Sunday, August 26, 2007

توابع التدوينة-1

تحديث


عزيزي الزائر أحترس
دون ارادة من صاحب هذه المدونه تحتوي التعليقات على هذه التدوينة على الكثير من التعصب والكراهية وسوء الفهم والحقد والبشاعه الفكريه واللغويه، هذا ويبقي صاحب المدونة على تلك التعليقات كمادة تأريخيه رغم أعتراضه التام عليها
لذا لزم التنويه ودخولك على التدوينة وتعليقاتها على مسئوليتك الشخصيه
مع أعتذاري الشديد للقله المتحضره التي شرفتني وأسعدتني وأفادتني بتعليقاتها الراقيه الثمينه التي للاسف غرقت وسط طوفان البشاعه

تنويه: صاحب التدوينه يشجب ويرفض ويعترض تماما على كل الكراهيه والتعصب وضيق الأفق الذي يستشري في الردود على التدوينه

(مدخل ممكن ما تدخلش منه)


لا أكتمكم سرا فقد بقيت الأيام الثلاثة الماضية أقرأ تعليقات السادة المعلقين وأراجعها، وأستشير بضع مراجع وكتب رغبة مني في أيفاء أرائهم الثرية حقها من النقاش والرد والتحاور، والحقيقة أنني بكتابتي تلك التدوينة لم أكن أقصد سوى كتابة مقال أعرض فيه بعض أفكاري وألقي بضعة أحجار لتحريك المياه، لكنني دهشت لكم ونوعية الإستجابة مما جعلني أطمح لتطوير تلك التدوينة إلى مشروع فكري متواضع لا يكون مجرد تدوينة وردود ثم ردود مضادة وهكذا ، بل يكون مشاركة بيني وبين المعلقين من أجل تمحيص عدد من الأفكار المطروحة على الساحات الثقافية والفكرية والسياسية بمصر أولا وبالمنطقة الناطقة باللغة العربية ثانية وهو ما يجد له أصداء في عالم التدوين، وعليه رايت – بعد أذنكم يعني- أن الأفضل هو الرد على ما تفضلتم بطرحه من أفكار أو بالأحرى محاورة ما طرحتموه من افكار وملاحظات في تدوينة مستقلة – وربما حتى تدوينات- وهو ما اراه يرفع مستوى النقاش لبعد أعلى وأقوى، وأتمنى أن توافقوني فيما أرتأيت وتدعموني فيه بارائكم وتعليقاتكم ومشاغباتكم.

(ممكن تدخل من هنا)

الشمولية وتفتيت القضايا

رأت الصديقتين (شهروزة) و( Bird of Alex) أنني أدعو بالأهتمام بالقضايا الأساسية أولا ومن ثم الألتفات إلى القضايا الجزئية أو الأقل شأنا، وكلتاهما مدحتني على ذلك

متشكر

لكن ليسمحا لي أن أختلف معهما، ولتوضيح أختلافي فسأعود بالزمن قليلا للوراء، أولا ما أتحدث عنه تحت أسم تنوير هو لا علاقة له بالتنوير الأوروبي Renaissance والذي هو حركة فكرية ثقافية سياسية شاملة أكتسحت اوروبا ما بين القرنين 14 و17 ( الكلمة تعني بالفرنسية أعادة الولادة) نعيد تكرار الكلمة مرة أخرى شاملة تلك هي الكلمة السحرية ( الشمولية ) ففي نفس الوقت الذي أندفع فيه التنويريون الأوربيون لأحياء الماضي الكلاسيكي للحضارات القديمة ( المصرية والأغريقية والرومانية) كسلاح ضد الظلام الدامس المخيف الذي فرضته الكنيسة الكاثوليكية بالعصور الوسطى كانت الحركة تضرب في كل الأتجاهات كانت تقوض أركان سلطة الدين وتعيد صياغة الذائقة الفنية والأدبية وتضرب قواعد الملكيات الوراثية الجبارة وتخترع المفهوم الموسوعي للتفكير، وتجيز التشريح لتطور الطب وتفجر الولع بالكشوف الجغرافية والعلمية ، وتنتج أنواع جديدة من الموسيقى والفنون ، بأختصار كانت شاملة ، لم ترى أي قضية أهم من أخرى، ذلك هو المفهوم الحقيقي للتنوير، أن تهاجم في كل الأتجاهات، فلا يمكن أن تضع قضية على الرف أو في التلاجة حتى لا تفسد بينما تسخن قضية أخرى فكل القضايا مترابطة سويا ، لكن القوة الحقيقية هي في أدراك ذلك وأدراك كيف يمكن طرح القضايا بترابط وبقدرة على تبين علاقاتها بعضها ببعض ، وهو المقتل الذي قضى على ما يسمى بالتنوير بالمنطقة العربية اللغة في أواخر القرن التاسع عشر واوائل القرن العشرون، كانوا يعانون من عدد من العيوب القاتلة، أولها عدم تكامل المشروع النهضوي ككل، بل تشرذم إلى مشاريع صغرى ورغم المحاولات الحثيثة لربطه سويا إلا أنه تفتت في النهاية واصبح هشيما، وأول خطاياهم كان أفتقادهم لمشروع سياسي حقيقي، فبينما كانت ذروة عصر النهضة الأوروبي هي ذبح الملوك وأسقاط العروش كان الأفغاني ما زال يتحدث عن المستبد العادل ، وبينما قبل كوبرنيكس الموت حرقا وتحمل جاليليو الأضطهاد والأذلال أصاب طه حسين بالذعر لغضب الأزهر وأعاد صياغة كتاب الشعر الجاهلي

ببساطة لم يكن الأمر مشروعا متكاملا بل كان مشروعات فردية متفرقة، أنفجار صغير هنا وأخر هناك، لا تفجير واحد كبير متزامن يهدم اسس القديم ليمكن بناء الجديد، وعليه أنتهت تلك الرعشات الفردية الصغيرة وعجزت عن أنتاج أي مشروع نهضوي.

بأنتهائي من هذا التأسيس التاريخي المختصر نأتي لما يطرحه المشروع التنويري حاليا أو منذ بداية التسعينيات، إلى أي مدى هو مشروع متماسك متكامل؟في رأيي أنه يعيد نفس الخطيئة مرة أخرى، فهو يفتت القضية الأساسية إلى قضايا فرعية متفرقة، بل ومتصارعة حتى، فمن يدافعون عن حقوق المعتقلين لا يرضيهم عدم أضطهاد المثليين، ومن يدافعون عن حقوق المرأه - وهو مفهوم تمييزي مبدئيا ولذلك أرفضه- لا علاقة لهم بقضايا البيئه، والناشطون السياسيون لا يرون أبعد من التخلص من راس النظام دون طرح خطة عمل متكاملة أو رؤية كلية لليوم التالي بعد ذهاب راس النظام، هذا هو التشظي الذي أرفضه، القضايا لا تنتظر بعضا بعضا، أن تكون مع النور أو مع الظلام ولا حلول وسط، حقوق الأنسان كاملة متكاملة دون تفكيكها إلى قضايا صغرى وهي لا تنفصل عن الحقوق السياسية والأجتماعية، طبعا على المستوى الأدائي يمكن تقسيم العمل إلى لجان نوعية تعني كل منها بقضية، لكن على المستوى الفكري لا يمكن ذلك على الأطلاق، بمعنى أن من يرضى بأضطهاد المثليين لا يؤمن بحقوق الأنسان مبدئيا، ومن يرضى باضطهاد طائفة دينية لن يقبل منه الكلام عن حريات سياسية، الحرية قضية واحدة كلية ومن يتعاملون معها بالتقسيط والقطاعي في الحقيقة

نصابين وأدعياء

طبعا قضايا مثل ( هو ربنا موجود ولا لأ) و( هو جبريل له كام جناح؟) و( هو الرسول أتجوز عايشه وعندها كام سنه؟) هي قضايا برجوازية تليق ببرجوازيي الصالونات، نقعد بقى كده ونستربع ونشرب شاي ونحكي في المحكي ونرغي في المرغي وهاتك يا كلام وثقافه وأدمغه كبيره وأهو الكلام ماعلهوش جمرك أصلا


ندخل من هذا الكلام على قضية الإلحاد وغضب Human مني لأني أرفض الإلحاد، طيب لو مش الأسئله الي فوق دي يبقى أيه الأسئله التي أقترحها؟

مبدئيا أرى أن أغلب المواجهات بين الملحدين تحمل صفتين اساسيتين:

الأولى: هي العدوانية الشخصية ضد الدين ، تلك الكراهية العميقة العجيبة للدين والرغبة في أهانته وسبه وتحقيره والحط من شأنه وليس نقده وتحليله وتفكيكه كما يجب أن يكون الأمر مع أي أيدولوجيا أو طرح فكري خاصة وأن الأديان والأساطير والميثولوجيا هي في الحقيقة مخزن للوعي الأنساني ولمفاهيمه وأشواقه ورغباته وأحتياجاته ومخاوفه عبر عصور طويلة، وأحترامي وتقديري للبشر يمنعني حقيقة من الأستخفاف بوعيهم مهما كانت بدائيته أو غرابته أو أختلافي معه.

الثانية: الأقصائية فالحوار الإحادي الإيماني يبدا أقصائيا وينتهي أقصائيا، فالملحد يقصي المؤمن مبدئيا متعاليا عليه، ما الذي تحاول أن تفعله؟هل تحاول الأشتباك الفكري معه رغبة في الوصول معا إلى مفاهيم أكثر أنسانية وتقدمية وفعالية أم تريد أهانته ووصمه بأنه غبي رجعي متخلف فاقد للوعي الحقيقي ومن ثم يصمك هو بأنك كافر زنديق وينتهي الأمر؟

هل تناقشه لتطوير وعيه وتحريره من الخرافة والتفكير غير العلمي وغير المنطقي أم لتسفه معتقداته وتتعالى عليه؟

تلك أسئلة أطرحها على الملحدين، لم هذا الكم من السخرية من معتقداته وكتبه المقدسه وشخصياته المبجله؟ لم الجانب الأقصائي في الإلحاد؟

هل يسيطر الدين على المجتمع؟

لأ بل الخرافة هي من تسسيطر على المجتمع، كم ملحد يؤمن بخرافة تفوق الرجل على المرأه وحقه في السيطرة عليها؟ كم ملحد يؤمن بخرافة أن البشر خلقوا طبقات وهو وضع طبيعي؟ كم ملحد يؤمن بخرافة تفوق عرق أو عنصر أو أمة على بقية البشر؟ هل أحتاج لوضع أمثلة، بل كم ملحد يرفض مفاهيم علمية أساسية مثل نظرية النشوء والتطور؟

الإلحاد فكرة برجوازية خلقت للصالونات المخملية، الموقف التقدمي الحقيقي هو رفض الخرافات كافة وصرامة الألتزام بالتفكير العلمي ورفض اي تعامل ميتافيزيقي أو خرافي مع معطيات العالم، وهو موقف كلي يبحث في حلول وأجابات عن التحديات التي تواجه المجتمع، يبحث عنها في المعرفة العلمية والتفكير المنطقي بعيدا عن أرض الخرافات والميتافيزيقا، كثير من المدارس الفكرية كانت غير مؤمنة ومعادية للدين ، الماركسية ، النيتشوية، وجودية سارتر، الأنارشيه (الفوضوية) بتعدد مدارسها وتوجهاتها لكنني حقيقة لم أجد واحدة منها مثلا تتهم المسيح بأنه كان حرامي أو مخنث أو تعيد كتابة أيات من الأنجيل لتسخر منها، بل كانت تضرب في القلب، وتكشف حقيقة أن الدين وعي بدائي خرافي عاجز عن تقديم أي حلول حقيقية لاشكاليات المجتمع البشري، وأنه كوعي خرافي أستغل لقمع المجتمعات وتدميرها وأن وضعه الطبيعي هو أحترامه وتبجيله ووضعه بكل أجلال على الرف الذي يحتوي الخرافات والأساطير وحكايات هانزل وجريتل، الأشكالية في الدين هي الوعي الإجتماعي وليس الفردي، فلو تخلى المجتمع عن وعيه الخرافي اللاعلمي يبقى كل واحد حر في خلطة الخرافات التي يحتويها عقله طالما أنه يعلم أنها خرافات وأنه يعلم أن المنطق العلمي هو الحقيقة الوحيدة للتعامل مع العالم المادي وإدراكه.

والحقيقة أنني لا ارى أن عدم الأيمان بالله هي قضية في حد ذاتها، ليه يعني؟

مش مؤمن بيه ليه؟ دمه تقيل مثلا؟ ولا لأن التفكير العلمي اللاميتافيزيقي ببساطة يزيح جانبا كل الميتافيزيقا بداية من الخالق ونهاية بمسلسل

Charmed

هذا هو الفارق مابين الملحدين العلميين وما بين الكفره ولا مؤاخذه.

وعليه فالتفكير العلمي وليس الخرافي يمنعني من المفاضلة بين محمد بن عبد الله وبين هتلر كما يمنعني من المقارنة بين الأسكندر الأكبر وبين شارل ديجول مثلا، لأن للاستقراء التاريخي قواعد أهمها التقييم داخل الإطار التاريخي للحدث أو الشخصية وليس أنتزاعها من أطارها التاريخي والمعايير القيمية السائدة وقتها وتطبيق معاييرنا القيمية والتاريخية عليها، كل معيار قيمي صحيح في عصره وحجة على أهل زمنه لكنه ليس حجة علينا ولا يصلح لنا، وحتى أكثر المؤمنين صدقا قد يجد الكثير من القيم والأخلاقيات القديمة صعبة على الهضم، ثم أن تشبيه محمد بهتلر حته أمريكاني ماسخه الصراحه.

وأخيرا أستعير جملة فيديل كاسترو الرائعة

ليس المهم أن تتفق البشرية على وجود اله لهذا العالم أم لا ، لكن المهم أن تتفق على ما ننوي فعله بهذا العالم

وعلى ذكر الأساطير، ليست كل الأساطير تأتي من الأديان فهناك ما أحب تسميته أساطير أيدولوجية أو سياسية مثل:

حقوق المرأه

وحقوق المثليين

وغيرها من الحقوق

أعلم أن تلك التعبيرات قد أستقرت من زمن وأنها أكتسبت شرعية وقوة وجمعيات ونشطاء ومؤتمرات ومطبوعات ومسيرات وسبوبات وأكل عيش مالوش أخر ، لكن أنا ما زلت عنيدا، وما زلت أقول أن مجرد نطق جملة

حقوق المرأة أو حقوق المثليين

فأنني أقبل بالتمييز، أقبل بفصل المرأة عن أو المثلي عن الكتلة البشرية وأعتباره حالة خاصة، ممكن لو سمحتم حد يقول لي أيه هي الحقوق المميزه للمرأه أو المثلي والتي لا تغطيها حقوق الأنسان ككل؟

ورفضي هذا لا يعني رفضي لتواجد هيئات مثل النقابات المهنيه والحقيقة أنا صعقت فعلا لأن شخصا ما - هو عارف نفسه- يخلط ما بين التمييز على اساس الجنس (المرأه) أو الميول الشخصية(المثليه) و ما بين التقسيم المهني ، حيث أن النقابة لا تفرق على اساس الجنس أو اللون أو العرق أو الدين

مش كده ولا أيه؟

جملة مالهاش لزوم تقريبا: سئل كونفوشيوس ماذا ستفعل لو جعلوك أمبراطورا للصين؟ فأجاب : أحدد معاني الكلمات

ذاك كان كونفوشيوس، وبما لا هو ولا أنا عرض علينا تولي ذلك المنصب وبما أنني لا أتمتع بحكته ولا أظنني سأتمتع بطول عمره فأنا لست مهتما بتحديد معاني الكلمات أو تفسير المفسر أو الكلام في موضوعات قتلت بحثا مثل الفرق ما بين الثورة الوطنية الديموقراطية والثورة الأشتراكية، ومثل أن المجتمع ليس كتلة واحدة بل هو في صراع طبقي دائم تتعارض فيه مصالح الطبقات تعارضا تاما ومثل أن الليبرالية تقترح حرية راي زائفة لأنها تبقى القوة في أيدي الطبقات المسيطرة، ولا تمنح من الديموقراطية سوى أكذوبة الصندوق الأنتخابي وتضعف الدولة لتترك الطبقات المسحوقة فريسة للقوى الرأسماليه... خلصت الجمله

ألا هو فيه سؤال محيرني الصراحه

هو المسيحيين المصريين دول على راسهم ريشه؟

أو معمولين من الحلاوه السمسميه مثلا؟ أو ماسكين للعالم ذله؟

فممنوع مهاجمتهم أو أنتقادهم أو أنه حد ييجي جنبهم اصلا؟

وأي أنتقاد لهم يبقى من منطقة أسلاميه- رغم أنه الأسلاميه مش عيب ولا حرام-

طيب خدوا عندكوا النقاط دي:

1- لماذا ينادي المسيحيين ليل نهار بحرية العقيدة بينما أنضموا مع المسلمين ضد البهائيين، ولماذا تضطهد الكنيسة (شهود يهوه) ؟

2- لماذا تطالب الكنيسه ليل نهار بأبتعاد الدولة علن الدين وحرية الأعتقاد والتحول الديني بينما ملأت الكنيسة الدنيا عويلا بسبب كنيسة (ماكسيموس ) الجديدة وطالبت الحكومة بالتدخل الأمني ضده؟كأن الأنبا شنوده ورث المسيحيه عن المسيح شخصيا ولا يجوز يكون فيه راي تاني غيره؟

3- في موضوع (البقرة المقدسة) وفاء قسطنطين - ولا مؤاخذه- لماذا أصرت الكنيسة على أنتحال دور الدولة وممارسة حقوق الضبط والأعتقال وتقييد الحريات؟

4- لماذا تصر الكنيسة على أن من يسلم من المسيحيين يجب أن يسلمه الأمن للجنة ( محاكم تفتيش) من القساوسة لمحاورته ونصحه وأرشاده؟ هو فين حرية الأعتقاد أصلا في الكلام ده؟ مع الوضع في الأعتبار أن الكنيسة هي من تطالب بحرية الأعتقاد وليس المسلمين فهم يطبقون قاعدة الإستتابة والقتل غير الموجودة في المسيحية.

5- سؤال مهم وحياتكم، هما البنات المسيحيات ملائكه وقدسيات كلهم مثلا عشان كل ما واحده ترافق واحد وتخلع من بيتهم تحصل مظاهرات وهستيريا جنونيه وتبقى أتخطفت، طيب ما يمكن رافقته وخلعت بكيفها؟ ولا برضه هما على راسهم ريشه مثلا؟

6- لماذا وجهت الكنيسة المسيحيين للتصويت لحسني مبارك؟ أليس ما فعلته وضع للمسيحيين في مواجهة مع بقية المصريين الذين يكرهون في أغلبهم ذلك الفاسد العاجز الفاشيستي؟ أليس ذلك تدخلا في السياسة؟ طبعا مع عظيم أحترامي للأصوات المصرية المسيحية التي أرتفعت معارضة ذلك التوجيه

طبعا أنا مش حأشغل بالي بأني أكتب شوية جمل أعتذاريه وكليشيهات خايبه، أنا مصري الجنسية والديانة والعقيدة والمذهب والمعتقد، بالنسبة لي مصر أولا لا مقدس غير ترابها ولا جليل غير رايتها ولا أنتماء سوى لها ، مصر كانت قبل المسيحية والإسلام وستبقى بعد المسيحية والإسلام، وأنا أناقش المصريين المسيحيين كمواطن يناقش مواطنيه وكأخ له الحق في أن ينقد أخوته، لأنه بصراحه لو البلد راحت لا الهلال ولا الصليب حينفعونا.

(مخرج ممكن ما تخرجش منه)

من الأكثر خطورة عدو ظاهر أم جاسوس يندس بمعسكري؟

من الأكثر بشاعة أفعى سامة أراها تزحف نحوي أم سرطان ينهشني من الداخل؟

( مخرج ممكن تخرج منه)

ليس المهم أمتلاك الإجابات الصحيحة ، بل المهم هو أمتلاك الأسئلة الصحيحة

(مخرج أنا حأخرج منه)

عسى أن يثبت تحوتي ريشتي ويطيع الكلمات لفكري، عسى أن ينقي تحوتي قلبي ، وعسى أن تحرسني ماعت وتسدد مقصدي

صلاة كاتب فرعوني




79 comments:

ابو احمد said...

صباح الفل
كده انا ابتديت افهم معى انك مردتش على تعليقى بس انا فهمت من التعليق انك مع حريه الرأى والعقيده انا كده موافقك تماما

تحياتى وامنيه بالتواصل

bluestone said...

ممكن يكون الكلام اللي جاي من أطول الردود اللي كتبتها على تدوينة قبل كده ..
بس بصراحة أولا الموضوع دسم جدا .. وانا كنت متابعاه وقلت استنى لما يخلص
بس التدوينة الأخيرة استفزتني جدا لاسباب كتيرة آخرها اني مسيحية يعني ولا مؤاخذة من المسيحيين المصريين اللي على راسهم ريشة
فأوعى تكلمني
امن الدولة جاي ورايا :)))

انا قلت احذرك الأول من طول الرد لان الموضوعات كتير جدا ومتشعبة وداخلة في دماغي على بعضها ..
------------------

ظهور التنوير في أوروبا في الفلسفة الاوروبية في القرن ال18 كان نتاج لحالة التردي وسيطرة الدين (متمثلا في الكنيسة) على الدولة
آنذاك كان الدين يشكل (دولة) وهي مصيبة كبرى ان يصبح الدين دولة وان تختلط السياسة بالدين .. فينهار الاثنان
ورأيي المتواضع ان حركة التنوير ساهمت بصورة أو بأخرى في تطور ونمو الفكر الديني وبلورة المزيد من الأفكار الانسانية وتناول الافكار والاخلاق على اساس انساني قبل ان يكون ديني ..
وانه حينما تقرر ان تكون أمينا مثلا فليس ذلك لان الدين فقط يلزمك بذلك أو لانك ستدخل الجنة
ولكن ان اخترت ان تكون أمينا لانك تريد ذلك ولان طبيعتك تسمو بالفضائل الانسانية ..
ومع تطور الفكر صار الربط بين الاخلاق الاساسية والدين الذي أتى ليسمو بطبيعة الانسان (وهي غاية البشر على الارض) وليست المسألة فقط مجرد عملية تبادل (ادفع على الارض تكسب في السماء)
(أطع هذه المجموعة من الأوامر تدخل الجنة)
كما ان الدعوة للاعتماد على العلم تماما وهو ما دعا إليه تنويريو اوروبا رغم ما دعوا إليه من إقصاء اللاهوت إلا انهم أفادوا الدين بصورة او بأخرى ..
فقد كانت هناك حركات إصلاحية داخلية للثورة على الخرافات والمعتقدات الموروثة والتي ليست من الدين في شيء
(وهو ما نحن بحاجة إليه الآن في شرقنا الأوسط المنكوب) ....
الاستفادة من الفكر التنويري لتنقية الدين من الشوائب التي وضعناها في مراحل سابقة

أما التنوير في عالمنا العربي فحديث آخر .. فقبل مناقشته علينا أولا ان نؤكد على الاستجابة إليه من الشعوب شبه الأمية لم تكن كما يجب .. وتأثيره كان محدودا مقارنة بتأثيره في منبته.
فاعتقد ان كلمة التنوير حظيت بذات السمعة السيئة التي تتسم بها كلمة العلمانية ..وهي عند العامة مرادفا للكفر والعياذ بالله .. وكأن أحدا لم يسمع من قبل عن العلمانية الجزئية مثلا

المهم الحركة التنويرية في العالم العربي لم تكن سوى على يد محمد عبده والافغاني ورفاعة الطهطاوي
وهي حركات تنويرية رغم أثرها العميق لم تحقق النجاح المتوقع أو المرغوب لها لاسباب كتيرة جدا يطول شرحها

اما فاروق حسني وشركاه .. فلا اعلم بالضبط لماذا أطلق عليهم تنويريون ؟؟
من منحهم ذلك الوصف .. وهل هم حقا التويريين الجدد أم ماذا.؟

-كما لم أفهم برضه العلاقة بينهم وبين التنويرين الذين يطالبون بحقوق المرأة وبين الذين يهاجمون الاسلام
وبين كل دول وبين الملحدين؟؟

بالنسبة لحرية المرأة وحقوقها فلا ادري لماذا رأيت في الدعوى عنصرية إلى هذا الحد؟؟
اتفق معك تماما في ان الحقوق كلها غائبة في بلادنا ولكن تخيل معي المثال الآتي أغلبية مقهورة (من النظام) تمارس قهرا على أقلية مقهورة (من النظام برضه)
وهنا تكون الأقلية معرضة لقهر مضاعف .. فالاغلبية في مجتمع ذكوري حتى وان نالت حقوقها ستظل تمارس قهرها على الاقلية بصورة ما ..
لان نوال الحقوق السياسية أو سيادة الحقوق الانسانية لا ينطوي بالضرورة على تغيير للمفاهيم الاجتماعية والتقليدية التي تشكل وعي الاغلبية من الذكور.

يتبع بقى ...

شـــــهــــروزة said...

الصديقتين (شهروزة) و( Bird of Alex) أنني أدعو بالأهتمام بالقضايا الأساسية أولا ومن ثم الألتفات إلى القضايا الجزئية أو الأقل شأنا، وكلتاهما مدحتني على ذلك متشكر لكن ليسمحا لي أن أختلف معهما،


برضة فهمتنى غلط
أنا للأسف مش مدحتك


أنا مدحت خطوط سير البوست ليس الا

ثانيا
اختلفت معايا خلاص؟؟؟


لكن لفيت و قرأت وشرحت وأبنت

وفى النهاية اتفقت معايا تانى


حقوق الانسان ككل

أدور على الكائن المسمى بالمخلوق البشري فى كل ما يتعلق به

وحط ألفين خط تحت ما يتعلق به

من حريات
وحط ألف خط تحت حريات وتفريعاتها
حرية فكر
ودين
وابداء رأى
وجنس
ونوع
الخ الخ الخ

ومتطلبات
وحط تحتها برضوو ألف خط بتفريعاتها
مأكل صحى
معيشة صحية
معاملة آدمية
عمل مناسب
أجر مناسب
صحة
تعليم
الخ الخ الخ

وآدميته
وحط تحتها ألف خط بتفريعاتها

ودة اللى أنا طالبت بيه
عدم ألهاء العقول عن متطلباتها الأساسية
والانزلاق وراء أفكار الصالونات المخملية اللى انت قلت عنها
لما نبنى الانسان ونخلق له عقل و نفس وقلب من جديد
نبدأ نقعد ونرتاح ونفتح الصالونات ونناقش الاشكاليات المخملية


للأسف يا عزيزى
ملحقتش تفرح كتير باختلافك معايا

لأنك فى النهاية اتفقت معايا وبقوة وغصب عنك

تحياتشى

bluestone said...

-ملحق1-
اما بالنسبة للمثليين
فحتى الآن ولا أخفيك .. انا لم اشكل بعد موقفا كاملا تجاههم
كل ما لدي يقين أن الأمر ضد الدين وضد طبيعة الإنسان .. كما قرأت العديد من الأبحاث الطبية التي تدعم قول الدين في الأمر ..
الحيرة هنا يا عزيزي في فكرة تقبلهم في المجتمع ..
انا ضد اضطهادهم تماما
ولكني لم اشكل بعد رأيا بشأن قبولهم في المجتمع من قبيل الحرية الشخصية
وان كان ما نراه على المدونات والانترنت بشكل عام طبيعيا .. فاي مجتمع يقمع هويتك أو ما ترى انك عليه تضطر لان تعبر عن نفسك بشتى الطرق الممكنة
على حد علمي وقراءاتي المثليين لا يرون ابدا ان المثلية أمر يقف عند حدود غرف النوم وفقط .. فكثير منهم لا يفضل الجنس ولا يعترف به .. هم يرون انها هويتهم وانهم يرون الجمال والانجذاب بطريقة أخرى ..
---------------------------

اما بالنسبة للملحدين:
احاول ان اربط بين الملحدين وبين التنويرين .. ولم افلح حتى الآن ؟؟

اعلم ان هناك رابطا غير مباشر بين الحركة التنويرية في أوروبا وبين الالحاد في اتفاق الاتجاهين على استقصاء اللاهوت
ويصل الملحدين الي حد رفضه أو عدم الاعتراف بوجوده من الأصل

اما التنويريون الجدد :: فانا لم اقرأ لاحدهم تهجما على الاسلام او على شخص محمد ..
ربما قرأت ذلك من تكفيريون أو دعاة أو دارسي الاديان المقارنة ومن يحترفون المقارنة بين الاديان لاثبات صحة احدها .. إلخ ..

ثم دعني اعتب عليك بقى في مسألة اذهلتني جدا في موضوعك وهو التعميم العجيب في الجذم بانه لا يوجد ملحدين مسيحيين وان من يدعوا انهم ملحدين مسيحيين هو في الحقيقة مسيحيين لا هم لهم سوى مهاجمة الاسلام وهم متخفيين ؟؟؟

ده كلام يا راجل؟؟؟
التعميم ده حاجة مش علمية على الاطلاق
زي ما قلنا ميت مرة ..
عندما يمنحنا الله قدرة على شق صدور الناس ورؤية ما فيها .. عندها فقط يمكننا الحكم على النوايا ..

ان قلت لي انك مسلم
فانت كذلك (وما في قلبك مش شغلتي)
ان قلت انت مسيحي
فانت كذلك (ونيتك بينك وبين ربنا)
وان قلت انت ملحد
انت كذلك (وبراحتك وانا مالي)

فلن يمكنك ابدا ان تطلق حكما عاما في المطلق بهذا الشكل .. كل المسيحيين الملحدين هم في الحقيقة ليسوا كذلك بل مسيحيين حاقدين على الاسلام (يا حلاوة!!)
ومقابلتك لشخص او حالة واحدة على منتدى ما في مكان ما لا يعني ابدا حكما عاما على الجميع .. كونك لا تثق في وجود مسيحي مصري ملحد (دي مشكلتك)
وهذا لا يعني عدم وجودهم

الانتقادات اللي بتوجه لشخص محمد هي جزء من الانتقادات التي توجه للمنظومة الاخلاقية لدين ما إما من اتباع اديان أو معتقدات أخرى أو من اللادينيين
فانتقاد الدين يكون بالتعرض لشخص مؤسسة والمنظومة الاخلاقية فيه وجوهرة أيضا
وهي ليست سذاجة على الاطلاق

أما بالنسبة للملحدين .. وكيفية التحاور معهم فالمسألة تتطلب بعض الدراسة ..
ولاني درست قليلا في تلك المسألة دعني اوضح نقطة بسيطة صحيح ان الملحد يقصي المؤمن من الحوار باعتبار مخرفا وذلك لان قاعدة انطلاقهما ليست واحدة

فان كنت انت معاذ الله ملحدا مثلا
فلن استطيع ان اتكلم معك واقنعك استنادا على مبدأ (قال الله قال الرسول)
وفي هذه الحالة سيتعين علي أن انتقل من قاعدة انطلاقي لأخرى مبنية على العلم والمنطق وانطلق منها حتى أصل معك للدين .. ان كان هذا هدفي
قرأت قليلا في كتابات الملحدين واللادينيين .. وكانت اقوى ملاحظاتي انهم (بيستسهلوا) .. يأخذون النصوص من سياقها وادلتهم وحججهم ضعيفة وهشة للغاية ...
----
ثم أذهلني أيضا انك فعلت تقريبا نفس الشيء الذي يفعله التكفيريون مرتادي البالتوك وخياباته المذهلة ..
وهم كثيرا ما يذكروني بالاطفال في الحارة
اقولك انتوا عندكوا في بيتكوا وحش هلامي
فبدل ما تقوللي لا معندناش انت مابتفهميش
تقوللي لا بقى ده انتوا اللي عندكوا كائن خرافي من المارشميللو !!!!!!!

منطق تعييري فظيع ..
ايه علاقة تحالفات الكنيسة في العصور الوسطى حينما كانت تسيطر على الدولة في أوروبا في عصور الظلام وبين الانتقادات التي توجه لانتشار الاسلام
فهل الآن بعدما ذكرت الأمثلة السالفة الذكر انتفى عن الاسلام انتشاره بحد السيف ؟؟؟؟؟
لأ طبعا .. لكن دراسة علمية تاريخية ما كانت ستكون كفيلة بإيضاح وجه النظر والرد على الانتقاد صحيحا كان أم إفكا.
------------
وأطلب توضيحا منفردا عن تلك الجملة
(ألم يدفع البشر ثمن بضع قطرات من دم المسيح بحارا من النزيف؟)

---------------------------

يتبع

bluestone said...

ملحق 2 وأخير:
وده هيكون للإجابة على الاسئلة اللي انت سألتها

بس قبل ما اجاوب :: بس حبيت اعبر عن انزعاجي الشديد من اللغة الحادة والمسيئة للاسئلة ..
واحب اسئلك نفس سؤالك للملحدين:
(ايه سر العنف والحدة لديك تجاه المسيحيين ؟؟ )

نجاوب بقى::
---هو فيه سؤال محيرني الصراحه
هو المسيحيين المصريين دول على راسهم ريشه؟
لأ

أو معمولين من الحلاوه السمسميه مثلا؟
انا مش بحب الحلاوة .. لأ

---فممنوع مهاجمتهم أو أنتقادهم أو أنه حد ييجي جنبهم اصلا؟
مين اللي قال كده ؟؟
ايه مؤسسة دينية وأي فرد في اي مكان في العالم عرضة للانتقادات لانه لا كامل إلا وجه الله تعالى وكلامه المقدس

---لماذا ينادي المسيحيين ليل نهار بحرية العقيدة بينما أنضموا مع المسلمين ضد البهائيين؟
اولا مش كل المسيحيين .. ولا اذكر ان ده كان الموقف الرسمي للكنيسة حتى ؟؟؟
الموضوع كله لا يعني أي مسيحي ..
ربما هي أراء شخصية .. يعني مثلا انا شايفة ان البهائيين ليهم حق
ومسيحي تاني شايف ان مالهمش ..
بس المسألة لا تعنينا احنا الاتنين في الآخر

--- ولماذا تضطهد الكنيسة (شهود يهوه)
مين اللي قال كده؟؟
الكنيسة لا تطضهد شهود يهوه..
الكنيسة قالت انهم طائفة غير معترف بيها .. وهما حرين يعملوا اللي هما عايزينه لكن غير تابعين للكنيسة
لكن لا رحلتهم عن مصر مثلا ولا سمعت عن هجمات ضد كنائسهم ولا حتى منعوا من دخول الكنائس الارثوذكسية
الكنيسة أعلنت ان شهود يهوه اللي في مصر غير تابعين ليها لانهم مخالفين لتعاليمها القديمة اللي هي قائمة عليها ..
وعلى اتباع الكنيسة بقى انهم يحددوا موقفهم .. يا يوافقوا على القرار ويظلوا من اتباعها يا إما ماتعجبهمش القرارات ويتبعوا كنيسة تانية

--- لماذا تطالب الكنيسه ليل نهار بأبتعاد الدولة علن الدين وحرية الأعتقاد والتحول الديني بينما ملأت الكنيسة الدنيا عويلا بسبب كنيسة (ماكسيموس ) الجديدة وطالبت الحكومة بالتدخل الأمني ضده؟كأن الأنبا شنوده ورث المسيحيه عن المسيح شخصيا ولا يجوز يكون فيه راي تاني غيره؟
الكنيسة حذرت اتباعها منه
وقالت للامن انه ممول من جهات خارجية ..يعني مش محسوب عليها
ولا اذكر ان الموقف الرسمي طالب بتدخل أمني ضده
البابا شنودة او اي بطريريك له سلطة روحية على المسيحيين ولا سلطة سياسية ولا اجتماعية له عليهم
مسألة الكنائس التانية مش مجرد كنيسة بتتفتح وواحد يعين نفسه عليها بطريرك .. الموضوع اكبر من كده وفي مناقشات عقائدية كبيرة جدا .. لازم تقرا عنها الأول قبل ما تسأل

--3- في موضوع (البقرة المقدسة) وفاء قسطنطين - ولا مؤاخذه- لماذا أصرت الكنيسة على أنتحال دور الدولة وممارسة حقوق الضبط والأعتقال وتقييد الحريات؟
ما كامل اعتراضي على الالفاظ المستخدمة
لا احد لا انت ولا انا يعرف تفاصيل القصة ولا الحقيقة ..
كل ما اعرفه هو ان الامن يتعامل بغباء مطلق مع اي مشكلة طائفية مما يؤدي لتفاقمها
أما المرأة نفسها .. فلا أحد يعلم تفاصيل قصتها سوى اسرتها ..
وللحق لا يعنيني ان اعرف اصلا ..
اسلامها او عودتها لا يفرق معي في شيء ولا يجب ان يفرق مع اي احد

أرى من يتظاهرون حمقى للغاية
وارى النظام أكثر تخلفا وحماقة
ففي الحالات المشابهة يكفي ان يجلس الشخص مع اسرته للاطمئنان انه غير ديانته بإرادته وبعدين مع السلام كل واحد حر

ولكن ألا ترى معي ان من العدل ضرورة وجود عدالة في تطبيق مبدأ المساواة ..
يعني تطبيقه على الجانبين
فان كان بعض الاقباط يتظاهروا ويبكوا ويقيموا الدنيا لاجل فتاة اسملت وقد يعتقدوا انها خطفت مثلا عند اختفاءها
ولكن هناك من يقتل من يتنصر ..
او على الاقل يطالب بقتله ...

المسألة هنا لا علاقة لها بالدين قدر علاقتها بحالة التخلف والهوس الديني ومنطق الأهلي والزمالك الذي نعيش به حاليا في مصر

4- لماذا تصر الكنيسة على أن من يسلم من المسيحيين يجب أن يسلمه الأمن للجنة ( محاكم تفتيش) من القساوسة لمحاورته ونصحه وأرشاده؟
محاكم تفتيش ايه يا عم الحاج؟؟
برضه مع اعتراضي الكامل على اللفظ المسيء المستخدم ,,
انا تعبت من اعتراضي الكامل ده :))
العقلاء من الجانبين طالبوا بتشكيل لجنة لدى المؤسستين الدينتين لبحث حالات التحول أو تغيير الدين
من حق كل أسرة فرد لديه رغبة في تغيير دينه ان يطمئنوا انه غير خاضع لسيطرة او تأثير احد خصوصا ان كان فتاة ريفية اكملت بالكاد 16 سنة ..
فهل لو أتت ابنتك إليك أو علمت انها تنصرت مثلا (في حالة ايمانك بحرية الاعتقاد المطلقة للجميع)
ألن ترغب في ان تراها وجها وجه لتبرد نارك ويطمئن قلبك ان أحدا لم يؤذها او يؤثر عليها او يجبرها ؟؟؟؟؟
ألن ترغب في فرصة أخيرة تحاول اعادتها بها؟؟؟ خصوصا لو كانت مازالت مراهقة ساذجة لا تعرف اي شيئ عن الدنيا ؟؟؟؟
ألن ترغب في ذلك ؟؟

--- سؤال مهم وحياتكم، هما البنات المسيحيات ملائكه وقدسيات كلهم مثلا عشان كل ما واحده ترافق واحد وتخلع من بيتهم تحصل مظاهرات وهستيريا جنونيه وتبقى أتخطفت، طيب ما يمكن رافقته وخلعت بكيفها؟ ولا برضه هما على راسهم ريشه مثلا؟
ارجع للاجابة عاليه

--لماذا وجهت الكنيسة المسيحيين للتصويت لحسني مبارك؟ أليس ما فعلته وضع للمسيحيين في مواجهة مع بقية المصريين الذين يكرهون في أغلبهم ذلك الفاسد العاجز الفاشيستي؟ أليس ذلك تدخلا في السياسة؟
طبعا .. واغلب المسيحيين لم يمتثلوا للطلب .. وكثيرا منه اعتبره مأخذا علي القيادة الكنسية .. ولا مشكلة في ذلك لانه كما ذكرت لا سلطة دنيوية للقيادة الكنسية


انا تعبت على الآخر ..
وخلصت ربع كيلو بن ..
وده هيبقى على حسابك بقى :))

بنت القمر said...

في تلك المكلمه
افضل ان اتشبث بعقلي وبمج الكابتشينو اسجل حضوري ومتابعتي باهتمام لانى دلوت بدلوى فكل ما سبق وخصوصا عند اختى بلو ستون اللتى اوجه لها التحيه
وللجميع

اسكندراني في الغربة said...

صباح الخير
اية يا صديقي الي انت عاملة في المدونين دة
اسيبك يومين ارجع الاقيك حادف 2 كيلو طوب في المياة الراكدة
وفاتح نيران قلمك على كل الاطراف دا حتى فية نيرانة صغيرة جيت في وشي
و انت عارف المثل الفرنساوي الشهير (التعليمة في الوش .مفيهاش معلش
بص يا انا عديت بسرعة على اخر 3 بوست
فعلشان ابحر فيهم بجد محتاج بوصلة
محتاج ارض ثابتة ابدأ منها علشان لو تهت ارجع اقف عليها و أبدأ من جديد
يعني مثلا علشان اعرف انت لية شادد حيلك على الدين المسيحي لازم اعرف انت مسلم ولأ
و علشان اعرف ايضا انت لية بتدافع عن الاسلام الدفاع الهزيل دة (دا لو دفعت كدة ادام كهرباء طلخة حتتغلب 12-صفر في اول 5 دقائق
عاوز اعرف انت كنت مثلا مسلم و اكتشقت ان تطبيق الدين الحالي مش هو الي نزل على محمد
او انك كنت مسيحي و فقت من وهم اسطورة الخلاص
او انك مش بتشجع الناديين الكبار و مبتحبش الكورة اصلان
و اكيد مش حستنى منك اجابة مثل الديانة موضوع شخصي وليس مطروح في هذا النقاش
لأني سعتها حفكر بحنين و ازاي رأيك اختلف لما طلعت مش مزة عندها 27 سنة واتضح انها دكر في الاربعينيات
ابة تاني؟
في نقط تانية عاوز اكلم فيها بس زي مقولتلك الكي بورد بتاعي ناقصة حروف كتير
---
بعتزر مقدما على سوء الخط و الاسلوب وحسيبك تفهم لوحدك اني كنت تعليم اميري.

Bird of Alex said...

اسكندراني
لم يكن الموضوع مدح ولكن تعبير عن أتفاق في الرأي وبعد توضيحك لم يزد الأمر إلا أتفاقا .. حيث أن المقالين السابقين كانا تعقيبا علي حادثة معينة لنموذج معين من الناس موجود بالفعل في هذا المجتمع بغض النظر عن مسماه تنويري وأو ليبرالي أومثقف أيا ما كان فالمسمي لن يضيف للشخصيه عمق أنما هو الاطار الذي يطل منه ليفرض فكرة ما
أسهبت القهوة العالية بمنتهي اللطف في التعليق علي جزء هي أكثر وعيا به وهو صورة المسيحين في المجتمع وأني أتعجب فعلا من كم التوتر الذي ينشأ من تلك القضايا مع أن الموضوع أبسط مما يثار حوله.. والكلام فيه يجعلنا نبدو كفصيلين مضطهدين.. المسيحين يحسون بالأقلية وهناك من يضخم هذا الفكر خارجيا والمسلمين يرون لماذا المسيحين لهم ولهم ولهم في حين أننا مصري واحد في النهاية وتجمعنا نفس المشكلات
ومثلي مثلها لا يهمني كثيرا من كان قلبه مؤمنا أو كان كافرا طالما أنه لا ينتهك حريتي في ما وقر في قلبي
المهم
ليس هذا موضع النقاش الأن
إنما لأنك أفترضت الأختلاف بيننا فإني أوضح أني أتفق معك تماما والدليل هو موضوع حقوق المرأة التي هي في الاصل حقوق الأنسان
ولا أعرف من أين أتت هذه القضيه فالأنسان الأنثي تتعلم وتعمل وتأخذ حقوقها القانونيه والميدانيه كامله كأي إنسان ولا أري أي حقوق مسلوبة بل هي أحيانا تستخدم الأنوثة كسلاح أضافي لجمع الغنائم وبدون حرب ويكون الضحية دائما الإنسان الذكر والذي تفرض عليه الذكورة في مجتمعاتنا الشرقية أعباءً كثيرة أكثر من التي علي الأنثى
أما مشكلات المرأه من حوادث عنف ضدها وإعالة الأطفال في حالات الطلاق وعجز الزوج هي في كل العالم ولكنها تزيد مع فقر وقهر المجتمعات وهذا لا يتعارض مع حقوقها التي تمنح لها في البدايه وتسلب منها أو تفرط فيها بأرادتها بسبب ظروف أجتماعية معينة
والمتاجرة بمثل هذه الكلمات إنما هي كما تقول أحاديث خلقت للصالونات
تذكرني بمشهد في فيلم عودة الندلة وهم يجتمعون ليناقشوا حقوق كلاب الشوارع ولم يرو أطفال الشوارع
في النهايه أتابع بشغف حوارات مدونتك
وفي أنتظار توابع أخري
تحياتي

human said...

عزيزى اسكندرانى
عفوا اذا كان كلامى لاذع بعض الشىء لكن يبدو انك لا تبالى
عمومابما انك ذكرتنى انا فقط بالملحدين فسوف اتحدث عن نفسى واقول لك لماذا بدات التدوين اصلا
ليس للهجوم على الاسلام لمجرد الهجوم طبعا بل للتعبير عن افكارى واعتقاداتى فى هذا الجانب واتحدث عن تجربتى مع الدين واظن ان هذا هو هدف الجميع من التدوين وهو التعبير عن الممنوع والهروب الى العالم الافتراضى بعيدا عن العالم الاحقيقى الذى يسيطر علية الدين والسلطة ويمنعونا منة
ثانيا ليست كل افكارى الحاد فقط
فلدى الكثير مما ارى ان يستحق ولذلك مدونات اخرى انشر فيها هذة الافكار البعيدة عن موضوع الالحاد
ومن الغريب انك انت نفسك علقت على احدى مدوناتى الاخرى دون ان نعلم بالطبع انها لى
واشعر ان كل ما فعلتة من هجوم على جميع المضطهدين فى هذة البلد من ملحدين ومثليين ومسيحيين وغيرهم ليس الا محاولة لزيادة شهرة مدونتك
واستفزاز الجميع حتى تجبرهم على الدخول الى صالونك
وتقول ان الالحاد لا يليق الا بالصالونات
وان دعاة حقوق المراة والمثليين وغيرهم محرد مهرجين
وان الجميع اطفال وتفكيرهم ناقص لانهم بيتناولو موضوع واحد
اولا من قال انهم يتناولون موضوع واحد
فانا مثلا اكتب عن الالحاد ولماذا انا ملحد وعن الخرافات النتشرة لدينا
وفى مدونة اخرى انشر قصص وخواطر
كما انى انتمى لاحد الاحزاب واتناقش مع زملائى فى السياسة دائما كما لى اصدقاء نتحدث يوميا فى امور شتى وكان لنا الكثير من المغامرات ومحاولات التغيير فى مجتمعنا النائم
وتعرضنا لتهديدات ومراقبات وتم القبض على احد اصحابى
وفى كل محاولاتنا كان الدين لنا بالمرصاد حتى فى امن الدولة اتوا لنا بمشايخ
فى البيت فى الشارع فى التلفزيون فى النت فى اى مكان
الجدار الذى تتهدم علية كل احلامنا هو الدين
فهل فهمت لماذا اركز علية لانى اتحدث عن نفسى وحياتى قبل كل شىء
ولا يجب ان اكون شيوعى حتى انال اعجابك

Esmat said...

عزيزى
تحياتى لك
هذه اول مرة اعلق عندك ولكن اسمح لى -انت جمعت مواضيع كثيرة مرة واحدة -كان واحد واحدة حتى تصل وجهة نظرك بطريقه سليمه وكل منا يستطيع ان يتناقش معك

الخلافات القديمة بين الكنيسة والتنويريين كا ن الهم الكب خلاف على فرض سيطرة وسلطة بين الطرفين نعم كان هم التنويريين ابعاد السياسة عن الدين والبعد ايضا عن السلطة التى احتكرتها الكنيسة وحتى وقتنا هذا الفكرة المسيطرة هى كيفية فرض السلطة والحكم والوصول له والمكوث فيها اكبر فترة ممكنة سواء بافكار جديدة تغرى اكبر عدد من الناس بالتاييد او افتعال مشاكل ويظهروا انهم هم الاجدر لحل هذة المشاكل كما هو حادث فى امريكا مثلا اما نحن فلا مقارنه الان بيننا وبين الغرب
الاخطاء عندنا فى المنطقة العربية عديدة لان الاهم هو من يصل الى السلطة عليه ان يحافظ عليها ليس بمحاوله لم الناس واقناعهم بالافكار حتى ولو بالخداع بل -غصب لابد ان تقبل يا اما زى ما يقال نخبط دماغنا فى الحيط ليس عندنا مشاريع تنموية ولا فكرية ولا مشاركة شعبية ولكن فئة صغيرة طامعة وصولية همها شخصى فقط -ونكتفى بالمناقشات فى المؤتمرات وحتى المثقفين اكتفوا بالكلام وليس هناك فعل-يلم الناس حول افكارهم
اصبحوا الناس همهم لقمة العيش والعى عليها فلا وجه للمقارنة بيننا وبينهم
الحركات التى تنادى بالتحرر للمراءة وحقوق المثليين وحرية العقيدة
كلها ستكون موجودة عندما يسود مبدأ الحرية الفردية-لان اصلا فى مجتمعنا العربى لا يوجد حريات لا للرجل ولا للمراءة
ولابد ان يكون هناك فصل بين السياسة والحكم والدين
الدين موجود لخلق انسان سوى مؤمن بالله علاقة بين الفرد وربه
اما السياسة والحكم اصلاح امور شعب وتوفير بيئه سليمة ليتعايش فيها الجميع
ولا يخصنا ان نتكلم عن الالحاد او غيره من افكار خاصة باصحابها من شاء فليؤمن ومن شاء فليكفر لسنا فى موقف لاقناع احد بما نقتنع يا اما هو الاخر من حقه ان يحاول ان يقنعنا بإلحاده وهذه ابواب من الفروض إغلاقها وعدم المناقشة فيها
واخيرا لك تحياتى

مدفون في الشرق said...

مرحبا أسكندراني
أنا العارف نفسي كويس :) جميلة دي

أنت أيضا أستفززتني فكرياً، وححاول أعلق على النقاط التي أختلف معك فيها.

في مبدئين طرحتهم كأساس فكري:
- الحرية.
- حقوق الإنسان.

بالنسبة لي هذين المبدئين ليسا أيديولوجية من الممكن أن يجتمع العمل الفكري لكل الأفراد حولهما، على الأقل لأنهما أبسط بكثير من توحيد الأفكار، وكل فرد سيرى الحرية حسب أولوياته، وسيهتم بحقوق الإنسان التي تتعلق بمنظوره الشخصي...
يعني النشاط الفكري لمعظم الملحدين لو سألتهم سيقولون لك أن يدور حول الحرية وحقوق الإنسان، وأفكار الهيئات الحقوقية للمرأة والمثليين نفس الشيء، سينسبها معظم المناضلين من أجلها للحرية وحقوق الإنسان..

يعني ببساطة جملتك
-------------------------------
طبعا على المستوى الأدائي يمكن تقسيم العمل إلى لجان نوعية تعني كل منها بقضية، لكن على المستوى الفكري لا يمكن ذلك على الأطلاق
-------------------------------
برأيي جملة إقصائية، ومحاولة لهيكلة المجتمع، لأنه لن نتفق أي الأفكار مرتبطة أكثر بالحرية وحقوق الإنسان، هذا فرضاً أننا نتفق على أن هذين هما الأساس.

أنا مثلا أرى أن أهم الأولويات للعمل على:
- الحرية
- حقوق الإنسان

في مجتمعاتنا وفي وقتنا الحاضر، هي نقد الدين، ونسف علاقته بالحياة اليومية وبالتربية. وبالتالي إلغاء تأثيره على الوعي.
لا تهمني البيئة كثيراً ولاقضايا المثليين، ولاالمسيحيين الملحدين الجواسيس.

وغيري أولوياته لتحقيق الحرية، هي حقوق المرأة والمثليين، وهو لا يهتم بلميتافيزيقيات لا من قريب ولا من بعيد.

انت كتبت:
---------------------------------
أن تكون مع النور أو مع الظلام ولا حلول وسط، حقوق الأنسان كاملة متكاملة دون تفكيكها إلى قضايا صغرى
---------------------------------
برأيي الحرية فكرة مجردة، وحقوق الإنسان بسيطة وليست أيديولوجية شمولية، أو وصايا عشر لا يمكن تحريفها، ولا يمكن أن تتطور...

وهذا ما يجعل أساساً الإسلاميين يقولون ببساطة ساذجة أن الإسلام مع الحرية ومع حقوق الإنسان، في حين لا يقولون أنهم مع الشيوعية مثلاً.

من الممكن بالنسبة لشخص ما أن تكون حقوق الإنسان متعلقة بـ:
--------------------------------
البشر متساوون مساواة مطلقة بغض النظر عن الشكل اللباس أو الوزن، أو تسريحة الشعر.
--------------------------------
أو مثلا:
--------------------------------
البشر متساوون مساواة مطلقة بغض النظر عن العلاقة مع السلطة الثروة، أو درجة التدين (داخل الدين الواحد).
--------------------------------

مبدأ أن جميع الأفراد فكرياً يجب أن يكونو ضمن إطار واحد، برأيي نظرة وردية وفي نفس الوقت أيديولوجية.
وهي إقصائية لكل من لا تعتقده أنت شخصياً، يفكر ضمن إطارها الذي هو مجرد.

مدفون في الشرق said...

أنت قارنت بين نقد المسيحية ونقد الإسلام، وهذه المقارنة تنفع في كثير من الأمور،
لكن من غير المعقول أن يكون نقد أخلاقيات المسيح، بمثل نقد أخلاقيات محمد، هما كأيديولوجيتان مختلفتان تماماً في طريقة عملهما...
شخصية محمد الأساسية قائد جيش ورئيس دولة توسعية
شخصية المسيح كلها مفكر ومتحدث

محمد والمسيح، أبعد عن بعضهما من محمد وهتلر، أو المسيح وأفلاطون..

يعني حضرتك أتدايقت لما كان هناك مقارنة بين هتلر ومحمد، ثم أصريت أنو نقد المسيح لم يكن عنيفاً مثل نقد محمد..

إذا أزحنا اللاهوتيات، أخلاقياً وأيديولوجياً هناك تشابهات أكثر بين محمد وهتلر، وبين المسيح وأفلاطون ربما أو أي فيلسوف متحدث آخر .

كتب نيشته عن المسيحية، ولا تنسى انه مفكر أكاديمي، كتب ونشر الكثير من الكتب، وهو ليس فرد عادي أو يكتب في بلوج:

من كتاب عدو المسيح،
-----------------------------
الفصل -26-
(( الله يغفر لمن يكفّر عن ذنوبه )) وبقول أكثر وضوحا:
الله يغفر لمن يخضع للكاهن.

تشريع ضد المسيحية
البند الثالث:
المكان اللعين حيث حضنت المسيحية بيوض الأفاعي، ذات النظرات المميتة سيكون مدمراً.....وسيكون ثمة أفاع سامة تربو فوقه.
-------------------------------

رينان وصف المسيح بـ:
-----------------------------
"المعلم الأكبر في الاستهزاء"
------------------------------

هذا عن أن نقد الأوروبيون للمسيحية، كان فيه الاستهزاء، واللعب بالألفاظ، وإطلاق الصفات على المسيح.

آسف لتقطيع الحديث، لكن سأكمل تعليقي فيما بعد، نفذ الوقت :)

Alexandrian far away said...

أبو أحمد صباح الورد
هو أنا اقدر ما اردش على تعليقك برضه يا باشا، أتمنى تكون المدونه حازت أعجابك ويكون فيها الرد الشافي على تعليقك
وأنت منورني فعلا
تحياتي القلبيه

اجندا حمرا said...

بس يااسكندراني قبل مانطالب بأي حقوق من اي نوع لازم نكون مقتنعين بنفسنا و في سلام داخلي قبل مانطلب من الناس يتقبلونا لازم نكون متقبلين نفسنا
ماحدش بيدي حد حقوقه احنا اللي لازم نطالب بيها بس الاول نقتنع بنفسنا و باللي بنعمله
تحياتي علي الموضوع المميز

Alexandrian far away said...

بلو ستون
يا لهوي
أيه يا ستي ده كله؟
أنتي أتعديتي من رامز ولا أيه
ههههههههه
ماشاء الله ع الصحه والعافيه
ربنا يديمهم عليكي
طبعا أنا حأرد ردود مختصره دلوقتي وبعدين نرد بتوسع في محاوره على تدوينة تبقى التوابع-2
أنا شخصيا لدي موقف من المثليين، أنا قابلهم تماما وبشكل عادي جدا لأن حتى أختلاف الذائقه الجماليه مش مشكله لأنه واقعيا لا يوجد ما يسمى الذائقة الجمالية الطبيعية فكلنا شواذ عن قاعدة غير موجودة أصلا
وأرجوك مش عاوز أتكلم في علم الجمال لأنه أسخف مبحث فلسفي في التاريخ

وأنا لم أقل أن كل الملحدين ذوي الأصول المسيحية هم مدعون بل قلت أن المسيحي حتى حين يلحد يبقى مسيحي، لا يؤمن بالله لكن برضه مسيحي وأنا أقصد الأرثوذكس تحديدا وعلى فكره ليس طعنا فيهم ولكن هذه طبيعة تفكير الأقليه للاسف ورغم أعتراضي المطلق على كونهم أقليه وكوني أنا نفسي أنتمي لأقلية أصغر حتى كثيرا من المسيحيين
ويا بلو ستون أنا بصراحه وتأسيسا على الحقائق التاريخية أرى أن كلا الديانتين الكبيرتين دموية أنتشرت بحد السيف والمجازر وأنهار الدم سواء المسيحية أو الإسلام، اليهودية طبعا بشعة ودموية كذلك إلا أنها ليست ديانة تبشيرية
أما عن الوجه الدموي للمسيحيه فأعدك بأن أكتب قريبا عنهوهو مبحث أهتم به من سنوات وأجتهد قدر أستطاعتي في جمع مادته وأعتذر أن كثير من المسيحيين سيصدمون من الحقائق التاريخية التي يتداولها العالم من قرون وتبقى سرية هنا بالشرق في فضيحة فكرية حقيقية

علاقة الإلحاد بعصر النهضة الأوروبي شىء معقد جدا ، الحقيقة يجب دراسة تأثير الوثنيين الجدد وقتها على توجه عصر النهضة ككل ودور الجماعات الماسونية الأولى وجماعات الروزكروسيين ، وموضوع معقد كبير الصراحه أبحث فيه فعلا وهو بحث صعب ومجهد لقلة المصادر وصعوبة أيجادها

أعترف أن لهجني كانت حادة وأنا أتحدث عن المسيحيين، أعتذر
وأعتذر بشدة
لدي أسابابي التي سأوضحها في وقت أخر
لكن في النهايه المسيحية هي التي تدعو للمحبة والتسامح وإدارة الخد وعليه فالعدوانية من أتباعها مشكلة كبيره، أما الإسلام فهو ديانة عدوانية مقاتلة بطبعها والعنف من أتباعها عادي ومتوقع بل ومحمود ومحبب من وجهة نظرها
مش كده؟
وعلى فكره البقرة المقدسة تعبير أستعاري وأنا لا اقصد أن وفاء بقرة مثلا وإن كنت لا أجد إهانة في زوصف شخص بأنه بقرة لأن البقرة كائن رائع ومقدس

والربع كيلو بن عندي
ده تعليق مختصر
والكلام الكتير حييجي

تحياتي ونورتيني

Alexandrian far away said...

العزيزه شهروزه
يعني هو ماليش نفس يتهيألي أنك بتمدحيني؟
ههههههههه
وبعدين هو ما أعرفش أختلف معاكي مثلا؟
ماشي يا ستي
ولا يهمك
متفقين متفقين

تحياتي
وخطوه عزيزه

Alexandrian far away said...

بنت القمر
خليكي مع مج الكابوتشينو يا ستي
ممكن أكسبرسو دوبل بلاك؟

Alexandrian far away said...

أسكندراني في الغربه
تحياتي يا صديقي العزيز
بجد ما كانش قاصدي يا صاحبي، لكن الكلام جاب بعضه والأفكار سحبت بعضها وحصل الى حصل
وسلامتك من النار يا باشا، برد وسلام عليك وعلى حواليك
بس يا صاحبي أنت ولامؤاخذه طالع لي من المنور ههههههه
طيب يا سيدي أنا حأديك الأرضية الصلبه لأنك عزيز عليا فعلا، أولا أنا اسف أنا ما كانش قصدي أدافع عن الاسلام خالص أصلا وأي دفاع طلع مني فهو طلع بالغلط، أنا أيه؟
تصدق سؤال صعب فعلا
رسميا وفي الورق أنا مسلم
وأنا في الحقيقة مسلم، ليس بأني أعترف بالأسلام كديانه لكن بأنه شئت أم أبيت جزء من تكويني الثقافي ومن هويتي الفكريه بطريقة أو بأخرى، وأنا أختلف مع الملحدين في أنهم لا يعترفون بوجود خالق، بينما أنا لا أعترف بوجود خلق أصلا ، فزيائيا الوجود موجود دائما ، هو دائما كائن ودائما سيكون، فلم تكن هناك لحظة ما لم يكن فيها شىء، وعليه فلم يحدث خلق أصلا،
واضحه دي؟
لكنني في النهايه لست لا دينيا فأنا أعي أن الدين هو مكون أساسي للشخصية البشريه، فهو كما ذكرت من قبل مخزن ومستودع للبعد الطفولي للأنسان فالأساطير والخرافات هي جزء من تكوين أي شخصية والحاجة للدين هي حاجة أنسانية لا يمكن أنكارها والبشر عموما يسعون لتديين شىء ما ولذلك أصبحت الماركسيه اللينينيه ديانه على مستوى الممارسه وكانت الأمهات تضع صور لينين الطفل على ملابس أطفالهن كما كن يضعن أيقونات المسيح الطفل من قبل، وكذلك تحول الإلحاد نفسه لديانه، فأنا لا أنكر الدين ولا ارفضه، ولا أنكر الميتافيزيقا بل اضعها في منطقتها الحقيقية حيث تكون أكثر فعاليه لتمنحني الحلم والحب والحكايات والأساطير
وعليه فأنا أنتمي لديانه أو لنقل لموقف ميتافيزيقي ما وإن كان يتجاوز التعريف المبسط المخل الذي تطرحه الديانات السامية الثلاث لمفهوم الدين
أتمنى أن أكون نجحت في منحك بوصله جيده

على فكره أنا كنت وما زلت على رايي فيما طرحه شريف الصيفي (حنين) ولم أغير رأيي لأن علاقتي هي بالفكره وليس بالشخص
ما رفضته هو الأنتحال غير المبرر والزيف لكن الفكر نفسه - وهو مش فكر الصيفي اساسا لكن فكر أنساني عام- أنا أتفق معاه ولو طرحه عجوز في التسعين

تحياتي القلبيه

Alexandrian far away said...

العزيزة
Bird of Alex
أنتوا متفقين عليا أنتي وشهروزه ولا ايه؟
:-))))
ماليش نفس يعني يتهيألي أنكم بتمدحوني؟
الحقيقه أقولك سر
دائما ما كان أصدقائي يتسالون لماذا في اي قعده أو تجمع أروح أقعد وسط البنات- رغم أني شخص خجول جدا أمام المرأه على فكره- الحقيقه وبغض النظر أن البنات أظرف وأخف دما فهم الصراحه أذكي وأحد رؤية وأنقى فكراوأجرأ عقلا
وبعدين هي ناقصه رجاله؟
كفايه رجولة الواحد عليه
ههههههههههههه
بجد بتشعروني بالفخر والأمل
وأتمنى أن أحظى بزيارتك وتعليقاتك القيمه دائما

Alexandrian far away said...

هيومان
يا هيومان
بص يا سيدي
أولا أنا ما عنديش أي خطه أني أحول المدونه لمنصة تعليميه أو تثقيفيه
ثانيا: لو سمحت أقرأ التدوينه تاني لأن أنا شايف أنه ممكن المونيتور كان معتم شويه فما كانتش واضحه
ثالثا: مش مهم تكون بلا ديانه لكن المهم أنك تبطل تفكر بشكل ديني
رابعا: أنا عارف يا حبيبي أنك لك أصحاب ونشاطات وبتروح القهوه وكده يعني أمال أنت عايش في قمقم أو برنامج محاكاه مثلا
خامسا: تصدق يا أخ هيومان أنه زوار المدونه من ساعة ما فتحتها من سنه ونص ما يجوش نص عدد ألى بيقروا لي في المطبوعه ألى بأشتغل فيها كل أسبوع، يعني أنا مهنتي الكتابه وبأنشر بأسمي الحقيقي وصورتي كمان :-) فمش مستني المدونه
سادسا: حاجه نفخ قوي وممله ومش طيبه أنه كل شخص يطرح فكره مميزه أو خلافيه يتهم بأنه بيسعى للشهره ، ايه الخيابه دي اصلا؟ ما هو أنا برضه ممكن أتهمك بالتهمه دي وأنك بتسال على فيل ابرهه والحداويت دي طلبا للشهره، بلاش التكنيك العاجز ده يا صاحبي
سابعا: أنا عارف أنك زعلان أني أثنيت على كلام شباب روش طحن في مدونتك وأنت قعدت تقوله ربنا مش موجود ربنا مش موجود، فكرتني بنهاية فيلم الأخوه الأعداء لما قعد محمود عبد العزيز يهتف في المحمكه: ربنا موجود ، ربنا موجود
ثامنا: أنت أيه موضوعك بقى؟ أنت عامل مع اصحابك حركه تبشيريه الحاديه؟ أنت عارف كم وعدد الملحدين في مصر؟ ووسط الكتاب والأدباء والفنانين وكبار اصحاب الفكر والراي؟ ممكن أقولك اسماء تبهرك وتخضك، لكن كله عادي ولا أمن الدوله جت جنبهم ولا جابت لهم شيوخ ولا بطيخ، ليه؟
لأن الألحاد مش دين وما فيهوش تبشير ولا بيطلب شهداء ، ويحطوا صخره على صدرك وتقعد تهتف: ألحد الحد، وزي ما قلت قبل كده مش مهم تنكر الدين المهم تبطل تفكر بشكل ديني، أنت سبت الإسلام وأعتنقت الالحاد يا صاحبي وكلمتني على التدوينة زي أي عضو في الجماعه السلفيه

تاسعا: تاني بارجوك تمسح المونيتور بقطعة قماش جافه ناعمه وترجع تقرأ التدوينه تاني لأنى فعلا شايف أنك ما قريتهاش ونازل أتهامات لا اصل ولا اساس لها

عاشرا: مين قال لك أني معجب بالشيوعيين، كتهم خيبه دكر على الدمار الفكري والتنظيمي الى هما فيه

أحد عشر: خلاص كده قطعنا العلاقات ولا ايه؟

أثنا عشر: أيه حكاية المدونه التانيه دي ؟ هو شبح شريف الصيفي ده حيفضل معلق على راسنا ولا ايه؟
هههههههههه
ثالث عشر: بارك الل أله لك في الحادك وجازاك عليه كل خير في لا جنات اللا عالم أخر

صبح

Alexandrian far away said...

مدفون في الشرق
أستنى يعني ولا أعلق على كلامك
عموما نستنى لليل في الطراوه

تحياتي

Alexandrian far away said...

عزيزي مدفون في الشرق
ممكن تبقى تلقي نظره ع البتاع ده لو سمحت
http://www.unhchr.ch/udhr/lang/arz.htm
ده الأعلان العالمي لحقوق الأنسان
شكرا
وعلى فكره هو المرجع الوحيد الى حأستعمله في نقاشنا
تحياتي مرة أخرى

Alexandrian far away said...

esmat
مبدئيا اهلا ومرحبا بك وبتعليقك
صدقني كنت ناوي أعملهم واحده واحده ومرتب لكده لكن النصيب بقى :-) القضايا سحبت بعضها، أتفق معك وبتزمت في نقطة محورية الأعتراف بالحريات الفرديه، صح وصح تماما، هذه المجتمعات موبؤة برفض الحريات الفكريه وكثيرا ما قلت أنها مجتمعات لا تستحق الحريات السياسية لأنها لا تعرف ولا تحترم الحريات الفردية والتي هي الأصل في كل الحريات
إلى هنا يتوقف أتفاقي معك
:-)
وتحياتي وشكرا على تعقيبك الثري

human said...
This comment has been removed by the author.
human said...

شوف اولا اثنائك على شباب روش هذا شىء يخصك وانا رديت عما وجهة لى ولم ارد عما وجهة لك فاذا كنت موافق على كلامة فانت حر
لكن كلامة عن جبل الجودى والنيام نيام وماو ماو لا يساوى عندى شيئا
فكلة من كتب مصطفى محمود التى كانت اول ما قرات واول من وجهتنى للالحاد
ثانيا اسلوبك التهكمى عن القهوة والقمم وهذا الكلام السخيف لن ارد علية
ثالثا
الملحدين المشاهير الذين تتحدث عنهم ليسوا ملحدين بل هم لادينين فقط
كما انهم لا يهتمون سوة بحياتهم الخاصة وبالطبع لن يعلنوا على الملا افكارهم الحقيقية
رابعا
اسمحلى اقولك اصل الحكاية
من عذة سنوات كنت فى جماعة انصار السنة وكانت افكارى بدات تتغير وبدات القى اسئلة علنية اثارت غضب الجميع ولكن بعد فترة ازدت اقتناعا بافكارى عندما لم اجد رد منطقى وكان لى صديقا فى الجماعة اخبرنى ان يرى وجوب البحث عن اجابات شاملة ووافية عن كل اسئلتنا حتى يكون ايماننا حقيقى وعقلانى
ةبعد فترة كنا تقريبا خرجنا تماما عن الدين وعندما حدثت مواجهة بيننا وبين احد شيوخنا لم نعد للمسجد مرة اخرى مما جعل هذا الشيخ ياتى الى بيت صديقى هذا وانا هناك ووجد لدينا كتب فى النقد الدينى وغيرها
ومن ثم ابلغ عنا امن الدولة الذين قبضوا على صديقى هذا
عرفت القصة
من اذن يحكم مجتمعنا ومن الذى يستحق كل النقد
خامسا تقول ان الكلام عم ابرهة ووثنية عبد المطلب كلام تافة اذا كان تافها فهذة مشكلة الدين وها نحن نطرحها
والكلام التى تستهزىء بة هذا يا سيدى المفكر العظيم
قد جعل مجموعة غير قليلة من الاخوان وانصار السنة من اصدقائى القدامى يتجهون نحو الالحاد او العلمانية على الاقل ويؤمنون بسذاجة ما بنى علية الدين
وانت لا تدرى ان هذا الكلام هو ما جعل شيوخى فى المسجد يصابون بالصدمة
ليس لانهم اول مرة يعرفونة
ولكن لانهم اول مرة يطالبون باعطاء جواب منطقى وعقلانى
فكل ما فعلة ان رفضوا الحوار واعتبرونى مارقا مما اضطرنى طبعا للتظاهر بالدين اى اداء الطقوس

ثم من قال انى قعدت اقول
ربنا مش موجود ربنا مش موجود
انا قلت ان الصفات والقدرات التى اسقطت على الالة المزعوم لا تتناسب على مجريات الحياة ومسار التاريخ حتى الان
كما انها تتناقض مع الاسلوب التى تتبعة الاديان
وهذة فى رايى اهم نقطة فى القضية كلها
وما فعلة شباب روش ان وضع لى كل ما كتبة مصطفى محمود من الاكاذيب التى يخدع بها المتدينين
وسبق وقلت ان كتابية
حوار مع صديقى الملحد
ورحلتى من الشك الى الايمان هما ما وضعانى على عتبة الالحاد
بعد ان رايت سذاجة اجوبتة وتصورة للملحد على شكل شخص عنيد غير قادر على الرد حيث يضع لة الكاتب نفسة ردودة

وتتهمنى باسلفية ايضا وهذا شىء مضحك ومحزن فى نفس الوقت
انت لا تعلم طبعا ان رغم اصدقائى الملحدين الا ان اقرب اصدقائى هو مسلم متدين وهو اكثر شخص اتكلم معة ونبقى بالساعات نتحاور كما انى مازال لدى اصدقاء كثيرين من انصار السنة وجماعة الاخوان
كما كونت مع بعض الاصدقاء من قبل جماعة اسميناها جماعة المفكرين الاحرار وهى تضم شخص من كل مذهب تقريبا
فهل السلفى يسمح بوجود اى اختلاف معة
ام ان السلفى من يحاول بعث الماضى باى شمل حتى ولو كان الماضى فشل وسقط وهذا لا ينطبق فقط على المتدينين بل ايضا على اغلب الشيوعيون الماركسيين
ثم ما المانع ان انشر افكارى اليست الديمقراطية تستلزم حرية الاعتقاد وحرية التعبير عن اى فكر
وفى النهاية اذا استمريت على اسلوب التهكم وبتر الكلمات فلا داعى للحوار اصلا

بنت القمر said...

انا كنت ماسكه المج ومركزه وومطرطئه ودانى معاكم فى المكامه السابقه
وبما انى حلفه اقفل بقي واسكت حبه يمكن اتعلم حاجه جديده بس نعمل ايه الطبع يغلب التطبع طبعا البوست دا اسوا ما فيه تشتيته للقارئ ويزداد الطين بله بالتعليقات كان عاوز يتفك خمس ست مواضيع نفهمهم حبه حبه ونتناقش بهدوء المهم
__________________
بالنسبه اما سبق مع احترامى للاخوة المسيحيين المعلقين وعلى راسهم بلو ما ينفعش تناقش مسيحي على تطرفه الديني لان التطرف هو للمسلمين بس ما ينفعش تتكلم عن سلطه البابا لان انت واش فهمك دا دينا وحاجات لاهوتيه وعقائديه ما تفهموش برضه فيها تجيب سيره وفاء قسطنطين تحصل حاله من الانكار علي الدفاع على الانكار مرة اخري.. ك وقلت ميت مرة يا جماعه عاوزين تعرفوا وفاء فين وفاء في دير باسيوط فى جناح تشرف عليه راهبات ممنوعه من الزياره نهائيا وبتحصل لها جلسات نصح فيما يشبه الاقامه الجبريه واتشتمت واتهانت واتقال عنها منحله وجوزها عنده سكر وكلام كتير هو دا اللي يتقال عنه شق الصدور لمعرفه ما فيها
اخى فار اواي نصيحه بتحب حد مسيحي ما تفتحش التلات مواضيع السابقه نهائيا والا هاتخسرة للابد وخصوصا ان كان متدينا
_____________________
حكايه الملحدين ما تهمنيش اطلاقا من شاء فليؤمن ومن شاء فليكفر بس لنا اتفق مع فكرة ان بعضهم يتخفي وراءها لاعتقادهانها ربما وسيله لهدم الاسلام اذا اختى بلو مش مصدقه احكيلها مرة واحد جا علق عندى ذو اسم فرعونى على موضوع اتفلسف عليا فيه وامطرنى بكلام ذوصبغه الحاديه فتحت مدونته لقيته بيقول كلام ابعد ما يكون عن الالحاد من عينه يا مسلمين يا كلاب يا رعاع يا اوسخ شعوب الارض العالم كله بيتف عليكوا وانتوا بتفشوا غلكم فى المسيحيين الغلابه وصور عجيبه عن مذابح للمسيحيين ولا العراق طب يا عم ما ترسي علي بر انتى حبه ملحد وبعدين ما تمسكش نفسك تيقي مسيحي مطهد مستني الخلاص من المخلص الوحيد البطل مايكل منير واللى ها يستفزنى ويقول بم ها اديله اللينكات كلها خنقتووووونى
____________________ حكايه بقا المثللين دول الله لا يسئكم الاخوة والاخوات المعلقين كل واحد يقول علي نفسه مدافع عن الحريات يقولك انا معنديش مشكله مع المثليين يا جماعه اسمهم الشوووواذ
لا نشيك الاسامى طب انا بقا رجعيه وجاهله وما اقدرش اقبل هم من خافيه دينيه ونفسيه ابدا مش فاهمه ايه لازمه الفلسفه الفارغه دى والتشدق يعنى انت تقدر اخىالمعلق تعيش مع واحد شاذ في سكن واحد حتى لو كان للدراسه او العمل هل تتقبل اخى لو اختك مثليه او تتركها وشانها اختى المعلقه برضه لو اخوكى مثلي شاذ هل بكل محبه وتسامح ها تقولي دا شان شخصي!!!!!!!!!!!ا
هل يا اخى تفضي باسرارك لمثلي هل تثق به هل تشاركه الطعام؟؟
لما تجاوب على الاسئله دى بنعم تبقي بتاع حريات بجد لكن لو قلت لا تبقا او تبقي كدابه ومتشدقه__________
افتكرت حلقه عرضتها اوبرا وينفري عن كتاب اسمه الحياة السريه ارجال طلقتهم زوجاتهم بعد ان اكتشفن ان لهم حياة مزدزجه وانهم مارسوا الشزوذ وما فبلوش كدا احنا بقا اللى ها نيجى اكتر تطورا وقبولا للاخر حتى لو فى الخيبه التقيله!!عجبتنى او كلمه فار اواي وتوصيفه لهم بنفوس مريضه خاويه الي اخر الجمله
________________ اخيرا واسفهعلى التطويل اخى فار اواى والنبي وحدا واحدا معايا يعنى ايه مسلم على الورق مؤمن باله وخالق من غير خلق هو مش الفاعل بيشتق من الفعل و الخالق من الخلق ممكن تفهمنى لانها عامله زى اللى يعدى البحلر وما يتبلش وبعدين مين الاقليه اللى اقل من المسيحيين بهائيه مثلا زرادشتيه لا مش راكبه طب جعفريه لا مش لايقه امال ايه بالضبط واللله والله مع احترامى لحضرتك بس فهمنى وبلاش الكلام المكلكع بتاع الميتا فيزيقا وتأطير المعانى وطدا اصل انا تعليمي حكومى منحط اعتبرنى تلميذة عوزة تفهم اهو تكسب فيا ثواب اقعد في حته كدا الاقيني فاهمه برضه صالون ثقافي ولا حاجه
واخيرا بجد تحياتى للجميع
اروح اعمل مج كابتشنو تانى وحبايه قرحه المعدة عافاكم الله

مدفون في الشرق said...

مرحبا أسكندراني،

أرى انك جمعت الكثير من التعليقات الجميلة على هذا البوست :)

انا اليوم مسافر، ومش عارف إذا ممكن آخد من وقت إجازتي لفوت على النت، لكن على كل حال، سوف أتابع كل ما كتب فيما بعد...

حلخص عالسريع أنا أختلف معك بإيه:
1- حقوق الإنسان ليست أيديولوجية، ومن غير الواقعي فرض أن كل النشاط الفكري يجب أن يدور حولها، ولا يوجد شخص (مؤسس) أوهيئة عليا تقرر ما يدور حول حقوق الإنسان ومالايدور، وتقصي ما تشاء، حقوق الإنسان وعي، والوعي أعقد من الايديولوجيات كلها.، وأكثر تطوراً

2- النقد الأخلاقي للدين أمر أساسي، لفك إرتباط وعي مجتمع متدين بالدين.

3- محمد أخلاقياً لا ينقد كما ينقد المسيح، لأنه وأنت قلت ذلك، وأنا أوافق:
تلك العبقرية الفكرية واللغوية والسياسية والأستراتيجي.

المسيح يمكن أن يوصف من قبل مؤيديه:
العبقرية الفلسفية والإنسانية.

لاتستطيع أن تقصي النقد الأخلاقي لمحمد، بحجة أن المسيح لم ينتقد بنفس الطريقة.

4- الأوروبيون نقدوا وينقدون المسيح والمسيحية نقد أخلاقي وعلمي وفلسفي وباستهزاء في كثير من الاحيان، لو نقد الإسلام بواحد على ألف منها لثارت مشاعرهم الرقيقة، وحطمو بلدانهم فوق رؤوسهم، وهي أيضا ليست حجة على أقصاء النقد اللاذع لمحمد.

طيب، أنا هتابع بكم نقطة:
عن كلامك عن الإلحاد:

1- القضايا الإلحادية قضايا برجوازية:
هي أيضا تهمة إقصائية لها جذرها الشيوعي.
هل تساءلت كم شخصية ثرية في بلدك بنى جامعاً، وكم شخصية ثرية في بلدك تسوق القطيع، بجمل دينية؟
الطبقة الثرية في مجتمعاتنا هي قطعاً مؤمنة ومعظمها يزاود في إيمانها على الدهماء.

2- أنت قلت
----------------------------------
فالملحد يقصي المؤمن مبدئيا متعاليا عليه
----------------------------------
هذه النقطة وجهة نظرك، ولا تخرج عن أنها رأي أو أنك تعلم ما في القلوب، ما أستطيع أن أؤكده لك، أنه لا يوجد كتاب مقدس لدى الملحدين، أو قانون يقول:
أقتلو المؤمنين وأسبو نساءهم.
أو
من لم يؤمن بأن المسيح كذاب فلن تباركه آلهة الإلحاد.

وبالتأكيد الملحد حالياً ومستقبلاً لن يعلم أبنه أن مؤسس الألحاد قطع رأس من هجاه وهجا الإلحاد.

3- الخرافة تسيطر على المجتمع، طبعاً، ولكن الدين أهم وأكبر خرافة في الزمان والمكان الذي نحن فيه، وهو أهم عامل يعزز فكرة التصديق من دون دليل (الإيمان=الخرافة).

وعندما يدرس مسلسل خيالي في المدارس كحقيقة لا تناقش منذ نعومة الأضافر، وتأخذ منه قوانين لتقود المجتمع، سوف يكون الملحدين أول من ينتقدوه، وهذا ليس بحجة ضد نقد الدين.

5- ما هو التقسيم المهني؟..
هل هو قسمة ونصيب؟ أو اختيار شخصي؟
ولماذا يحق لمن اختاروا لأنفسهم نفس المهنة أن يتجمعوا ويضربو من أجل حقوقهم، والمثليين لا؟.

إنت قلت في البوست اللي قبل:
-------------------------------
فمجرد ذكر جملة حقوق المرأه هو عمل من أعمال التفرقة العنصرية على اساس الجنس
--------------------------------
خروج حركات ومقالات ومفكرين يذكرون جملة:
حقوق العبيد
كان في فترة من الفترات أهم دفاع عن أقل الناس أخذاً لحقوقهم.

أظن، مازال لدينا الكثير لنتناقش فيه.. طالما لن يفجر مؤمن ما نفسه بيننا.

ودمت.

Alexandrian far away said...

تحياتي يا أجندا حمرا
شرفتي المدونه
أتفق معك تماما، الحقوق لا تمنح لكن تنتزع أنتزاعا، والحقيقه أنني أؤمن أن من لا يطالب بحقوقه لا يستحقها على الإطلاق، وهي من أبرز مشاكلنا بمصر، أن الشعب لا يطالب بحقوقه ولو أعطيت له منحة لأضاعها وفرط فيها

تحياتي لك
وشكرا على تعليقك المركز القوي

Alexandrian far away said...

عزيزي هيومان
مش أنت قلت أنك حتبقى لازع؟
قمت لذعت أنا كمان 
عموما حقك عليا ما تزعلش لو اللذعان زاد شويه في الكلام
أنا عصبي وغضوب لكن قلبي أبيض وحتى أسأل بنت القمر
بص يا هيومان
أنت تعرف فيه كام أتحاد للأدينيين والملحدين والوثنيين بالعالم؟
عشرات ، بل فيه أتحاد عالمي كمان وقوي جدا ومنظم ورائع
الحقيقه دون وجود شكل زي ده في مصريبقى أعلان موقف الإلحاد أو اللادينيه أنتحار غير مبرر
سيبك من شباب روش، أنا عارف مراجعه في تخاريف المعتوه مصطفى محمود وهو لو فهم ردي حيلاقيه مش مدح ولا أي شىء، تجربتك الحقيقه مدهشه، أحسدك عليها، وياسيدي أنا لا مفكر عظيم ولاشىء، المشكله في الدين مش تفاصيله، المشكله أنه غير منطقي مبدئيا وغير عقلاني اصلا، والحقيقه أكتر حاجه أجد صعوبه في تصديقها هي أن الناس مصدقه، لكن أسمح لي ، هؤلاء من حاورتهم ناقصي الأيمان، لأن الأيمان يستدعي تعطيل العقل وقبول المسلمات المقدسه بدون نقاش.
لكن أنا فعلا ماليش أصدقاء لا أخوان ولا أنصار سنه ولن يكون لي أبدا زي ما أنا ماليش أصدقاء من الحزب الوطني أو جماعة المستقبل أو جمعية الصداقه المصريه الأسرائيليه، فأنا لا أتسامح مع أعدائي الفكريين.
وأنا لا أختلف معك في نشر أفكارك بل أحرضك وأحضك وأساندك تماما، فالديانات السامية الثلاث هي إعاقة حقيقية في تاريخ البشرية ترسخ قيم الخرافة والأستسلام والعنف والخضوع والأغتراب النفسي والحضاري وتتقاطع بل وتتناقض مع القيم الأساسية للحضارة البشريه.
وأصبر عليا شويه وسترى أني مساند لك ولست معاد
وأنا لم أقصد مهاجمتك يا هيومان بصدق، لكنني أؤمن بالنقد والنقد الذاتي
وأعتقد أنه ما فعلته وإن كان بعنف قليلا
عموما حقك عليا في موضوع التهكم ده
وتحياتي وشكري على صبرك وتعليقاتك القيمه

Alexandrian far away said...

أهلا وسهلا يا بنت القمر
أولا أشهد جميع المعلقين والقراء والزوار أن لا علاقة لي على الإطلاق بما تكتبه أو ستكتبه بنت القمر كتعليقات على هذه التدوينة أو على غيرها.

الحقيقه أنا مش شايف تشتيت، الموضوع كله يدور حول الحريات وحقوق الإنسان ورغم أن الأخطبوط له أقدام كثيرة إلا أنه يبقى كائن واحد..مش كده؟
الشد والجذب بين المسيحيين والمسلمين أنا لا شأن لي به على الأطلاق ما عدا أني أحلم بقوة وطنيه مصريه محايده تستطيع أن تقهر الأثنين إن فلت عيارهما أكثر من ذلك وتمنعهما من تدمير الوطن، أنا فعلا معاكي في موضوع رفض المسيحيين المصريين للمناقشة حول المسيحية وتفصيلاتها البيروقراطية، ويمكن السبب هو أن من أهم الأصول الفكريه للمسيحيه هي ( عبادة سيرابيس) ودي كانت ديانة أسرار مقدسه أصلا.

بالنسبة لموضوع المثليين وما يصحش تستعملي للفظ مهين للكلام عن حد يا بنت القمر
المهم، هناك فرق بين القبول الإجتماعي والحقوق القانونيه، يعني مثلا أنا أؤمن أنه يجب أعتقال تامر حسني وأعتقال كل من يعجب به أو يسمعه في معتقل صحراوي معزول، لكن طبعا ده غلط ومش من حقي أفرض ذوقي عليهم، المثليين يطالبون بألا يضطهدوا بسبب ميولهم الجنسية أو العاطفيه، لكن القبول الأجتماعي ده موضوع لا يمكن أجبار أحد عليه، فهمتي؟ أنا بأشمئز من تامر حسني لكني ضد أعتقاله أو أعتقال معجبيه، وبعدين يا نهار أسود !!! أنا أمتى قلت عليهم أنهم نفوس مريضه خاويه؟!، وحياتك بلاش تلخبطي بيني وبين تؤامك الفكري الأسكندراني التاني.

أخر نقطه بقى يا شطوره أنا مش عارف يعني أشرح لك أيه بالظبط؟
ورقي الرسمي بيقول أني مسلم... مفهومه دي؟
لكني لم أجد أن الأسلام يحقق لي الإشباع الروحي أللى أنا محتاج له فتخليت عنه كديانه لكن لسه مكتوب في الورق، وبعدين الحقيقه أنا مش عارف هو المونيتور عندك فيه مشكله؟
هو أنا جبت سيرة الخالق أصلا؟
بصي يا ستي المؤمنين بيقولوا الحلواني هو ألى عمل التورته الي في التلاجه، وأغلب الملحدين بيقولوا أنه الحلواني ما عملش التورته، وأنا باقول ما فيش تورته في التلاجه اصلا يبقى الحلواني مالوش لزوم من أولها
وصلت؟ ياريت
والحقيقه أنتي كشفتي لي مدى أنهيار وخراب التعليم الحكومي
ومنك لله لأنه من ساعة أبله أبتسام – الله يرحمها – ما قرت كلامك قاعده تلطم وتصوت وبعتت تجيب شوية طين تحطهم على دماغها

صباح الفل.

بنت القمر said...

ماشي يا فار افندى
انا مسئوله عن ما اكتبه والسادة القراء متحمله كلامى الذي اطرحه من باب العرض فقط رغبه في العلم والفهم وليس اهانه ولااحتقار احد احترامى للجميع
بص يا فار افندى انا لما قريت التعليق قلت انا اللى استاهل انا اللى جيت برجلى وبعدين فضلت الالتزام بفضيله الصبر وها اقولك ليه؟
الجزء بتاع المسيحيين لنا اترك الحكم عليه لقراءك رغم انى ما اختلفتش فيه معاك يا اخى ووجهتلك نصيحه يس ما علينا
بالنسبه للمثليين انت بتقول القبول الاجتماعي حاجه والحقوق القانونيه حاجه تانيه يعنى ايه؟؟؟ انا اعتقد ان هذا القول من باب المباهاه الثقافيه ولو انى برضه مش بحب تامر حسنى برضه بس لااعتقد ان المثلين ممكن قياسهم على حاله تامر طب ها اقولك حاجه تانيه ايه الحقوق اللى انت شايف انهم بستحقوها اقرار الزواج مثلا وحق الميراث مثلا انت بس قولي الحقوق اللي بتقرها لهم الله يخليك تقولى
بالنسبه لكلمه نفوس مريضه خاويه طب تسمحلى احط صبعي فعينك وارجعك الى تدوينت السابقه
ذواتهم خاوية ووهمية وفارغه من المضمون لدرجة أنه لا وجود لما
يصفون به أنفسهم سوى ما يفعلونه بغرف النوم؟
ها بقا كلام مين دا يا فار افندي؟؟؟
طيب اخيرا بالنسبه لحكايه الخلق والخالق فانت وما تعتقده ما تهمنيش خالص اللي يهمنى انى افهم بس بس انت برضه مفهمتنيش لعادتك المقيته من السخريه وبتر الحواار. اللى ان شاء الله ها تقطع رجل المدونين وارجع الى تعليق هيومان عاليه اخر سطرين
انا فاهمه انك بتقول انه فيه خالق لكن بدون خلق تمام كدا
تانيا يبقي بالتبعيه مفيش خالق لان الخلق مش موجود اصلا يعنى ايه طب اذا كنا احنا مش الخلق ولا الشمس ولاالكواكب طب الحاجات دى ايه ؟؟؟؟
عارف لو ما فهمتنيش بجد هازعل... لانى صابرة على رذالتك عشان افهم واستفيد واذا انتفت الاستفادة يبقي انتفي سبب وجودى اصلاعندك
اخيرا اخى الفاضل عيب عليك انك تقولي توامك الفكري اخى اسكندرانى اوى اخ فاضل بيدخل يعلق عندى بكل ادب زيه زى الاخرين فبلاش الغمز واللمز وشغل التلقيح الكريه دا. اخيرا مرة تانيه
هو انت لما حد يعارضك يبقي رجعي وجاهل وفقس الكلمه اللى قلتها لهيومان .يا اخى ما تنزل من علياءك مين اعطاك الشعور دا بالتفوق حاجه غريبه؟؟؟ ولما اجى افهم منك واسالك بالادب تقولي حكايه ابتسام التى بقت ممله ومبتذله من تكرارها
اخيرا اخى الفاضل انا بحول اكون بسيطه في اسلوبي وغير مدعيه يعنى ممكن احشر لي كلمتين مكلكعين ازوم المنظره ولفت النظر لكن الحقيقه مش اسلوبي سبت الاسلوب دا لناسه اللى انت عارفهم مش ها اقولك احنا عائله كلها مراكز مرموقه تقافيا لو عرفت اسم واحد فيهم ها تتخض فيها سنه كفايه تعرف انى كنت بحبي في بيتنا على نشرات نادى السينما وان والدي مؤسس مجله فكر لو تعرفهاوان عمتى اول امراةمصريه رحمها الله تكرمها الدوله فى السبعينات وتمنحها وسام لدراستها الكومبيوتر
وعم اخر مدير مرصد حلوان واخر موسيقار فى فرع من الموسيقي الغربيه اكيد انت ما سمعتش عنه وحفلاته كلها فى دار الاوبرا المصريه!!!ا
ياريت ترد بحاجه مفيده غير ابتسام والكلام الفارغ دا عشان يا اخى الناس تستفاد
وان كنت اشك
تحياتى

Alexandrian far away said...
This comment has been removed by the author.
Anonymous said...

أنا متدايق إني مضطر أدخل مجهوال وبعتذر عن دا
عشان أنا مش بقول رأيي في الدين علي البلوج بتاعي

التاريخ واضح وبيقول إن كل اﻷديان ليها تاريخ دموي
وإنها كانت ومازالت وسيلة للوصول للسلطة والحفاظ عليها
ودا تفسير للي بتعمله الكنيسة أو غيرها لما بتحصل أي حاجة تهدد سيطرتها ومصالحها

المسيحية زيها زي أي دين
ومفيش حاجة تمنع إن مسيحي يتحول لملحد أو لاديني
ومش فاهم ليه الأرثوذكس بالذات حتي وهما ملحدين بيفضلوا مسيحيين

كل الأديان قابلة للنقد
ولإن اﻷديان مسيطرة علي أغلب تعاملاتنا يبقي لازم أتكلم
ولازم أنقد وأتكلم عن مؤسسين اﻷديان
زي بالضبط لما بتكلم عن الخرافة وفكرة الإيمان بالغيبيات اللي هي أساس كل اﻷديان
يعني الموضوع مش عداوة شخصية مع اﻷديان
وبالنسبة لموضوع إقصائية الحوار
فدا سببه إن مفيش أرض مشتركة نبدأ منها
المؤمن كل كلامه اللي ف نظره إثباتات وأدلة قاطعة بيعتمد علي نصوص من نوعية "مكتوبة ف الإنجيل" أو قال الله وقال الرسول زي ما قالت ستون
ف الوقت إن كل كلام الملحد مرتبط بالعلم والمنطق
ودا اللي بيخلي كتير من كلام الملحد يتحول إلي محاولات لإجهاض النصوص وكشف الخرافة فيها

المطلوب إننا نطلع الدين من تفكيرنا وتعاملاتنا
هو دا اللي أنا عايزه
يعني أنا مش عايز كل الناس تبقي ملحدين
بس عايز كل الناس تفكر وتتعامل معاي كإنسان

human said...

اولا طالما ان هذة الاتحادات فى الخارج اذن ليس لها صلة بموضوعنا
واعتقد انك تعرف شيئا عن اتحاد المرتدين عن الاسلام فى المانيا
والذى لى صديق فية
وقد فاجانى الحقيقة بواقع صادم بشدة عن الوضع فى اوروب وخاصة انجلترا التى يسمونها دولة الخلافة لانها ترعى كبار السلفيين والارهابيين وتنفق عليهم رغم كل ما فعلوة
كما ان المسلمين هناك اشد تعصبا من هنا
ويتم الانفاق على المراكز الاسلامية ومؤتمراتها ببذخ شديد من اموال البترول طبعا
كما يقومون من هناك بصنع خدعهم مثل مؤتمرات الاعجاز العلمى وغيرها
ومثب قصة سفينة نوح الساذجة تلك
واية معنى حقك عليا وماتزعلش دى
اناغير راضى عن هذا الاسلوب ابدا
وتقول انك لا تتسامح مع اعدائك الفكريين ثم تتهمنى انا بالسلفية

حسنا انا ايضا اؤيد النقد والنقد الذاتى والتدوين ليس لة قيمة فى رايى بدون نقد
لكن ايضا بدون تهكم وضرب الكراسى فى الكلوبات
واريدك ان تعرف انى كنت فى فترة ماركسيا متحمسا
ولكنى اكتسفت بها بعد ذلك اخطاء كبيرة وثغرات هائلة
كما اتعب اعصابى بشدة ميول الشيوعيين للتمزق والتفرق حول كل كلمة وحرف
ومع هذا فانا لا اهاجم الماركسية عندى لانى ارى ان هناك قضية اساسية اهم يجب ان يتكاتف الجميع من اجلها وليس تصفية بعض
واشعر انك من نوعية هواة التمزق ايضا حيث تختلق اى شىء كى يتم الاختلاف حولة مثل مسالة تعريف التنوريين تلك
لا اعرف هل فهمتنى ام لا لكنى ارجو ذلك
كما يجب ان تعلم ان حياتى تختلف عن حياة اى ملحد تعرفة

عباس العبد said...

اهلا يا باشا
انا نزلت 12 ساعة اجازة القاهرة و راجع اسكندرية تانى
فلقيتك محدف طوب و عامل ازعاج جامد قوى و كمان بتعلى صوتك و مش عامل حساب للناس النايمة فى العسل
...........
و فيها ايه لما بلو ستون تتطول فى الرد و لا انا كمان بقيت ينبرومبو بيه المثل
صباحو فل
........
انا الصراحة مش عارف ارد بمعننة علشان مش عارف اكن فى بيتنا
بس نقول شوية تعليقات فى الخطف كده بسرعة
...........
فى حاجة غريبة قوى بيقع فيها الناس و مش عارف قاصدينها و واخدين بالهم و لا بتعدى عليهم
كل مقارنة مع الغرب و خصوصا فى حالة التردى الى عايشها العالم العربى دى
يقارن مع القرون الوسطى فى اوروبا و مع سلطة الكنيسة و الدين
انا مش فاهم ازاى
عصور الظلام الى بتقارنوا بيها دى
فيها مطب
انك بتقارن الحالى بالماضى يعنى انت فى عصور ظلامك دلوقتى
و بتقارن بالكنيسة و السيطرة الدينية
معنى كده
ان الاسلام يعيش فى القرن الحالى عصور ظلامه الدينية و محتاج الى عملية تنوير و اعادة احياء
المسيحية قبل الاسلام بستة قرون
و انت بتقارن الحالى بعصور مضت من ستة قرون ...فاهم قصدى و لا ...مش فاهم
انت كده عملت دورة للدين
المسيحية كانت فى ازدهار و بعدين عصور ظلام و بعدين عصر نهضة و بعدين مجمع فاتيكانى و عصر مد ايمانى
و الاسلام فى عصور ظلامه دلوقتى و بما ان العالم كله عارف
فمحدش حسيبك تتقدم
و طول ما انت بتقارن بالطريقة دى
و لأن فيها احساس بالنقص
و انت فى مستوى اقل
فبتقارن بأيام ضعف الاخر مش قوته
و ده اعلان ضمنى بتفوق المسيحية
فانا مش فاهم ازاى الناس بتعمل كده
..........
فى حاجات الواحد مبيقبلش فيها النقاش بجد
و فى ناس بتهرج و تستهبل و تقولك ان الشخص ده جبان و مش واثق فى نفسه و لا فى ايمانه و لا فى معتقداته ... علشان كده مش عايز يخش فى نقاش
و فى نفس الوقت فى ناس بتاخد حجة النقاش و المصارحة و الحوار وسيلة ضمنية لأهانة الاخر و كأن بيهاجم فى نقاش مفتوح لكن القصد انه يسخر منك و يهينك
و للاسف و دى فعلا مضيقانى منك جدا لأن انت عارف المحبة الى بينى و بينك
انت وقعت فيها
........
فكرة انتشار المسيحية بالسيف و الحروب انا مش عارف انت جبتها منين
دى الديانة الاولى فى العالم الى كان فيها شهداء نتيجة رفض الوثنية
و الى مات كل مبشيرها تلاميذ المسيح فى سبيل نشرها
اما فكرة ان الامبراطور قسطنطين استغلها فده نتيجة انتشارها مش العكس
اما من ناحية عنف المسيحية بعد القرن الرابع و الى مفهوش كسوف ان حد يعرفه
فهو عنف بلا نصوص كتابية عنف افراد
عنف لا يعتمد على ايات من العهد الجديد
ده لما بطرس رفع السيف المسيح رجعه فى غمده و رفض
ملحوظة
حكاية قطرات من دم المسيح و انهار دماء البشر
مفهاش تهريج و نقاش
و اذا كانت بلو ستون طلبت توضيح فانا برفض الجملة و مش عايز توضيحك و لا كلام فيها
دى زى ما واحد مسيحى يكلمك كده عن زواج محمد من الاطفال ... يبقى علطول سورى حيوان و ميستحقش تسمعه زى الحمار الى اسمه زكريا بطرس
فى حاجات فيها اهانة مستترة و غمز و لمز
انا مبقبلوش مش لأنه مقدس لأ
لأنه ببساطة بيجرح و بيهين مش بتاع نقاش
.....

عباس العبد said...
This comment has been removed by the author.
عباس العبد said...

حقوق المراة دى لازم نعترف انها اختراع و موز قوى كمان
فبلاش نتكلم فيه علشان احنا فاهمين هما اخترعوه ليه
........
اما حكاية المثليين و بتوع الجنس الواحد و الشواذ
فدول كلامهم من باب الفانتازيا الانسانية الى ممكن تقبلها كنوع من خفة الدم
فتديهم حقوق من نوع حقوق النعام و الاسود فى حديقة الحيوان

لأنه ببساطة انت مش فاهم هو عايز حق فى ايه بالظبط و هو بيتكلم عن حس جمالى و ذوق
فى حاجة مخالفة للطبيعة الانسانية باعترافه
فكأنه سجن نفسه بأيده و بعدين يطالبك بحقوق
خد يا عم الى انت عايزه
بس انت عبيط قوى يعنى ...
............
اما بالنسبة للملحدين
فالمفروض يشكروا ربنا انه موجود علشان يعرفوا يرفضوه
لأنه لو مش موجود مش حيبقى ليهم لازمة
اما حججهم و افكارهم
فهى بالظبط نفس الحجج و الافكار لما واحد مسلم بيهاجم المسيحية او مسيحى بيهاجم الاسلام بس فى قالب اخر بكلمات مطورة تناسب الفلسفة الى بيتكلم بيها
بس بدل الملحد ما يتخصص فى الهجوم على دين واحد بيهاجم تلاتة يعنى الملحد شمولى
........
نقطة كمان ظريفة بيقع فيها الناس الى بيتكلموا عن المسيحيين و الوحدة الوطنية
عايز الصراحة بحس انهم بيعبطوا
انا اعرف لما تعوز تتكلم عن اننا اخوات نبقى بجد اخوات
او اننا مش اقلية نبقى بجد مش اقلية
تخيل بيطالبك بالمساواة و ان ميكنش على راسنا ريشة
و انا بدفع ضرايب زى زيك بس الضرائب ممكن يتبنى بيها جوامع لكن مينفعش كنايس
بتوع حقوق عارفين السطر الشهير الى بيقول
لا يجوز للمسلم التبرع لبناء الكنائس او الملاهى الليلية
او السؤال الى جه من تلات سنين
الى بيقول قارن بين الشريعة الاسلامية و الشريعة المسيحية و وضح لماذا تتفوق الشريعة الاسلامية على الشريعة المسيحية ؟
( ملحوظة ... لايوجد ما يسمى بالشريعة المسيحية )...تمام
تخيل احنا عددنا على اقصى تقدير 10 مليون و المسلمين عددهم ستين مليون و بعدين يكلمك عن وحدة الموت و الى طايلنى و طايلك
يا اخى اتقوا الله
ما هو يا تعتبرنى اقلية و تدينى حقوق الاقليات
او تعتبرنى اقلية برضه و تضطهدنى و تخلصنى
يا اما تعتبرنى شريك فى الوطن و تدينى كامل حقوقى
يا اما تعتبرنى مواطن عادى زى زيك و ساعتها مفيش حاجة اسمها حقوقى و حقوقك
كله حيبقى واحد
و بعدين تلاقى واحد يقولك اصل المسيحيين على راسهم ريشة
اه احنا على راسنا ريشة ... بس انتم الى حطينها مش احنا
انتم الى عويدتونا على ان احنا على راسنا ريشة و فى حقوق لسه انتم متفضلتوش و اديتوهالنا
ولا انا غلطان
...........

عباس العبد said...

و بعدين ييجى الواحد يتكلم عن ان المفروض نحط ايدينا فى ايد بعض و الكلام ده
يطلع واحد يقولك
اصل التانيين مبيحبوناش
طيب نعمل ايه انا مش عارف
........
نقطة كمان
التدوينة على التنوير و التنويريون
ايه دخل المسيحية فى الموضوع لدرجة انها تاخد اكبر مساحة فى ال3 تدوينات
......
المصيبة انى مشاركك فى الرأى فى كل كلمة
بس مفيش وقت اكتب وجهة نظرى
....
انا مسافر كمان اربع ساعات
على فكرة اسكندرية وحشة طحن فى الصيف
زفت زفت يعنى

عباس العبد said...

حاجة اخيرة
التدوينات الى انت كاتبها و الناس الى بيقروها
و الناس الى بيعلقوا عليها
و انا كمان
تنطبق على افكارهم الكلمة الى انت استعملتها
قضايا برجوازية
ليه ؟
لأنها مش مغمزة فى الوجدان الشعبى
مفهاش روح ال ... انت فاهم قصدى

شـــــهــــروزة said...

والحقيقه أنتي كشفتي لي مدى أنهيار وخراب التعليم الحكومي
ومنك لله لأنه من ساعة أبله أبتسام – الله يرحمها – ما قرت كلامك قاعده تلطم وتصوت وبعتت تجيب شوية طين تحطهم على دماغها

=====================

وحياتك بلاش تلخبطي بيني وبين تؤامك الفكري الأسكندراني التاني.


=========================

آخر نقطه بقى يا شطوره أنا مش عارف يعني أشرح لك أيه بالظبط؟

============================

دى مقاطع من كلامك وردك على بنت القمر

رغم أنى مش معتادة على أى تدخل فى أى حوار بين معليق وصاحب مدونة والاتنين حرين فى بعض


لكن اسمح لى

اوبجيكشن وبكل قوة


مازلت تحمل فى عقلك وكلماتك صيغة التعالى على الآخرين
ومازالت تسفه وتتفه وتحط من قدرهم
وأظهرت عدم احترامك لأى فكرة ولصاحبها مهما كانت تلك الفكرة
حتى وهو غائب
التوأم الفكري

خيبت ظنى فيك

وسلام وحأرزع الباب ورايا

وحأكتفى فقط بالقراءة لديك ولن اعلق


يمكن ييجى اليوم اللى يستعصى عليا فهم نقطة من كلامك
تتهمنى انى نتيجة لانهيار المؤسسة التعليمية ومصلحة تنظيم الأسرة فى مصر



أيا ليتنا كنا كلنا حنين
لوجدنا الآلاف لتصفق لنا وترفعنا فوق الأعناق
حتى لو قلنا ريّان يا فجل

mohand said...

السلام عليكم

كل سنه وانت طيب
رمضان كريم
وان شاء الله تكون باحسن حال السنه القادمه

------------------
طبعا انا مش هقول رأي في التدوينه لانك عارف اني مستفز وبجاهد في سبيل الله زي ما قولت واعتبرت اني كده

وبناء عليه كلامي كله هيكون وزاوت يوز

بس دا ميمنعش اني متفق معاك في حاجات وحاجات لا

---------------
بس نسيت حاجه تسألها للملحدين
اللي هما بالتحديد مؤمنين بنظرية الكون صدفه
هي مش نظرية الكون صدفه خرافه ؟
ولا يمكن حدوثها مطلقا بحسب ابحاث العلماء حاليا يعني
يبقي مين اللي عايش في خرافه
ولو مش مؤمن بنظرية الكون صدفه
يقدر يفسر وجود الانسان والكائنات والارض والكون اصلا ؟
-------------------
عايز اقول اللي قالك يا زنديق يا كافر ده
لا اعتقد من وجهه نظري انه مسلم

المسلمين بطلوا يقولوا الكلام ده يا عم
بقي فيه المودرن
اللي بيقول الكلمتين دول وثكلتك امك وبتاع
سوري بيحاول يشوه الاسلام بصوره طفوليه جدا
دا حتي المنتمين للتيارات الدينيه
مش بيقولوها اصلا

يالا ما علينا

وانت عامل ايه ؟

انا بقالي اربع ايام يا عم بقراء في المواضيع والتعليقات دي
في الاخر علقت وقولت خلاص بقي كفايه
تحياتي

mohand said...

السلام عليكم

معلش كنت عايز اقول حاجه

فاكر لما كنت بحاول افهمكم انا ليه بسال حنين عن ديانتها

بالظبط اسكندراني في الغربه فسر كلامي كله بوضوح وبالظبط

اشكره طبعا

تحياتي

عباس العبد said...
This comment has been removed by the author.
عباس العبد said...
This comment has been removed by the author.
عباس العبد said...

لاخ هيومان
الصراحة فطسنى من الضحك
بيفكرنى بمقال مسخرة
كتبه كبير الساخرين و استاذهم
محمود السعدنى
اسمه
" انا كشيوعى " ... عارفة طبعا يا اسكندرانى
كان بيقولك ان فى ناس فاكرة انها جابت الديب من ديله فى الشيوعية و انها فهمت كل حاجة و حفظ كل مصطلحاتهم فبقى يرددها عمال على بطال وهو مش فاهم حاجة اساسا
فبقى لازم يبتدى كلامه حتى لو حيطلب كباية مية بكلمة انا كشيوعى
فيقول
انا كشيوعى بطلب كوباية مية من الرفيق القهوهجى
لدرجة ان الناس فى القهوة لما الراجل يخش عليهم يقولوا
سلام عليكو يا شيوعى
يرد و يقول
و عليكم السلام و رحمة الله و بركاته يا رفاق
لدرجة ان المخبر و ظابط امن الدولة كانوا عارفينه و بيصبحوا عليه
ازيك يا شيوعى
و محدش بيقبض عليه
و ده كان فى فترة الخمسينات و الستينات
فتخيل المسخرة
الاخ هيومان بيفكرنى بالمقال
كل ما يتكلم
يبتدى كلامه
انا كملحد
..........
بنت القمر
انا مش فاهم احساسك بأنك عاملة واجب مع المسيحيين و انك كفاية سيباهم يعيشوا جبتيه منين
اوعى تتكلم مع صديقك المسيحى فى التلات مواضيع دول لتخسره
لأ ... يا ستى
اخسرونا
احنا عايزينكم تخسرونا
انا مش فاهم
كأنكم بتجبوا عليناو بتتفضلوا علينا
كأننا درجة تانية فى بلدناو انتم اسيادنا
او اننا عيل صغير شقى و قليل الادب و انتم الاخ الحنون الروؤف الى بيستحمل اخوه الصغير الى جايبله العار و مبيسمعش الكلام
لأ احنا مسئولين عن تصرفاتنا و ازعلوا مننا و قاطعونا و امشوا و سيبوا البلد
تحبى ازعلك ... انا حزعلك
المسيحية مدخلتش مصر على ظهور الخيل
دخلت بالتبشير
فالى دخلها على ظهر الخيل و قرفان من اهلها
يسيبها و يمشى و ميعدش يقرف فى اهل البيت
تحبى ازعل تانى علشان تخسرونا خالص
ازعلك تانى
لما انتم عارفين انها فى اسيوط و كمان عارفين مكان الدير
متخشوا تجيبوها ... مش اخت مؤمنة برضه
انا شايف تقتحموا الدير و تخلصوا على الرهبان و تخلصوها من الذل الى هى فيه
و اهه بجملة المسيحيين الى ماتوا او اتقتلوا فى عمليات قبل ده
مش حتفرق فى 7 او 8 كمان
عادى يعنى بالنسبة ليكم
زعلتى و حتقاطعينا و لا لسه
احنا مش صغيريين حضرتك و الى مش عجبه
يقول و يقول حيعمل فينا ايه
حيقتلنا و لا حيعذبنا و لا حيكفرنا و لا حيمنعنا من دخول الجيش و لا حيعملنا عبيد و يبعنا و لا خدامين و لا حتدفعونا جزية
انا عايز اعرف حيتعمل فينا ايه و بأسم ايه بالظبط
علشان نبقى فاهمين احنا بنتكلم مع مين
كل ما حد يكتلم
يقولوك
لأ متقولش كده احسن يزعلوا
لأ متعملش كده احسن يضايقوا
اصلهم ضعاف معندهمش لسان
يا عينى غلابة عندهم 3 الهة و لايصين مع الهتهم
احنا حنتكلم معاكو بس اوعوا تزعلوا
خد بالك اصل المسيحيين بيتقمصوا علشان مبيعرفوش يردوا
اصلهم بيتكبسوا و يحرجوا فيقولولك ده كلام لاهوتى و عقائدى انت متفهموش
ايه الطريقة دى
لتكونى فاكرة انك احسن مننا ولا حاجة
لا يا ماما لا
انا و انتى بنى ادمين زى بعض و لينا كل الحقوق و علينا كل الواجبات
اهم حاجة تكونى زعلتى منى دلوقتى
اصل انا مقموص

انا مش فاهم انى وحدة وطنية بتتكلموا عنها

احنا المسلمين احسن منكم فحنتفضل عليكم و نديكم حقوقم و لو ان ملكوش حقوق
بس يلا منحة مننا علشان منبقاش حرمينكم من حاجة و ادعولنا بيها
زكا عن عافيتنا
روق المسيحيين دول و اديهم حلاوة العيد ياد انت و هو


ايه هوه ده

وحدة وطنية بينا و بين المسيحيين
بس يسمعوا كلامنا

وحدة وطنية اه
بس يسيبوا نفسيهم خالص
نذلهم نقرفهم نضايقهم نهزئهم نتريق على ايمانهم و هم زى الكلاب ميفتحوش بقهم
هى دى الوحدة الوطنية فى نظرك

اوعى تردى على جامد و ناشف
علشان انا مسيحى و ممكن ازعل و اتقمص و اخسرك و اقولك دى مسائل
لاهوتية و عقائدية انتى متفهميهاش
ماشى



بنت القمر تتحدى الملل

اول انجليش
اول ذا تايم

..........
اعتذر و بشدة لكل مسلم
اتضايق من اى كلمة انا قلتها فى ردى على بنت القمر
اعتذر لكل مسلم اتضايق
انا اسف بجدو اعتذر بشدة للجميع
ما عدا
بنت القمر


....
شفت بقى كلامى يا عم اسكندرانى
و فهمت قصدى الى مكتوب فى ردى التانى

ادعيلى
ارجع بيتنا علشان اكتب ردى علشان تفهم قصدى و ازاى انا و انت متفقين فى الكلام
بس
انا من الناحية التانية من الطريق
و بنتقابل فى المنتصف
فى قلب الطريق

انا قلتلك ان اسكندرية وحشة فى الصيف و لا لسه

عباس العبد said...

بنت القمر
" اخى الفاضل انا بحول اكون بسيطه في اسلوبي وغير مدعيه يعنى ممكن احشر لي كلمتين مكلكعين ازوم المنظره ولفت النظر لكن الحقيقه مش اسلوبي سبت الاسلوب دا لناسه اللى انت عارفهم مش ها اقولك احنا عائله كلها مراكز مرموقه تقافيا لو عرفت اسم واحد فيهم ها تتخض فيها سنه كفايه تعرف انى كنت بحبي في بيتنا على نشرات نادى السينما وان والدي مؤسس مجله فكر لو تعرفهاوان عمتى اول امراةمصريه رحمها الله تكرمها الدوله فى السبعينات وتمنحها وسام لدراستها الكومبيوتر
وعم اخر مدير مرصد حلوان واخر موسيقار فى فرع من الموسيقي الغربيه اكيد انت ما سمعتش عنه وحفلاته كلها فى دار الاوبرا المصريه!!!ا"

مال فرحانة قوى بالعائلة كده
زى ما نكون صيع و مقطوعين من شجرة و ملناش اهل

ايه
انتم قائد طابية
و
احنا صراماتية ولا ايه

human said...

لا اعلم من هو عباس هذا
ولكنة على العموم فاقد لادنى اداب الحوار
واذا كنت ساتعامل معة على انة مسيحى فهنيا لة لحم المسيح مع شربتة فى كل طقس تناول
واريدة ان يشير الى هذا التعليق الذى ابا فية كلامى بعبارة انا كملحد
اظن ان لحم المسيح غير مفيد للنظر

عباس العبد said...

الاخ هيومان
اوجه كلامى ليك كملحد
لا حول الله يا رب
انت كلامك ده اكد كلامى

اولا احنا فى سر و طقس المناولة
بناخد جسد المسيح و دمه
مش شربته يا ملحد

ثانيا
المفروض انك كملحد تبقى عارف اساس الطقس
و انه مفهوش جسد اساسا و انه عبارة عن قربان و انه من تغفيلنا
فى وجهة نظرك طبعا كملحد
بنقول عليه جسد
انت كملحد لازم تبقى عارف كده تماما
و لا ايه يا ملحد
مش انتم عارفين كل حاجة

و ثالثا انت كملحد
مصيب فعلا
ان منظر جسد المسيح غير مفيد للنظر
و انا كمش ملحد بؤيد وجهة نظرك كملحد

يا اخوانا
هيومان الملحد
بدل ما يشكر ربنا انه بعت انبياء و انه ربنا موجود
علشان هيومان يعرف يرفضهم و يهاجمهم
لأ مش عاجبه انى ابقى مسيحى
يا ابنى دى حاجة كويسة انى ابقى مسيحى
امال تهاجم مين و تتريق على معتقدات مين و تسخر من ايمان الاخرين ازاى
لو انا مش مسيحى و مفيش ربنا و لا انبياء
يبقى مش حتلاقى حاجة تهاجمها و ساعتها حتاكل عيش منين
يا ابنى احنا عاملين لك خدمة
المفروض تقول شكرا

و بعدين انا مهاجمتش سعادتك غير بطريقتك ... راجع مدونتك و لا انت مبتقراش الى بتكتبه
انا قبل ما ارد عليك
قريت الخمس بوستات الى انت كاتبهم كلهم سخرية من الاسلام
سركازم و سركازم عالى جدا من الاسلام
فقلت انا حقلد اسلوبه و اسخر من كتاباته زى ما هو عمل و سخر من الاسلام و مش حيعجبه الاسلوب فحيدخل شمال و يقول اى كلام يهاجم مسيحييتى بى
و ده الى حصل
رغم انى مهاجمتش الحادك و انت عارف كده
عارف ليه معجبكش اسلوبى ؟
علشان انت مش عاجبك اسلوبك انت نفسك و لا مقتنع بالى بتقوله
......
على العموم
انا اسف و متزعلش
و لو مش عاجبك خالص الكلام
قول
و
يا عم اسكندرانى
انا مسافر
فلو مش عاجبه الكلام الى انا كاتبه
امسحه
انا مبحبش ان حد يزعل منى
و دى مشكلتى
انا اسف مرة تانية
يا هيومان
و المفروض انك كملحد تبقى اكثر تحمل
سلام
....
امسحها يا اسكندرانى لو مش عاجبه
....
على فكرة السعدنى كاتب كبير و مش شيوعى و هاجم الشيوعيين و سخر منهم للدجى
و مع ذلك محدش منهم زعل منه
و كلهم صحابه
و الا انا غلطان يا اسكندرانى
....
امسحها يا اسكندرانى لو مش عاجبه

بنت القمر said...

اخى عباس العبد بعد التحيه
يا ساتر يا اخى من سواد قلبك
قل دا انا قلته انا قات احنا احسن منكوا انا قلت تلات الهة انا قلت البلد بلدنا وبنتجبا عليكم اعووذ بالله منك انا كمان بعتذر من كل مسيحي ياخد كلامك عليه وينسبه ليا.... بجد حزينه انا قلت تخسر المسيحي يعنى لوتحب ما تضايقهوش ما تلجاش للمسائل الخلافيه.. زعلتنى بجد
وظلمتني البلد بلدكوا يا سيدى ارتحت
وبعدين انا مقلتش انى بحاول اعتمد اسلب بسيط غير الاخرين اللي انت عارفهم اقسم بكل عزيز وغالى ومقدس لم تكن انت المقصود اخى عباس خدتها على نفسك
ايه؟؟؟؟
وحوار العائله برضه جدته على نفسك برضه كان تعليقي كله موجه ليك؟؟؟ دا كان موجه لفار اواي فى حوار تانى انت ملكش فيه ومتعرفوش لاحول الله!!!!ا
انا قلت انتوا سرما تيه وبعدين انتوا مين اللى ها اوجه لكم اهانه اساسا دا فار اواي استفزنى بسخريته ووصف تعليمى بالمنحط رديت عليه مالك انت بقا؟؟؟؟
بجد انا احترم المسيحيون وكتير منهم اصدقائى صداقه اعتز بها وافتخر يا اخى فى الوقت اللي كنت بقول اصديقه مدونه عباس العبد دا انسان محترم وايمانه عميق وافكاره مستنيره كنت انت تتهمنى وتظلمنى يوم القيامه ساعه الحساب الذي اعتقد انك تؤمن به ستلاقي ربك ظالما لى
ومتجنيا اخيرايمكن تعب السفر ولا كنت مستفز من حاجه وفشيت غيظك فيا
تحياتى لشخصك المحترم

بنت القمر said...

صاحب التدوينه
الاخوه المعلقون اعتذر بشده عن الرد عليكم هنا في هذة المدونه كفانى منها وشكرا واحترامى للجميع

الطائر الحزين said...

يا استاذ
{وأن لو استقاموا على الطريقة لأسقيناهم ماء غدقاً } ،َّ السلامة إنّما تنفع إذا كانت مع الاستقامة ، وأمّا السلامة التي غايتها عذاب الآخرة فليست بسلامة

محور الكلام هو عن الطريقة او السبيل الذى نسلكة فى الحياه

ان الطريق هو الذى حدده لنا الله سبحانة وتعالى لان الله اعلم بنا من انفسنا ولا تنوير ولا تعتيم ولا غيرة

المشكلة فى فهم شرع الله او طريق الله الذى ارتضاه لعبادة كل عبادة بطوائفهم المختلفة وديانتهم وجنسياتهم المختلفة

ان الرسالة الخاتمة هى رسالة عالمية تصلح لكل الازمان والاماكن

اذا الطريقة واضحة وايضا واحدة الطريق المستقيم

قل اننى هدانى ربى الى صراط مستقيم دينا قيما ملة ابراهيم حنيفا وما كان من المشركين
قل ان صلاتى ونسكى ومحياى ومماتى لله رب العالمين وبذلك أمرت وأنا أول المسلمين

Alexandrian far away said...
This comment has been removed by the author.
شـــــهــــروزة said...

أنا رديت عندى قبل ما أسافر حأتغيب يومين بالكتير
ورديت عندى وحبيت انسخلك نسخة من ردى عندى


Alexandrian far away

يا اسكندرانى
انا قطعت لك تلات مقاطع من كلامك
وهم دول اللى فعلا ضايقونى من ردك على أى كان
مش بنت القمر وبس
لغة الاستهزاء
وكمان يوأمتها مع شخصية مش موجودة اساسااا على سبيل السخرية والتهكم

وأنا مش حأعرفك برضة
أن أى حد بيعرض وجهة نظر عندك حتى لو مش عاجباك
تقابل باحترام لأن يكفى ان صاحبها اقتطع وقت من وقته وقرالى وقرالك وعلق لى وعلق لك

وبأكرر اتنى ألف مرة
لو كان الأسلوب دة قيل لحد تانى كمان كنت قلت لك نفس الكلام
لأن مقتطفات اللى انا نسختهالك عامة وشاملة مش محددة لنوعاو شخص محدد


الأهم بقا
لو من وجهة نظرى
هى ملهاش اى حق انها ترد على عباس العبد بكلام حاد او جارح فى مدونتك
انما هى ترد عليه اياكش تفتح عليه نفس الماسورة وهو فى مدونتها او فى مدونته
وما مدونتك الا وسيط وخلاص والاتنين مالهمش الحق انهم يشرشحوا بعض فيها
وعباس العبد أخطأ جداا باهانته ليها عندك وفى مكانك
لكنأنا ماليش الحق أنى أوجه له كلام
لأنه مش فى مكانى علشان ألومه أو أعاتبه
صاحب المكان أولي بكدة

وأنا مفترضة أنك سلس وأقوى منالأسلوب دة بكتيرررررر
علشان كدة فعلا زعلت منك
ويمكن ماليش الحق أنى أزعل
لكن مأعرفش زعلت منك وقلت لك على طول

ومش علشان هى صديقتى انا زعلت

علشان كمان أنت ميكونش منك الموقف دة ووسط الكلام ووجهات النظر والمجموعة المتميزة من المعلقين عندك واللى أى حد يبقا عاوز وغصب عنه
أنه يقرا تعليقاتهم مرة واتنين وتلاتة


فهمت بقا انا زعلت لك ومنك لية؟؟؟؟؟؟؟؟؟؟؟؟؟؟؟؟؟

يا ريت تكون فهمت والا حأضطر ألجأ لأبلة ابتسام وأترحم عليها أنا كمان



هى اية السوستةالهيدروليك دى؟؟؟
نوع سندويتشات جديد؟؟؟

Alexandrian far away said...

ردود سريعه
بنت القمر: شرفيني بقراءة التدوينه التاليه التي سأحاول فيها أيضاح بعض النقاط

Anonymous
تحياتي وتفهمي وبرجاء متابعة التدوينه التاليه

مدفون في الشرق
هناك وثيقه اسمها الأعلان العالمي لحقوق الأنسان وهي تحدد تلك الحقوق كما قررها البشر ولا يحق لأحد التعامل معها بأنتقائيه

عباس العبد
لم أتخيل أنك تحجمل كل هذا القدر من الخوف والرعب، أفكارك هستيرية وغير مترابطه وأنا أحتاج لعربة كساحه للتعامل مع الأنفجار اللغوي الذي فجرته بالتدوينه، لا حق لك في إهانة ضيوفي وأعتذر بشده للعزيزه بنت القمر وللعزيز هيومان وأسمحوا لي أن أكبر عقاب له هو ترك ما كتبه معروضا على العامه

شهروزه
حأرد عندك لو سمحتي لي

العزيز الطائر الحزين
أتمنى أن تعرف حجم التقدير والإحترام الذي أحمله لك رغم عمق وأتساع خلافنا الفكري، وأتمنى عليك ألا تحرمني من التواصل المستمر ابدا
وأعتذر عن حادثة أنفجار ماسورة الصرف بالتدوينه

تحيات

bluestone said...

يعني أسافر يومين أرجع ألاقي الدنيا مولعة .. :))

انا دلوقتي قاعدة في التكييف بشرب هوت شوكليت .. هارد تاني بقى واستحملني يا اسكندراني
-=----------------------------
عندي سؤال الأول مالوش علاقة بأي حاجة ::
بما انك اسكندراني انا محتاجة منك ومن كل الاسكندرانية اللي بيعلقوا عندك اي حد يقوللي ايه اخبار اسكندرية في رمضان؟؟؟؟؟؟
بس بالتفصيل ..
انا هاخد أجازتي في أول اسبوع من رمضان وبحب اروح قلب اسكندرية مش الساحل .. ايه اخبار الشواطئ والناس والمطاعم والقصص دي؟؟؟؟؟
انا مزنوقة في نصيحة عاجلة ومفصلة الله يكرمكوا يا جماعة ؟؟ :)
-------------------------------------------------------------------
نيجي بقى للخناقة ..
انا زعلت خالص يا اسكندراني عارف ليه؟؟
لان انت اثبت فشل قاعدة مهمة جدا انا كنت مؤمنة بيها من مدة وهي انه المسلم والمسيحي لن يتفقوا ابدا إلا أمام الملحد .. يعني بمنطق انا وابن عمي على الغريب ... :)
بس ده محصلش هنا للاسف ..
:(
يالا ما علينا ..

خليني اقول الكلمتين اللي وقفوا في زوري في الرد..

اولا انا عارفة ان رامز كلامه حاد جدا وده اسلوبه .. بس فيه حاجة مهمة هو ذكرها وهي المقارنة اللي ناس كتير بتعملها بين الاسلام دلوقتي والمسيحية في العصور الوسطى ..

العصور الوسطى مكانتش لانتشار المسيحية .. او بدايتها او اللي نقدر نوصفه بانه (انتشار الدعوة) ان صح التعبير .. العصور الأولى للمسيحية كانت فيها عنف فعلا .. لكن ضد المسيحيين مش منهم ..
اما العصور الوسطى فكانت عصور ظلامية في أوروبا .. وكانت الكنيسة في أوروبا تسيطر على الدولة لكن مكانش فيها نشر للمسيحية .. لان اوروبا كانت مسيحية .. اما الحملات الخارجية كانت لاسباب سياسية ومحدش سماها فتوحات ولا نشر الصليب .. ولا حاجة ..
--------------------------------
بالنسبة للملحدين من اصول مسيحية ..
هو انا مفهمتش يعني ايه المسيحي لما يلحد يبقى برضه مسيحي ؟؟
اللي اعرفه ان اي انسان بيلحد بيبقى موقفه الأكثر تشددا تجاه دينه اللي هو خرج عليه وبعدين الاديان الأخرى ..

يعني افتكر فيه مدون ملحد كاتب عن نفسه انه مسلم سابق .. هو بيقول انه ملحد لكن كل كتاباته مركزة على نقد الاسلام ..
وده مفهوم لان الاسلام هو الدين اللي هو اتربى فيه ورفضه .. لكن موقفه العام رافض لاي دين ايا كان.

-----
بالنسبة للحقائق التاريخية .. فما تقلقش .. مش هنتصدم .. بس المهم دقتها وعدم خضوعها لاي جدل تاريخي

ورغم اني من الصعب علي تقبل اللهجة الحادة ضد المسيحيين بلا سبب وبتعميم ..

الانتقاد مقبول .. لكن التعميم انا مبفهموش .. لكن اللي اقدر افهمه انه كان ليك خبرات سلبية مع مسيحيين في حياتك وده دفعك لنوع من التعميم ,,

ومعاك حق تماما في ان عدوانية بعض المسيحيين مشكلة كبرى .,. لكن زي ما انت قلت المسيحية بتدعو للمحبة والتسامح .. اذن فعدوانيتهم نابعة منهم مش منصوص عليها في دينهم ..
يعني المسيحي العدواني مسيحي مش مؤمن أو مش ملتزم بالمسيحية

وافتكر انك عارف كويس قول غاندي (لولا المسيحيين لصرت مسيحيا)

بالنسبة للعدوانية أو الدموية في الاسلام فمش هقدر افيدك لاني مقرتش قوي كما يجب في الموضوع .. قراءاتي اغلبها مقالات ودراسات بس مش كتير ..
قريت كتير في دخول الاسلام مصر (وهل كان غزو ولا فتح) وبعض تاريخ الاسلام..وفيه بحث ممتع في الموضوع عمله باحث مسلم على فكرة في مصر .. البحث مش مشهور قوي لكن متوفر عندي لو حبيت ..

لكن ده موضوع تاني ..
لكن عشان اوصل لملخص انه الاسلام دين عنيف ودموي بالمطلق أو لأ.. زي ما انت قلت .. بيتهيألي الواحد محتاج يدرس اكتر بكتييير من كده ..

البقرة المقدسة؟؟؟
انت بوذي ولا ايه يا عم انت؟؟
انا على فكرة مش بكره البوذيين ابدا
---------------------------

التعليق ده مخصوص عشان بنت القمر :
منورة .. :)
وماتزعليش .. النقاش لعبة ليها اصولها .. واللي يخطي الحدود الأول لازم يتحمل تجاوزات الآخرين ..


اصل احنا لينا صولات وجولات عندي ..
بنت القمر ما كامل احترامي للمسلمين المعلقين برضه .. عندي سؤال بسيط ومن غير ما ندخل في جدل عبثي وانتي فاهماني ..

لما انتي عارفة ان الست وفاء محبوسة في قمقم في دير محدش يقدر يدخله وممنوع على اي حد يقدر يشوفها او يقابلها ..
عرفتي انتي منين بقى؟؟؟؟

ده معناه حاجة من اتنين :
يا إما انتي استنتجتي مكانها أو صدقتيه من اشاعات والكلام الفارغ اللي بيتقال بدون يقين

يا إما انتي على علاقة وثيقة ومقربة بدوائر صناعة القرار في الكنيسة لدرجة انك عارفة مكان الست وانها محبوسة وبتاخد جلسات ..
لأ وايه .. عرفتي الشتائم اللي بتتقلها والكلام اللي بيوجه لها .. رغم سرية الموضوع .. ؟؟

لو كان الافتراض الأول مظبوط
يبقى انصحك كأخت من حد شغال في الكلام بلاش تصدقي كل اللي بتقريه .. الجرايد ياما بتألف وتفبرك

ولو كان التاني مظبوط
يبقى هنيالك .. وياريت تاخدينا تحت جناحك بقى يا ستي وتسلمي لي على مراكز صناعة القرار عشان نفسي اشوفهم جدا
-----------------------------------

ورغم عبث ما سأقوله الآن ورغم اني قلته قبل كده لكن على رأي نيلي .. تاني مرة عشان البيه .. وان مافهمش الحق عليه .. أمال اييييييييييييه ..
(معلش رمضان قرب والفوازير مأثره عليا) :)))

بالنسبة لتطرف المسيحيين .. بيبقى شكله ازاي ؟؟ وهل هو تطرف مؤذي؟؟ يعني عمرك شفتي مسيحي شايل طوبة وراح حادفها على جامع مثلا؟؟ أو واحد مسيحي (مختل) طعن مجموعة من المصلين بعد صلاة الجمعة ؟؟؟
العنف المقترن بالتطرف هو المصيبة الكبرى ..
لكن ده مايمنعش ان فيه تطرف فكري .. وده زي اللي وارد في كلامك بالظبط ..
استعلاء على الآخر واعتباره ادنى مرتبة منه ..

وبعدين ايه علاقة سلطة البابا بتطرف المسيحيين؟؟

ومعلوماتك ايه يا عزيزتي عن السلطة الروحية لرجل الدين في المسيحية والفرق بينها وبين السلطة المطلقة الخاطئة ؟؟؟؟؟
الموضوع كبير ..

انا ماقلتش ابدا مانتكلمش فيه أنا قلت نروح نقرا الأول .. وندرس قبل ما نتكلم عشان كلامنا يبقى منطقي

---
وفاء كلاكيت المرة العشرين ..
يا بنت الحلال .. يا حبي .. يا قمر .. انا انكرت او دافعت عن الست وفاء
..؟؟؟؟؟

احضرنا يا اسكندراني ...

انا قلت كده وارجعي لكلامي في الرد .
انا معرفهاش ومايهمنيش اعرفها اصلا
اسلامها من عودتها امر لا يعنيني ...
الأمر لا يعني احد سواها واسرتها .. وخلصنا من رغي ..

اما هي فين ومحبوسة ولا بيرموها للاسود اللي الأديرة .. ولا بيعذبوها بآلات التعذيب المنتشر في ربوع اديرة مصر على ايد الرهبان مصاصي الدماء المتاجرين بالسحر الاسود أحفاد دراكولا ..

الكلام ده جميل ومثير للشجون والحماسة الجهادية .. لكن لحد ما يثبت بالدليل القاطع ..

اسمحي لي يبقى أونطة ...

اللي اعرفه اني معرفش عنها حاجة ..
واللي عاوزها يروح يدور عليها ..

ولا هي إساءة للمسيحية ولا مكسب للاسلام
لاهي سبة نتعاير بيها ولا نصر من عند الله يستحق التكبير


صديقي فار .. انا بقول اسكندراني ..
لو بتحب اي بني آدم وبتحترمه ما تكلموش في الدين .. الدين ممارسة مش كلام ... وحاجة شخصية تخصه .. بس

على فكرة .. الكلمتين دول .. انا هجيبلك عليهم تشوكليت موكا بالبندق مخصوص .. ::::
(أني أحلم بقوة وطنيه مصريه محايده تستطيع أن تقهر الأثنين إن فلت عيارهما أكثر من ذلك وتمنعهما من تدمير الوطن)
بعيدا عن سيرابيس وسوفوكليس .. وسنتبيس كمان .. عشان الكلام ده كبير .. وانا ايدي وجعتني خالص ..


صباح النوووور للكل

He & She said...

Can I just ask two questions. PLEASE PLEASE PLEASE.
Where do you find time to right all those big posts and bigger comments? It took me two complete minutes to just scroll the mouse over the window. Dont you guys have jobs. What do you do for living?
There is a lot of inordinate anger, fight and endless arguements. Dont you think that big part of it is because we dont know each others real identity? so why is that useless fight?

human said...

عباس العبد
اولا لقد سخرت منك لانك بدات بالسخرية بدلا من الرد المنطقى
ثم ما ادخلك اساسا فى الموضوع
انت بترد عليا كانك صاحب المدونة
اما عن كتاباتى
فكان الاولى ان ترد عليها عندى وانا اعطيك ادلتى
ولكن لانك تعرف ان كل الاديان تقف على اساس واحد فانت تفضل عدم الرد
وهذا دليل على ان ما كتبتة يمس كل الاديان وان كان ينطلق من الحديث عن الاسلام
ولا ادرى ما علاقتى انا بالشيوعية او محمود السعدنى فانا لست شيوعى اساسا
كما انى نشرت 10 بوستات وليس 5
ومرة اخرى اوصيك بالاهتمام بنظرك
اما عن طقس التناول فانا اقصد فعلا اعتقادكم بتصور جسد المسيح ودمة
واقصد بالشربة دمة ظننت هذا مفهوما
والذى لا تعلمة ان احد اصدقائى كان قد تنصر وسكن مع بعض المسييحين وشاهد طقس التناول وحكى لى الكثير
اما عن الشكر للة لانة ارسل لنا انبياء لنعارضهم
فهذا معناة انك لا تعرف الالحاد اساسا ولكنك بالطبع تكرهةلانة يكشف اخطاء الدين وعيوبة
اما عن رفضى لاسلوبى فهذا يظهر عدم فهمك التام فالحقيقة ان السخرية تنبع من الموقف نفسة وليس من اسلوبى
اى تاتى من من الخلط بين قصص متعارضة عن عبد المطلب بن هاشم
او عن سذاجة فكرة التناول
واعتبارك ان هذا تهكم منى معناة انك تراة اصلا مجال مفتوح للتهكم
فالاخطاء والترهات وكل الامور المثيرة للسخرية تلك تنبع من الدين نفسة
فكر شوية تجد ان الموقف نفسة مضحك ومش محتاج سخرية من عندى

mohand said...

السلام عليكم

كل ده حصل من امبارح لحد دلوقتي

دا فاتني كتير قوي

مش عارف بعد ما اسكندراني معلقش علي كلامي اعلق تاني ولا لا


انا بس مش هذكر اشخاص هذكر معلومه

------------------
لكل شخص ايا كان ومش شخص محدد بيقول ان البلد مش بتاعت المسلمين وبتاعت المسحيين واطلعوا من بلدنا وسبوها

دا علي اساس ايه ؟

الاسلام انتشر بحد السيف؟
هعتبره كلام صحيح ولو انه محتاج دراسه وفهم كويس يعني ايه حد السيف

بس هعتبر الكلام صح

معني انه انتشر بحد السيف ان الناس اجبروها علي الاسلام

ماشي يا سيدي
يعني معني كده انهم كانوا مصريين
بس علشان تخلوا عن ديانتهم الاصليه وبقوا مسلمين بالقهر مثلا يبقوا خلاص بره البلد

الناس اللي اسلمت دي وعاشت وتكاثرت
خلاص بقوا مش مصريين علشان مسلمين ؟

غريبه جدا

طيب ما قبل ما المسيحية تدخل مصر
يعني اللي اتبعوا المسيح كانوا مفروض يطلعوا من البلد وتبقي البلد بتاعت امون رع واتباعه ؟


لو اتعاملنا باسلوب البلد دي مش بتاعة مين يبقي مش بتاعت الاتنين


معلومة كمان
في ناس بتستند ان مصر بتاعت المسيحين علشان لفظ الاقباط
اللي يطلق علي مسيحي مصر

للعلم بس
قبطي معناها مصري
مالهاش اي علاقة بالدين المسيحي
يبقي انا قبطي وكلنا اقباط بما اننا كلنا مصريين

المداخله دي مش إساءه لحد
دي توضيح متواضع من شخص معلوماته متواضعه

مصر للمصريين


اللي عايز يتاكد من المعلومة اللي بقولها عن كلمة قبطي ممكن يزور مدونتي مصريات ويقراء بوست اسمك يا بلدي
وانا مستدل بالمصادر

أأسف للاطاله

وكلامي مش موجه لشخص بالتحديد

Bird of Alex said...

تحياتي
أسكندراني
مش عارفه أقولك أيه غير ربنا معاك .. وخلي في جيبك شريط بنادول
في المقال السابق سبت لك تعليق يوصف تمام اللي بيحصل عندك
الناس في غيبوبه ليه أنا مش فاهمه
رئيس دولة مريض وربنا عالم بالأعمار ودوله غير مجهزة بأي قيادة جديدة وشعب جائع وغاضب ومقهور وسرقات في كل مكان
ورمضان والمدارس داخلين بيعه واحدة
وربنا يكون في عون اصحاب المسؤليات
السنه اللي فاتت راجل انتحر لأنه لم يجد مصروف مدارس أطفاله
يا تري السنه دي كام واحد هينتحروا؟؟
أنا وأنت والسامعين قاعدين نتفرج ونسمع وكل واحد يعلي صوته عن التاني ونتهم في بعض كأننا بنحارب الصهاينه
صباح الفل .. الناس دي مين ؟؟
ومن البلد دي ولا من حته تانيه؟؟
الموضوع الرئيسي ضاع ونسينا الكذب والغش والظلم والباطل وكل اللي فينا واللي فاضل علشان نناقشه حقوق الشواذ والتشكيك في ذات الله والطعن في الأديان وعدم أحترام عقائد الناس
أسفه جدا من 3 أيام وأنا متابعه ومش لاقية أي كلام علمي ولا فقهي ولا اي حاجه لها حجة منطقية ترشق في دماغي
جدال للجدال فقط للأسف
بأكتفي بالكلمتين دول وعارفة أنه مش من حقي توجيه النقض لاي حد .. عذرا


ثانيا
Blue stone
أنا هأقولك يا ستي
يا جمال أسكندريه في رمضان
وشوية الهوا اللي بعد الفطار
بصي يا ستي طبعا لو عاوزه تروحي البحر هتلاقيه فاضي وجميل لأننا هنكون في نص سبتمبر يعني جو معتدل وبحر هادي
والناس هتكون مشغوله بتجهز للمدارس والفطار والبلد أخر تمام
ولو عاوزه مكتبه ومتاحف والكلام ده برضه هتلاقيه متاح لأن الكليات لسه ما بدأتش والدنيا رايقة
المشكله أنك مش هاتعرفي تأكلي بره براحتك كل الاماكن بتكون بالحجز من كتر الزحام ساعة الافطار
لكن عموما أهلا وسهلا بيتنا مفتوح
تحياتي

عباس العبد said...

اولا
هيومان
انا مبكرهش الملحدين
و لا بكرهك
هى القفشة جت كده
و بعدين
انا معرفكش علشان اكرهك
جايز تكون شخص كويس و جايز لأ
و انا مببنيش علاقاتى مع الناس بالطريقة د ى من غير ما اشوفهم
خلاص
و لو انا معرفش الالحاد عرفهونى قولى على اسماء كتب و كتاب و انا اقرالهم...معنديش مشكلة
و انا مش خايف من الالحاد ولا منك و لا خايف من اظهار عيوب الدين
لأن كل دين بيتقسم جزءين
طقس بشرى و مفهوم روحى
فهاجم الطقس زى ما انت عايز لكن مش ممكن تهاجم المفهوم الروحى لأن انت مختبرتوش
و لو انا غلطان قولى
اما ليه انا مردتيش عندك علشان حضرتك بتهاجم الاسلام و فى مسلمين اجدر و افضل و احسن منى يردوا عليك مش انا
فهمت
صدقنى هى القفشة جت كده
لما انت قلن انا كملحد
افتكرت مقال السعدنى بس
فهمت
انا لى صحاب على فكرة ملحدين
و حبايبى قوى
بس اعمل ايه
الله يسامحه محمود السعدنى

عباس العبد said...

ثانيا بنت القمر
لما قعدتى تتكلمى على العيلة افتكرت فؤاد المهندس و شويكار بس فى المسرحية بتاعة قائد طابية
اعمل ايه
.....
لو قريتى ردودى
حتلاقى ان احنا متفقين فى حاجات كتير
انا كمان بسميهم شواذ مش مثليين و كمان بقول زيك ملهمش حقوق
و نفس كلامك عن الملحدين
انا بقوله
بس
........
لكن انا بكره نبرة
انه
المسلمين احسن منا و هم الى سابنا نعيش
فالمفروض نقول كتر خيرهم
لأ احنا زينا زيكم
فهمتى قصدى
و بعدين احنا قلنا الكلام ده عند بلوستون قبل كده
فهمتى قصدى
و لو انتى متابعةالمدونة حتلاقى ان من اعز اصدقائى فى الكلية
الشيخ فرحات
يبقى ازاى انا بكره المسلمين
انا بتعامل مع البنى ادم
حسب طبيعته كويس يبقى احنا صحاب
وحش ... بسيبه و اقطع علاقتى بيه
و مليش دعوة دينه عامل ازاى
ان شالله يكون ملحد حتى
مع الاعتذار لهيومان
احسن يفهمها غلط

عباس العبد said...

ثالثا
اسكندرانى
متحاولش اننا نخسر بعض
و بعدين انا كلامى مش حاد
ده انفعال و سخرية
انا سخرت من كلام هيومان
و انفعلت على مقطع كتبته بنت القمر
فين بقى الحدية فى كلامى
و ازاى كان فى حد بيخاف من التانى
فانت الخايف مش انا
فين مقالة عباس العبد ؟
انت خايف منى ردى والا ايه
....
و بعدين انا مؤيد ليك فى كل كلمة
و قلتلك كده قبل كده
بس مفيش وقت اكتبه و ابعتهولك
...
انا برد من اسكندرية
اسكندرية وحشة موت فى الصيف
زفت جدا

عباس العبد said...

رابعا
انا مستمتع جدا بالمقالات دى
لأن فيها حاجات مكنتش اعرفها قبل كده
و دفعتنى لمزيد من القراءة و دى حاجة انا حاببها جدا
و الى محدش يعرفه انا من اول المتابعين للمدونة دى و فى مقالات ثرية جدا
و ده منهم
و لو فى حد زعلان منى
انا بعتذر
لأنى محبش حد يزعل منى
....
ماشى يا عم اسكندرانى
و انا راضى بعاقبك لى يا عم
و خلى البوستات منشورة
مع انى ممكن اخش امسحها
بس انا راضى بالى انت حكمت بيه
شكرا
و سلام

Alexandrian far away said...

مهند
وعليكم السلام
رمضان كريم وبعوده الأيام
والسنه الجايه نفرح بيك بقى
فينك يا راجل؟
كويس أننا متفقين في حاجات
بس ايه هي الحاجات دي؟
الملحدين موجودين ممكن تسالهم براحتك
ولو أني ما فهمتش سؤالك الصراحه
وعموما أنا برضه مش فاهم ايه علاقة الديانه باي شىء
ألى مش فاهم أيه موقفي الديني من كلامي الصراحه
حاجه عجيبه.

Alexandrian far away said...

الصديقه العزيزه
Blue stone
أعتقد الكافتريات الى ع البحر في محطة الرمل
بتبقى شغاله الصبح في رمضان وخاصة التجاريه والوطنيه
بالنسبه للأكل لازم تروحي بدري قبل الفطار
وعلى فكره الخلاف بين الدينيين اقوى من الخلاف بينهم وبين اللادينيين
موضوع قديم وقاعده ثابته
----------------------
رامز عنده مشكله
رامز زعل مني لما أعتبرت العايدي كاتب ردىء
هي دي دماغه
أحتماله للأختلاف معدوم
عموما رامز عطاني ماده مهمه للتحليل
وعلى فكره تعليقاته الى حذفها لكن أتبعتت لي ع الأيميل
مهمه ومخيفه فعلا، وهو له قعده طويله معايا

-----------------
ملحوظه مهمه: لحد الأن لم أجد أي نقد بالعربي للمسيحيه من حد بيطلق على نفسه
( مسيحي سابق- ملحد حاليا)
-------------------------
بسرعه مخله الفارق ما بين الإسلام واليهوديه من جهه
والمسيحيه من الجهه الأخرى له علاقه بأختلاف ظروف النشأه والتطور، فارق كبير بين النشأه والتطور
في البريه وسط شعب بدوي
وبين النشأه والتطور في بيئه مدينيه تحت وطأة الفلسفات فائقة التطور وقتها
وبطش السلطه الرومانيه
لكن التلاته من ماعون واحد
تنين بثلاث رءوس
أما عن النصوص فالعهد القديم مليان نصوص رهيبه
ولا المسيحيين مش بيعترفوا بالعهد القديم؟
البقر مقدس عند الهندوس وليس البوذيين
وقدسه المصريون القدماء أيضا
---------------------
ما تحكمني شبينك وبين بنت القمر الله يخليكي
أنا مش قدكم أنتوا الأتنين 
وكفايه أنها زعلت وقاطعتني
لكن ملحوظه لو وفاء في الدير غصب عنها تبقى جريمة أختطاف وحجز أنثى ودي عقوبتها الأشغال الشاقه المؤبده على ما أذكر
-------------------
أنا مستنى الموكا ومش حاتنازل عنها
أسكندريه منوره بيكي

Alexandrian far away said...

He&She
I don’t know about the others
But I use to write my posts during lunch breaks
All you need my dear is organizing your thoughts
Mastering the language
For me I am a professional writer
So it is so easy for me to write

Alexandrian far away said...

مهند (كلاكيت تاني مره)
هو أنا أقدر ما أعلقش على كلامك يا مهند
بس فعلا كنت محتاج أبعد عن المدونه شويه أصفي ذهني
أتفق معاك تماما
كلام عباس العبد لو مشينا معاه حيوصلنا لنقطه غريبه جدا
أن مصر ملك للعرب ( العرب تحديدا وليس المسلمين) وأنها لهم بحق (الفتح)
بحق السيف يعني، وعليه فأحنا كلنا كده مسلمين ومسيحيين نروح نسلم البلد للعرب لأننا ببساطه موالي لهم
كلام عباس العبد خميره لحرب أهليه طائفيه يا مهند ودي خطورته
ومش أول مره اسمعه
وممكن أقول كلام خايب كتير برضه
زي أن المسيحيين سلموا البلد للعرب برضاهم
ولم يحاربوا من أجل وطنهم وأرتضوا الأحتلال العربي
بس خليها بتاعة أتباع أوزير وحياتك لأنها كانت ديانة الشعب
كلامك عن لفظ قبطي صائب تماما
وأنا شفت الكلام على مدونتك
وفرصه أهنيك على الجهد العلمي الدقيق ده
تحياتي

Alexandrian far away said...

الصديقه العزيزه
Bird of Alex
بصدق أنا أصبت بأكتئاب خصوصا بعد تعليق عباس العبد
أتفق معك تماما
وأعتقد أن هناك أسئله أكثر قسوه وحده يخاف الكل سؤالها
ويخافون أكثر أجابتها
وأعدك بسؤالها في البوست القادم
وأنتي بتنوري المدونه
وبترفعي معنوياتي بتعليقاتك
وعلى فكره أحنا طلعنا مصلحه
خريجي كليه واحده
تحياتي

Alexandrian far away said...

عباس العبد
المهم في الأديان الجانب الروحي ده
هو ده الى فيه الزبد كلها وهوده ألى أنا باركز عليه
تعليقاتك محفوظه عندي على الأيميل
بما فيها ما حذفته
ولها موضوع خاص بها
لأنها فعلا حاله تستحق التحليل والدراسه.

ROSE-Transexual diary said...

هــــــــــــــــــاي
انا دخت لما خلصت قراءة البوس
ولما وصلت للردود لقيت كل واحد منها يكفي لبوست كامل

انا مش هقدر اكتب بوست
لكن استمتعت بالقراية

اتمنى اني استفيد دائما من ارائك

عباس العبد said...

انت يا عم حتلبسنى تهمة ولا ايه
انا مزعلتش منك لما قلت ان العايدى كاتب وحش
انا كنت بسافر ساعتها
بسخن فى الشغل الجديد
و مكنتش عارف ارد و لا اكتب
حتى انت دخلت كتبتلى
انت فين يا عم انت ؟
فاكر ولا مش فاكر ؟
و بعدين انا من حقى انى اختلف معاك و اتمسك برأى و انا قلتلك انشر و انا حرد عليك
و حكتب عنها تنويه فى المدونة
....
و بعدين انا محذفتش حاجة علشان تقولى انها عندك على الميل
كل الردود الى مكتوب عليها اسمى و تحتيها
This post has been removed by the author.
انا محذفتهاش انا عدلتها و نشرتها من جديد لأن فيها كلمات غلط و زودت عليها جمل
و مفيش غير كلمة واحدة بس الى حذفتها من تانى رد
فأيه هو الى مخيف فى الردود المحذوفة اذا كانت منشورة عندك
مفيش حاجة محذوفة
...............
و بعدين يعنى ايه
" أحتماله للأختلاف معدوم
عموما رامز عطاني ماده مهمه للتحليل
وعلى فكره تعليقاته الى حذفها لكن أتبعتت لي ع الأيميل
مهمه ومخيفه فعلا، وهو له قعده طويله معايا "
مين قالك كده
جبتها منين
هو الاختلاف من حقكم انتم و مش من حقى انا
..........
اكتب يا سيدى الى عايز تكتبه عنى
انت حر
بس اسمحلى ارد عليك طبعا

عباس العبد said...

و بعدين يا سيدى انشر الى محذوف على الميل
و ورينى الفرق بينه و بين المنشور عندك
صدقنى انا محذفتش ولا تعليق كتبته

جوستيـن said...

ممممممم

كلام كبيييييير + اني ماليش اوي اعمل حوارات من النوع دي ..يعني ارائي او قناعاتي مش مضطره افردها او افرضها او اي حاجه بس هو كلامك يحترم ومتفقه معاك ف حاجات منه..ولو ان اسلوب الاستهزاء اللي نهيت بيه يزعل بردوا

بالحق جوستين اه الاسم اه راجع لرباعية الاسكندريه
الموضوع كله بس ان كنت بقراها وانا بعمل المدونه فاتزنقت ف اسم اعتباطي كدا..مش مسأله تشابه بيني وبين جوستين الشخصبه جوا الروايه ف حاجه

سعدت بالدخول هنا
تحياتي

:))

Alexandrian far away said...

ٌٌRose
أنتي منوره
وأنا كما أستفدت وأستمتعت بكتاباتك بمدونتك أتمنى أن تكون كتاباتي مفيدة وممتعة لك ولو قليلا
تحياتي

Alexandrian far away said...

عباس العبد
ماشي يا سيدي
أنا غلطان في موضوع العايدي
مش مهم
لكن فعلا أنا أنبهرت بتعليقاتك
وطبعا لك حق الرد
لكن أحنا مين؟

Alexandrian far away said...

جوستين
معاذ الله أن يكون بينك وبين جوستين بتاعة داريل أي تشابه، رغم أني حين قرأت الروايه من سنوات طويله أغرمت بالشخصيه
أيه رايك مش لو كان كتب جوستين فقط كان أحسن؟
حاضر يا ستي أوعدك بكل الحنيه والرقه والنعومه والطبطبه على أي تعليق بالمدونه :-)
ولو حد فيهم دخل فيا شمال وماردتش عليه يبقى ذنبي في رقبتك
بس بجد أنتي ما شفتيش كم العدوانيه والغرور ألى كان في تعليقات كتير؟
تسعدني زياراتك دائما

Anonymous said...

مرحبا أسكندراني،

ما لقيتش غير تعليقك ده على تعليقي، على حقوق الإنسان اللي كان :

----------------------------------
ولا يحق لأحد التعامل معها بأنتقائيه
----------------------------------

بصراحة، انا مش فاهم إنت بتعني إيه بالجملة ديه..

وهل هذا تعليقك الوحيد على حركات تحرير العبيد تاريخياً في العالم؟
وإنت برأيك هم كانو عنصريين للسود مثلاً؟

ودمت
مدفون في الشرق،
حاليا مدفون خلف بروكسي

جوستيـن said...

ليه بس دا بلتازار حلو بردوا

الرباعيه حلو والله

ياعم اللي يرشك بالميه رشه بالنار

:d

اجندا حمرا said...

موضوع دسم اوي عزيزي اسكندراني اتفق مع اسمت في ان لو كنت اتكلمت عن كل واحد لوحده من اجزاءه كان الناس حتركز فيه بس جهد مشكور عزيزي

شوف اي حاجه فينا مختلفه عن حد تاني حيبتدي يهاجم و ساعات مابيكونش بيفهم حاجه اهو شايف التانيين بيهاجموا فبيمشي ورا الناس طبعا دي ناس سوري في الكلمه غريبه معندهاش مخ و بتلقد زي البغبغانات
انا دايما بحترم اللي بيتناقش بموضوعيه و بعقلانيه و مابيحكمش علي حد بحكم حد تاني عليه
بس صدقني طول مافيه اختلافات طول ماختلاقي الناس مش سايبه حد في حاله