب تعليق كمان وتسيبنى العب هنا شويه ولا هترش ميه اقولك موافقه ببوكيه ورددددد ههههههههههههههههخخخخخخخخخ

goodman said...

كل شم نسيم وانت طيب
كانت اخر مرة احتفلت بشم النسيم لما كنت فى الاعدادية
مش عارف امتى هاحتفل بشم النسيم تانى
تحياتى وامنياتى بشم نسيم جميل

77Math. said...

فين النسيم دا اللي حيتشمّ ؟

:(

Bella said...

كل سنة ومصر كلها بخير

زمان شم النسيم كان مرتبط في ذهني بتلوين البيض وكنا بنفرح قوي لما ييجي ونقعد ناكل في فسيخ وخس وملانة
وندي الجيران بيض ملون ويدونا من البيض اللى لونوه
وكنا بنقعد نتفنن في تلوين البيض علشان لما نتبادل البيض نفرح اكتر

بس بقالي فترة حاسة ان شم النسيم في مصر مالوش طعم

يمكن علشان التلوث الموجود في الجو

والاهم التلوث الموجود في العقول والقلوب

ربنا يستر

Camellia Hussein said...

كل سنة وانت طيب
تحياتي

ابو احمد said...

كل سنه وانت طيب
نحن نستمد الامل منك ومن امثالك
لاأحب ان أرى نظره التشاؤم الوجوديه كما رأيتها فى تعليقك الماضى
فبرغم كل السواد انا ارى الضوء فيك انت وجيلك والاجيال الاحدث منك
تحياتى وكل شم نسيم ومصر احلى واجمل بيكم

Alexandrian far away said...

صديقتي العزيزه
أجندا حمرا
وأنتي طيبه يا قمر وأيامك كلها سعاده وبهجه وحب

تحياتي ومودتي وأحترامي

Alexandrian far away said...

الصديقه العزيزه آبي
والله أنا حاسس أنك قلبتي المدونه جنينه وجايبه كوره وبلالين وعماله تلعبي فيها مع خرفانك البمبي
هههههه
فيه ألوان غذائيه مخصوصه عند بتوع تجهيزات الحلوانيه
أبقي لوني بيها

كل سنه وأنتي طيبه

Alexandrian far away said...

صديقي العزيز
جودمان
وأنت طيب وبصحه وسلامه وسعاده
ياه؟
من زمان كده؟
ليه أنت هاجرت بعد كده لفين؟
أتمنى أنك تحتفل بيه العام القادم

تحياتي ومحبتي واحترامي

اسكندراني في الغربة said...

كل سنة و انت طيب
طول عمرنا بنحتفل بشم النسيم
وطول عمر الشيوخ بتفتي نفس الفتوي
وبردوا بنحتفل
اية الجديد؟
طلعهم من دماغك شوية علشان لا هما حيبطلوا فتاوي ولا احنا حنبطل نحتفل
----
مستني الشخصية التالتة المتقطعة

وعندي فكرة
اعمل مسابقة للي يتوقع مين الشخصية دي
يعني انا عن نفسي متوقع انها تكون الجزء الي كان مؤمن بالخالق ومات من زمان
------
اة بالمرة بقا
هو لية لما حد ميعجبهوش كلامك تجيبلوا أبله أبتسام

مش عارف لية هي بتفكرني بحبيب العادلي لما بيطلع للمعارضين
----
شفت نسيتني انا بعلق لية
كل شم نسيك و انت طيب

Alexandrian far away said...

العزيزه
77math
بجد ليكي وحشه كبيره
يعني أيه فين النسيم؟!!!!
ما أنا مشغل المكيف من الصبح على أبرد درجه ونازل شم في النسيم خصوصا مع البرد ألي عندي
النسيم ريحته تجنن

كل سنه وأنتي طيبه

Alexandrian far away said...

الصديقه العزيزه
بيللا
تصدقي بعد كل السنين دي ما زلت اذكر أستمتاعي الشديد بتلوين بيض شم النسيم وأنا طفل
أعتقد أن تلوث العقول والقلوب هو التلوث الأخطر فالربيع هو تجدد
والتجدد لو لا يحدث بالقلوب والعقول فلا معنى له

تحياتي ومودتي
وكل سنه وأنتي طيبه

Azza Moghazy said...

لا تذكرونى بالبيض الملون ارجوكم
طوال عمرى كان ابواى يضطهدانى ويرفضان مشاركتى فى تلوين البيض لكراهيتهما للون الاسود
لا يمكننى ان افهم هؤلاء الناس ابدا

Fantasia said...

كل سنة وانت طيب يا استاذي العزيز

أنا كتبت بوست بهذه المناسبة اسمه هنشم النسيم رغم انوفكم, خليهم يضربوا راسهم في الحيط بتوع الأسافين العرة

^ H@fSS@^ said...

بذمتك
انا راضية ذمتك
احنا هنا في الخنيق
عرفت تشم حاجة؟؟
ما هو يا اما ريحة الهنود؟ يا الرطوبة و الحر و عودام العربيات؟؟
بس كل سنة و انت طيب يا خويا
نشم النسيم منشمهوش ليه
اه نشمه
متخلنيش اجيبلك نيسو و كل السكان المغتربين علشان يحكولك شمينا النسيم ازاي

اهئ اهئ اهئ

alexandrany said...

فين النسيم يا عمنا
صحرااااااااااااااااااااا في كل حته
تحياتي

Alexandrian far away said...

العزيزه كاميليا
أهلا بيكي
نورتي المدونه
كل سنه وأنتي طيبه وبخير وسعاده

Alexandrian far away said...

صديقي العزيز أبو أحمد
ليس تشاؤم
لكن دعني أحكي لك حكاية تاريخية صغيره، أسفل عامود السواري بالأسكندريه يوجد العديد من السراديب التي كانت تمثل المكتبة الصغرى ومقر وثائق عبادة سيرابيس السرية، وعند أعتداء المسيحيين على معبد السيرابيوم وتدميره وتدمير المكتبة الصغيره، قام رجل أو رجال بأخفاء تمثال سيرابيس الثور المهشم داخل أحد السراديب وأخفوه بعناية ربما أنتظارا لزمن مختلف تعود فيه مقدساتهم لقيمتها، وهو ما لم يحدث، وجدنا نحن التمثال بعدها بقرون وهو يقبع وحيدا في قاعة 6 بمتحف الإسكندريه القديم، أفكر في هؤلاء الرجال كثيرا، وأخشى أن يكون مصيري مصيرهم

تحياتي صديقي العزيز وحتى نلتقي

Anonymous said...

كل عام وانتو بخير ومصر بخير والحريه بخير

ولو انها متاخره شوي

Alexandrian far away said...

عزيزي أسكندراني في الغربه

طول عمرنا بنحتفل بشم النسيم
وطول عمر الشيوخ بتفتي نفس الفتوي

عجيب أمركم الحقيقة يا شعب مصر
كيف تحرءون على مخالفة العلماء ورثة الأنبياء؟ويحكم كيف تخالفون فتاوي العلماء الربانيين وتتشبهون بالكفرة؟
والله عجبت لكم
أشمعنى في دي يعني مش فاهم الحقيقه
------------------------
ممكن أعمل مسابقه فعلا وأحط رقم الناس تتصل بيه وأهو نجمع لنا قرشين في البلد الناشفه دي،لكن توقعك خاطىء تماما يا عزيزي
هذه هي الشخصية الأكثر شراسة وقسوه وأظن أنها قريبا ستستيقظ

-------------
أنا مش بأحط ابله أبتسام لمن لا يعجبهم كلامي لكن لمن لا يفهمون كلامي ويدعون الفهم بالباطل،
حبيب العادلي؟
ربنا يسامحك
معلش مردوده

------------------
والله؟ أنت نسيت بجد؟
طيب كل سنه وأنت طيب وبصحه
تحياتي

Alexandrian far away said...

الأستاذه عزه مغازي
صديقتي العزيزه
هو حضرتك كنتي بتلوني البيض أسود؟
يا لهوي

77Math. said...

معلش ع التأخير

أنا أكيد كتبت الرد اللي فوق وأنا مكتئبة ! دا هذا غير أنني لا أحتفي بهذا اليوم أصلا سوى بالعطلة من الكليّة ! وفي هذا الكفاية ..

على كل .. سلامتك من البرد :)