Wednesday, July 02, 2008

هلوسات ليليه متأخرة جدا

يا الله...كل هذا الشعور بالأشمئزاز؟
كيف أشتقت إليها وأنا بعيد عنها؟

**********************

منين أجيب ناس لمعناة الكلام يتلوه
نجيب سرور
كنت وليا خفيا من أولياء الله يا مولاي نجيب سرور
كنت قطب الوقت
لم يدركك المريدون
لم يروك
جهلوك
كانت ولايتك خفية لحد أننا تركناك تموت ونحن ساهون

***************************
اليوم صباحا ماتت لي صداقة
رحمها الله وعظم أجري فيها

**************************

لمن النبل؟
للأقوياء، وحدهم الأقوياء يمكنهم تحمل رفاهية أن يكونوا نبلاء
النبل هو درع الضعفاء ضد الأقوياء
أن تكون نبيلا هو أن تمنح دودة الحق في الزحف على جسدك دون أن تسحقها
وحين تشترك مع أخواتها في إلتهام جثتك
من سيعرف أنك كنت نبيلا؟

************************************

فتاة تضع صورتها نصف عارية على الفايس بوك وكل صور صديقاتها عارية وجنسيه
تدافع بضراوة عن الحجاب والمحجبات

أنحني لعمرو خالد وخالد الجندي
يا ساده
أنتم أنتصرتم
ونحن لم يعد لنا حتى المجد ولا الأناشيد ولا حتى الرثاء للذات
من نحن؟
نحن الصادقون

*******************************

مصر ..للرب ومسيحه
مصر..إسلاميه
مجموعتان على الفايس بوك

يا مصر
يا بنت الكلب
هو أنتي بتاعة مين يا منكرة الأصل؟

*********************************

الطفله المغروره حين رأت صورة تحوتي في هيئة قرد البابون تزين بروفيلي
سألتني هو ده إلهك
فسألتها: عرفتي منين؟

******************

وأنا هناك كان نفسي أروح
طيب أنا بقيت هنا
أروح أروح فين؟

*******************

حضرتك مصري؟
لأ...مش مصري
أنا قلت كده برضه، أصلك مش شبه المصريين
أتلفت حولي للمارين وأهمس: صح أنا مش شبه المصريين دول، أنا شبه مصريين أنقرضوا

******************************

في قائمة على الأنترنت لمن ترشح لرئاسة الجمهوريه ذكر أسمين من بين عشرة أسماء
عمرو خالد
خالد الجندي

أنا رشحت أثنين
يهودا أولمرت
شاؤل موفاز

****************

حوار أنترنتي

alexandrian says:
المهم أخبار القاهره ايه على حسك؟
azza says:
بتحاول تكون كويسة بس مش عارفة
azza says:
بس اهى بتحاول
azza says:
واسكندرية عاملة ايه
alexandrian says:
زي ما هي
azza says:
ليه كدة طب لو زى ما هى حلوة يا رب تفضل زى ما هى على طول
alexandrian says:

alexandrian says:
تصدقي فعلا مش لاقي وقت للمدونه
azza says:
اممممممممممممممم
azza says:
خالص خالص؟
alexandrian says:
أه
azza says:
ليه طيب
alexandrian says:
يعني فيه حاجات كتير محتاجه ترتيب
alexandrian says:
وعموما أنا بأدخل جروبات الفايس بوك أتقرف وأكره الدنيا
azza says:
امممممممممممممممم
azza says:
بسيطة لو الفيس بوك هيقرفك اقفله
alexandrian says:
بأفكر أخلع من كل الجروبات
alexandrian says:
أيه التخلف والحضانات المفتوحه دي؟
azza says:
الفيس بوك ده جماله انه يوريك مدى العته المستشرى
alexandrian says:
بس أنا ملاحظ حاجه مهمه
azza says:
ويعرفك البلد بقت عاملة ازاى
alexandrian says:
المسيحيين بيهاجموا الدوله الدينيه الإسلاميه والسيطره التي لرجال الدين الإسلاميين
alexandrian says:
صح؟
azza says:
عادى
azza says:
المصيبة انه مفيش دولة اسلامية اساسا
alexandrian says:
طيب وليه هما لازقين في رجال الدين بتوعهم ولازقين في الكنيسه وجلالة شنوده تبارك وتعالى؟
azza says:
ده اللى ضايقك؟؟؟
azza says:
طبيعى برضه
alexandrian says:
تناقض
alexandrian says:
أفتقاد للمصداقيه
azza says:
لكل فعل رد فعل مساوى له فى المقدار ومضاد له فى الاتجاه
azza says:
مش بالظبط
azza says:
اممممممممم
azza says:
اقوللك حاجة ؟
alexandrian says:
قولي
azza says:
لما الناس تفقد اى امل فى الدنيا
azza says:
لما متبقاش بنى ادمين لهم حقوق وبينتموا لكيان اسمه الدولة
azza says:
بيدوروا على كيان ينتموله
azza says:
وبيدوروا على امل
azza says:
اى امل ولو مش واقعى
azza says:
لما ميبقاش فى دولة
azza says:
يبقى فى عشيرة
azza says:
عشان كدة مش هتلاقى التطرف فى قنا مثالا
azza says:
على الجانبين لان فى جماعة ضامة
azza says:
بتدى الفرد الحماية والانتماء
azza says:
لكن التشظى فى المدينة
alexandrian says:
فاهم وجهة نظرك
azza says:
مبيخليش فيه عشيرة
azza says:
فالفرد مبيلقيش الا جماعة مرجعية هى الدين ينتمى ليها
alexandrian says:
الدين مرجعيه غريبه شويه
alexandrian says:
غريبه جدا الحقيقه
azza says:
ولان معندةوش امل فى الدنيا بيلتصق بالامل فى الاخرة
azza says:
الدين لو الدولة دولة بجد
azza says:
هيتحجم ويتحط فدوره الحقيقى
azza says:
كمجرد مكون من مكونات الهوية
azza says:
بتدى اشباع روحى
azza says:
مش هو كل الهوية
alexandrian says:

azza says:
المصيبة انه بيتم اسقاط الهوية الوطنية لصالح الهوية الدينية
azza says:
دى الكارثة اللى بجد
alexandrian says:
هي مسقطه فعلا
azza says:
برضه صدعتك كالعادة بكلامى الفارغ
alexandrian says:
بالعكس
alexandrian says:
عمره ما كان فارغ
azza says:
انشالله ميرسي
azza says:
ده بس من ذوق حضرتك
alexandrian says:
العفو
azza says:
بس افهم من كدة انك مش هتكتب عالبلوء تانى
alexandrian says:
المشكله أني يوم بعد يوم بأفقد أي أمل في الديموقراطيه الشعبيه بحالة مصر
alexandrian says:
لأ حأكتب
azza says:
الديموقراطية الشعبية فحالة مصر
azza says:
عايزة شغل ياااااااااما
azza says:
انت محتاج تعمل تثقيف ثورى لشعب ميعرفش اصلا يعنى ايه ثورة
azza says:
المفهوم عنده غائم ومغلوط
alexandrian says:
كنا بنناقش الموضوع ده النهارده الضهر
alexandrian says:
لا ثقافة معارضه ولا ثقافة ثوره ولا ثقافة حريه
alexandrian says:
شعب لم يعدم حاكم واحد في تاريخه كله
azza says:
المسالة مش مسالة اعدام زعيم المسالة مسالة خلع هالة القثداسة الالهية عن الزعيم الكف عن اعتباره ابن الاله ثم خليفة رسول الاله ثم الحاكم باسم الاله وبعد كده من كان الخروج عليه خروج على الاله
azza says:
المجتمع لازم يبطل يبقى بطريركى قبلى
azza says:
يتحول لمجتمع مدنى حقيقى
azza says:
برضه هصدعك
azza says:
مفيش فايدة فيا
alexandrian says:
أنا بدأت فعلا أدرس فكرة الصفوه الثوريه المستنيره
alexandrian says:
أدخال الناس الجنه بالعافيه
azza says:
مش فاهم
alexandrian says:
صفوه مستنيره ثوريه تقوم بأنقلاب وتجهز على النظام دون تحرك شعبي
azza says:
هتتكرر اخطاء يوليو
azza says:
انا شايفة ان اى ثورة متطلعش من الشارع هتفقد اليه التقويم الذاتى
azza says:
وهتسقط
alexandrian says:
لا تنسي أتاتورك
alexandrian says:
الشارع رجعي ومعادي للثوره
alexandrian says:
ثورته ستكون رجعيه ومعاديه للتقدم
azza says:
ولا ننسى ان النظام تحميه الة عسكرية حتى الان وان الدستور العلمانى لم يضمن بقاء الوضع
azza says:
والشارع دلوقت بيضغط لعودة المرجعية الدينية فى الحكم
alexandrian says:
الشارع ليس مؤله
azza says:
مش عارف انا مش متفقة مع حضرتك انا هفضل لاخر لحظة مع الرهان على الناس
alexandrian says:
الشارع لو ثار ناحية اليمين أنا سأدعو للأصطدام بالشارع
azza says:
كل مستنير
azza says:
من وجهة نظرنا
alexandrian says:
عارفه أيه أخطر كائن في الدنيا؟
azza says:
هيسعى للصدام مع الشارع
azza says:
لانه هيقوض حريته الخاصة فى المقام الاول
azza says:
ايه؟
alexandrian says:
شيوعي فقد أيمانه بالناس
azza says:
اممممممممممممممم
azza says:
اذن على ان ااخذ الحذر
azza says:
ممكن الماسنجر ينفجر فوشى دلوقت
azza says:
الووووووووووووووووووووووووووووووووووو
alexandrian says:

alexandrian says:
العمال في المطابع بتعيد صياغة الكتب على كيفها
azza says:
تشرب شاى ؟
alexandrian says:
الناس هي ألي بتخوف المبدعين وتتظاهر ضدهم
alexandrian says:
لسه شارب
azza says:
لان المبدعين عندهم استعد
azza says:
استعداد للتراجع
azza says:
خايفين
alexandrian says:
صح
azza says:
وحاجة تانية
alexandrian says:
خايفين ، ولا يستحقون لقب مبدعين
azza says:
لانهم سايبين وظيفتهم الحقيقية وقاعدين يتكلموا فقضايا المفروض انها فى الهامش
azza says:
عارف مين اغبى كائن فى الدنيا؟
alexandrian says:
مين؟
azza says:
مثقف مش فاهم مجتمعه ومش عارف يتعامل مع الياته
alexandrian says:
صح





23 comments:

Azza Moghazy said...

يااااا
ويلكم باك

ابو احمد said...

حمد الله على سلامتك
والله ليك وحشه
تحياتى

Empress appy said...

دى تهيسات اشك
اشك
اشك
بس هعديها
الا مين الطفله المغرورة
وفين مصر اللى بتتكلم عنها
وليه الاشمئزاز من شوق ليها
جاوب بسرعه

^ H@fSS@^ said...

عود احمد و محمد كمان
و الف مبروك


لكن ليا سؤال اذا سمحت
ازاي يكون النبل درع الضعفاء ضد الاقوياء مع انه رفاهية لا يتحملها الا الاقوياء؟


تحياتي

Anonymous said...

عندك حق في كل الهلاوس
وكل جمله عاوزه بوست تعليق
تصدق كنت واحشني
تحياتي

X Bird of Alex

Unknown said...

سلامتك من الهلاوس
تحياتى
http:\\illupo77.blogspot.com

Unknown said...

بجد عجبانى قوى الاغانى اللى عندك دى

Layla said...

عارف لو كل الناس تهلوس كده...كنا بقينا حاجة تانية

Alexandrian far away said...

شكرا يا عزه
والحقيقه أن هذه التدوينه يعود الفضل فيها إليك إلى حد ما

تحياتي

Alexandrian far away said...

عزيزي ابو أحمد الله يسلمك
وانت لك وحشه أكتر حقيقي

أوعدك ما أغبش تاني قوي كده

تحياتي

أبوفارس said...

ياااااه حمدالله بالسلامه ياأبو أجمل أبتسامه..لك وحشه ياراجل..دى تحيه بالرجوع فقط..المناقشه بعد أعاده القراءه..تحياتى وصادق مودتى..خالد

Alexandrian far away said...

عزيزتي أبي
كل ده شك؟
تبقي ابره
هاهاهاها

الطفله المغروره عيله كانت ع الفايس بوك، ومصر دي على ايد اليمين اخر ناصيه وأنت طالعه من السودان ع الكورنيش

اما الأشمئزاز فده حكايته حكايه

Alexandrian far away said...

الصديقه العزيزه حفصه خانو
الله يبارك فيكي
وشكرا جدا على ترحيبك

قبل اختراع النبل كان الأقوياء يتمطون على اتساع قوتهم، كانت القوة وحشية بريه طاغيه، ولم يكن للضعفاء مفر سوى الرحمة الهزيلة الهشة، النبل هو أن تثق بقوتك لدرجة أن تتنازل عن بعضها ليمر الضعفاء
لهذا هو درعهم ضد الأقوياء
ودرع الأقوياء ضد الطغيان

Alexandrian far away said...

بجد يا بسمه كنتي وحشاني أنتي كمان
يا ريت ما تحرميناش منك ومن وجودك

Alexandrian far away said...

medus
شرفت المدونه
أما الأغاني فتحت أمرك
أتفضل

Alexandrian far away said...

وأخرة الهلوسهيا عزيزي مارفل؟
حنفوق أمتى؟
حنحلم أمتى؟
حتفضل هلاوس لأمتى؟

Desert cat said...

حمد الله على السلامة
نورت التدوين من تانى
انا لولا متابعه هناك على الفيسبوك كنت قولت اعتزلت
بس الحوار الماسنجرى ده حوار متكلف اوى يا اسكندرانى والمعنى فى بطن الشارع وليس الشاعر
تحياتى

Alexandrian far away said...

ولك السلامه يا صديقي العزيز أبو فارس
أنت الي لك وحشه حقيقي
حنشوفك في مصر أمتى بقى؟

Alexandrian far away said...

عزيزتي
قطة الصحراء
أنا لم أعتزل
لكن الشهور الثلاث الماضيه من حياتي كانت مزدحمة جدا ومليئة بالخيارات المصيريه والنقلات الكبيره

ثم أن النفخ في القرب المقطوعه بيقطع النفس قوي
سامحيني لما أخد نفسي شويه وارجع أكمل

Anonymous said...

إإإإإإإإإإإم
بقة سيادتك مش عاجبك الحكم فى مصر لا أنت ولا صديقك ؟
إإإإإإإإإإإإإم
طب انت تعرف ان مصر كلها مش عاجبها الحكم برضه
وعن عدم اعدامها لاى حاكم يابنى يا حبيبى احنا فى الشرق حيث ان مرجعياته كلها للدين منذو بدىء الخليقة ومتسألنيش ليه علشان أنا أساسا نفسى أعرف ليه !!!! والله بجد
الشرق فقط مرجعياته دوما للدين

RASHA said...

البوست جميل وبيقول حاجات كتير بس طويل شوية تحياتى

Anonymous said...
This comment has been removed by a blog administrator.
Anonymous said...
This comment has been removed by a blog administrator.