Tuesday, September 11, 2007

STICKY NOTES







عندي برد
يا دي النهار
وبما اني عندي برد فخلايا مخي معلنه العصيان المدني مبدئيا أضافة لحريق غابات في صدري- محسوبكم مدخن وحتى في البرد بادخن برضه- ومناخيري طبعا فاقده السيطره أصلا
الله يسلمكم (للي حيقول سلامتك) وأنشالله أنت للي حيقول أحسن
المهم
بما أني معطل الذهن وغير قادر على كتابة اي شىء طويل سواء في الشغل أو التدوينه وبما أنني أتهمت أني لا عندي برد ولا حاجه فقد قررت أن أعمل جرد لمجموعة الستكي نوت ألى أنا محتفظ بيها والحقيقه أنا مغرم بالأستكي نوتس، وباحطها في كل حته حوليا، وبألوان متعدده وبأحجام متعدده، كل ما تخطر لي فكره مثلا أكتبها على أستيكي نوت وألزقها على المونيتور، أو الحيطه أو الدولاب ألى جنب الكمبيوتر في البيت وبما أني تقريبا قربت أكون مش شايف المونيتورمن كتر الستيكي نوتس، بفكر أشارككم بعضها
جماهيرية التعميرة المضروبه


أعتقدت دائما أن الله غضب على مصر فلزق جنبها ليبيا، عقابا لها، وأعتقدت أن الليبيين بصراحه موجودين غلط في شمال أفريقيا، فهم لا يشبهون شعوب شمال أفريقيا من أي زاويه وأقترح تهجيرهم للخليج الصراحه وخصوصا جنب الكويت المهم قريتوا الخبر ده؟ عن جريدة الشعب

التاريخ: 08/09/2007
ليبيا تمنع دخول المصريين..عدا أهالى مطروح والرسميين وسائقى النقل

اغلقت السلطات الليبية حدودها مع مصر وقررت قصر الدخول الي اراضيها علي المصريين من سكان المناطق الحدودية المجاورة.
واعلن المتحدث الرسمي لوزارة الخارجية المصرية حسام زكي امس الخميس ان ليبيا بدأت مساء الاربعاء في تطبيق خطوة جديدة وبشكل مفاجئ حيث اقتصرت عمليات السماح بالدخول الي الاراضي الليبية من المنافذ الحدودية البرية علي سكان محافظة مرسي مطروح المجاورة .
وأوضح أن هذه التعليمات تقضي بالسماح بدخول الاراضي الليبية فقط لمواليد محافظة مرسي مطروح حاملي عقود العمل السارية والمبدئية الصادرة من السفارة الليبية او المكتب الشعبي ولاصحاب المهام الرسمية وسائقي سيارات النقل ومساعديهم واصحاب البضائع وأزواج الليبيات وزوجات الليبيين واصحاب تأشيرات الدخول بغرض العمل الصادر من مكتب المتابعة الليبي.
يأتى ذلك على خلفية التوترات والصدامات التى وقعت بين الجالية المصرية والليبيين فى طرابلس إثر مشاجرة بين مصرى وليبى تطورت إلى مصادمات بين الجالية المصرية والليبيين المحيطين بمنطقة التجمع المصرى .. ولم تصدر أى من وزارتى الخارجية المصرية أو الليبية أية بيانات عن الواقعة وتطوراتها.
طيب ما الذي ممكن قوله؟
بجد
مش لاقي حاجه اقولها، نزل عليا التبليم ساعة ما قريت الخبر، وبعدين الضحك

يا أخ معمر
يا قائد الثورة الجماهيريه
مش قلنا بلاش تعميرة الحشيش المضروبه دي
ولا ده قرار الشجاع الأقرع أي مخلفه وفرحان بيه


والذي حولك من قائد ثوره وزعيم وراجل كباره إلى خط أحمر
وتبقى خط أحمر أزاي بس وأنت كاتب كتاب أخضر؟
أستويت يعني وأحمريت وقربت تتقطف؟
عموما ربنا يهدي ويشفي
وأصبر على جار السو يا يرحل يا تجيله مصيبه تاخده

دولة العشه

الكوت في اللغة هو الكوخ الخشبي الصغير، والكويت هي تصغير للكوخ الخشبي الصغير، طيب كوخ ضغير وصغير أكتر يبقى أيه؟
يبقى عشه
صح؟
وفي دولة العشه
فيه شعب
تتصوروا؟
شعب عريق رهيب جبار مفتري مخيف لا يشق له غبار
أما من حيث هو عريق فلأنه من ييجي 200 سنه تقريبا ارتحل بعض قطاع الطرق من نجد بأواسط شبه الجزيرة العربيه - تقريبا كانوا عاملين مصيبه وهربوا بجلدهم- ومشوا لحد ما لاقوا منطقه خربه وجرداء لدرجة ان لا أحد يقطن فيها فقعدوا وكان من الممكن ألا يكون لهم أي ذكر على الإطلاق أو لدويلتهم التافهه لولا (الزفت) الذي ينز من رمالهم والذي لحاجة الغرب له حافظ على وجود تلك الدويله وساعدها على البقاء، أما أنه رهيب وجبار فهو لأن الجيش العراقي يا عيني فكت ركبه من الخوف والرعب أول ما دخل الكويت ولاقاها فاضيه خالص فارتعب لتكون القوات الكويتيه الباسله مستخبيه له في الضلمه وحتطلع تقله بخ ، أما مفتري فلأنه يفتري على خلق الله بالباطل والعاطل، وطبعا هو لا يشق له غبار لما كان بيفحط هربان على بره من بلده وهنا علي أن أوضح بعض النقاط بعد أذنكم

أولا: لا تضعوا (الخليج) كله في سلة واحده، البحرين كوم لوحده، شعب متحضر حقيقة ونشط وبتاع شغل وخال من كل العقد المعروفه، الإمارات وعمان وقطر كوم لوحده برضه، طيبون ومتواضعون لحد مدهش والعمانيون نشطون وبتوع شغل بشكل خاص، السعوديون برضه كوم لوحده فرغم أنهم شىء عجيب في بلادهم إلا أنهم خارج بلادهم طيبون ومتواضعون وظرفاء غالبا ومن الممكن التعامل معهم، الكويتي بقى، الكويتي قضيه مستقله، شعب كامل مصاب بجنون العظمه والغرور المرضي والعنصرية الشديدة ضد الجميع، صحفهم تحتشد بالمقالات العنصريه المليئه بالأحتقار والتعالي على الشعوب الأخرى.

ثانيا: يرددون دائما أنهم أغدقوا الأموال على مصر، هذه أكذوبه، أقرأوا مذكرات الشاذلي لتعرفوا أن دول الخليج تنصلت من ألتزاماتها المالية بعد مؤتمر الخرطوم ولم تدفع شيئا تقريبا، أما ما يدفعونه للمصريين من أجور بخسة قليلة خاصة مقارنة بالرواتب العملاقه التي يدفعونها لجهلة أوروبا وقمامتها فهي مقابل عمل جاد محترم حول ومازال يحول صحرائهم إلى مكان يشبه الحضاره لكن طبعا نسامحهم في هذه النقطه لأن فكرة أحترام العمل غير واردة في ثقافة ذلك الشعب الذي لا يعترف سوى بقيمة التفخيد والبلطجه وأقتناص الأموال من البورصه أو أقتراضها من البنوك

ثالثا: مصر مغرقه الكويت بالجمايل من ساسها لراسها فلولا مصر ما كانت الكويت موجودة اصلا، فمصر هي من منعت عبد الكريم قاسم من ضم الكويت في الخمسينيات - وليتها ما فعلت- ومصر هي التى منحت مشروعية للتحالف الدولي ضد العراق -وليتها ما فعلت- وبينما كان الجيش المصري يحارب للاسف لتحرير الكويت كانت الموزز الكويتي يحلن شوارع المهندسين لمواخير مفتوحة حتى الصباح، وكلما يزعمونهمن تفوق ثقافي صنعه المصريون الذين ذهبوا هناك منذ الستينيات

رابعا: لا تغتروا بما يزعمون أنه ديموقراطيه في الكويت فهي أكذوبه، الموضوع أبسط من ذلك فقط أن العائلات الأساسية في الكويت اقوى من العائله الحاكمه لذلك فهي تلاعبها ملاعبة القرود مستخدمة ما يسمى البرلمان كأداه لأذلالها وتحجيمها

خامسا: ... ولا بلاش أحنا عندنا ولايا برضه وربنا امر بالستر

أنا ماكنتش ناوي أكتب في الموضوع الحقيقه لكن المدونه العبيطه دي أستفزتني

مطرب الجيل البيئه


الخبر ده منشور في موقع العربيه

"كارهو" المغني المصري تامر حسني يطلقون موقعاً إلكترونياً لمهاجمته

الصراحه ما زلت بعد العمر ده كله أجد صعوبه في هضم موسيقار الأجيال عمرو دياب، وما زلت أحتاج لمضاد للحموضه لسماع مطرب الدباديب كاظم الساهر - ألا هو فين الأيام دي؟- لكن تامر ده الصراحه صعب قوي يعني أنا أعلم تماما أن للمراهقات عادة ذوق غير طبيعي وذلك نتيجة للمشاكل الهرمونيه التي يتعرضن لها ، لكن تامر ده بيعجبوا بيه من أي حته بالظبط لا مؤاخذه؟
لصديق لي راي ان تامر يمثل نموذج الشاب البيئه الروش ، الشاب البيسو الحمو الروش طحن، ولذلك فهو يمثل فتى الأحلام للبنات البيئه والبنات الفرافير كذلك يرون فيه نموذج البطل البيئه الجامد طحن، لكن صديق أخر يرى أنه نتيجة للتشوه السكاني بمصر حيث أصبح الشباب البيئه يتفرفرون والشباب الفرافير يتبيئون فأصبح ذلك الهارب من التجنيد المثل الأعلى البيئي البيسوي
الصراحه
حاجه تعر وتقصر الرقبه
ألا هو ما حدش يعرف عنوان الموقع يا جماعه؟

الحثاله

لأ طبعا أكيد مش قصدي أن الزفت الصغير جمال مبارك هو الحثاله، الحثاله هم المذكورون في هذا الخبر

حركة جديدة لتأييد جمال مبارك رئيسا لمصر

على ما يبدو أنه فيه حركتين : واحده اسمها نعم والتانيه أسمها أحرار، حثاله مش كده؟ كبيره عليهم كلمة حثاله؟ طيب اللصوص أولاد اللصوص الخونه كلاب مباحث أمن الدوله معقول كده؟ طيب قولوا لي مين ممكن يدعم أن الزفت الصغنن يحكم مكان أبوه الزفت الكبير غير لص أبن لص مستفيد من المنصر الذي يقوده ننوس عين أمه، أو عميل بيقبض من أمن الدوله؟ تصدقوا أللى أختشوا ماتوا فعلا حقيقي أيه الأراحه دي؟ أيه التناحه دي؟ أي معتوه في الدنيا ممكن يعتقد أن فيه بني أدمين محترمين ممكن يقبلوا حكم الزفت الصغنن؟





20 comments:

Anonymous said...

صباح الخير
ولا هيجي منين الخير بعد البوست ده
أهو صباح وخلاص
لما تكون عيان بعد كده الأحسن ما تكتبش علشان حرقة الدم
للدرجه دي احنا مزبله بره وجوه؟؟
لعلمك خير لنا وأنظف أننا ما نروحش ليبيا ده عار علينا لما نخدم في دول ... شويه المساطيل اللي قارفينا صيف شتا بغباوتهم.. ولعلمك احنا اصلا شعب غبي مش بيتعلم لأن الراجل الحمار ده من يجي حاجه وعشرين سنه برضه رحل كل المصريين وطلعهم في مراكب علي مالطه وغيره ... رجعوا تاني ليه من غير ضمانات محترمه؟؟
وبعدين حتي موضوع الكويت برضه احنا بنبقي رغم فقرنا وقحطنا والغضب اللي ربنا مسلطه علينا أرقي وأنظف وأكثر تفتحا من اللي جابوهم
اللينك اللي انت حطيته في منتهي الاستفزاز.. الله يرحم الشباشب
أما موضوع ننوس عين أمه ده فأنا مش فاهمه هو لو الكبير مات الصغير هتتمثل قيمته في أيه؟؟
يعني من غير اهله هو يسوي ايه؟؟

تحياتي ...
تقوم بالسلامه
ويارب تقوم مصر هيه كمان بالسلامه

Bella said...

صباح الخير

مش عارفة اقول لك ايه بس

الواحد اصلا محروق دمه من العالم عديمة الحضارة دي اللى بيتعلقوا في ذيول الامم

حاجة تعكنن المزاج صراحة

قريت التدوينة بتاعة اسم النبي حاسه ده وحسيت اني عايزة افقعه قلمين يمكن يفوق

كل واحد يتمطع ويقول لك فتحنا خزئنا اغدقنا عليكم اموال

هم يعني لما بيدفعوا رواتب اللى بيشتغل بيدفعوا له فلوس لزوم التمثيل المشرف ولا مقابل عمل بيؤديه

ثم لو حكومتنا الحرامية بتضحك عليهم وتاخد منهم فلوس احنا مالنا

وبعدين اللى بيتكلم عن العزة والكرامة والماعرفش ايه يشوف كان هربان فين وبيجاهد في اي كباريه وقت صدام مادخل الكويت

جاتهم القرف هم والقذافي في قفة واحدة

بالنسبة للواد سي تامر حوسني ده

خد ياسيدي عنوان الجروب المعمول عنه

http://www.facebook.com/group.php?gid=2433408860

وده موضوع كنت عملته عن سي تامر

ابقى بص عليه

http://afkaar-bella.blogspot.com/2007/07/blog-post_11.html

Layla said...

الف سلامة عليك...بوست اكتر من رائع بيعبر عن رأيي تمام في الربعة

الاخ المعمر دماغه..والاخوة الخواجات بتوع الكويت..والاخ تشامر..والاخوة اللي بيمسحوا جزمة جمال مبارك

بصراحة انت جبت اكتر ناس مستفزة في الدنيا واتكلمت عليهم هنا

على فكرة الجروب بتاع تامر حسني اسمه
لو هذا الجروب وصل لبتاع عشرتلاف بنى آدم ..حنرجع تامر حسنى السجن

واللينك بتاعه اهو
http://www.facebook.com/group.php?gid=2433408860

الف سلامة مرة تانية
:)))

Egypt Rose said...

سلامتك و حمدلله على السلامة

يا اسكندراني يا طير يا مهاجر .. هم دول السكان الحاليين لمصر .. الزبالة والتخلف و الهبل على الشيطنة والفهلوة وووووو

والعجيب انهم عيشين في سلام وتناغم مع بعض وبيفهموا بعض وبيعملو حركات واطية على بعض وووو

احنا بس اللى غير .. انا زعلانه منك .. كاظم ايوة وتامر التافه ايوة وعلى فكرة هم بيشفوه من قفاه او
Up side down
hhhhhhhhhhhh
اما عمرو دياب .. لا .. ده مغني جيلي وبحبه وهو تخلص من الشعب ده

Alexandrian far away said...

Bird of Alex
بلدياتي العزيزه
الحقيقه انا كنت فعلا مقرر ما أكتبش حاجه وأنا عيان، لكن Esmat
هي السبب، ممكن تشتكي لها مباشرة
:-)
شفتي الخيبه؟
حتى الليبيين بيطنططوا علينا
والله بجد أحنا الغلطانين أننا مش بنولع في كلاب الحكومه دي عشان حال البلد يتعدل ونقعد فيها بكرامتنا
ثم أنا مازلت اطالب وبشده بتعيين وزير خارجيه لمصر واقامة وزارة خارجيه
عيب كده نقعد من غير وزارة خارجيه
ننوس عين أمه يا ستي بيجمع عصابه حواليه تساعده ينط على الكرسي لما الزفت الكبير يفيص أو يبوظ خالص
وربنا يستر ما يعملش مصيبه

كل سنه وانتي طيبه
وتسلمي لي

صاحب البوابــة said...

كلما قرأت لك

علمت لماذا أجد تعليقاتك عندي متميزة

لأننا نشترك في شئ واحد

هام للغاية

وهو

حرقة الدم المستمرة على حال البلد

:)

تحياتي عزيزي الغالي

ابو احمد said...

صباح الفل
الف سلامه ليك البرد ده للعالم العواجيز اللى زى حالاتنا
انما الشباب لازم يقاوم
الف سلامه مره ثانيه

Alexandrian far away said...

Bella
صديقتي العزيزه
لا تنسي إن طلع العيب من أهل العيب ما يبقاش عيب، وموضوع الخزائن المفتوحه ده كذبه كبيره، أيوه هي مفتوحه على البحري للأمريكان والأوروبيين لكن بابها بيبقى أصغر من جحر الفار على أي ناس تانيه
ثم يعني هم حيلتهم ايه؟
لا ثقل سياسي ولا ديموغرافي ولا عسكري، يبقى فاضل لهم الفلوس، وهم أبخل خلق الله على فكره، أما القذافي فنقول ربنا يشفي

تحياتي وكل سنه وأنتي طيبه

Alexandrian far away said...

Marvel
تحياتي ونورت المدونه
أنا مش عاوز ارجع تامر حسني السجن بصراحه
أنا عاوزه يرجع يسرح بمناديل ورق في الأتوبيسات تاني
وبس خلاص
شكرا على اللينك

كل سنه وأنت طيب

Alexandrian far away said...

العزيزه
Egypt Rose
الله يسلمك يا ستي
المصريين فعلا كأن حد لعب في أساس دماغهم
بقى ذوقهم عجيب
وتصرفاتهم غريبه
بس بجد لسه أحسن من ناس كتيييييييير
معلش بقى على عمرو دياب، الحقيقه مطرب جيلي أنا بأعتبره محمد منير، عارفه أحلى حاجه في أغاني عمرو أيه؟
أنها بتبقى أحلى لما حد تاني يغنيها أنشالله في فرح بلدي
صوته ممل قوي الجدع ده

كل سنه وأنتي طيبه

Alexandrian far away said...

عزيزي صاحب البوابــة
شهاده أعتز بيها
والحقيقه ألى ما يتحرقش دمه على حال البلد يبقى ماعندوش دم
زي عاهات الحكومه كده

كل سنه وأنت طيب

Mirage said...

شكرا على الصورة الجميلة دى

كانت فين من زمان دى يانجم

جوستيـن said...

بوست حلو فعلا

Anonymous said...

ردا علي العبيط اللي كاتب المقال العبيط بتاع الساده العرب وخيرهم اللي مغرقنا من ساسنا لراسنا
http://www.almasry-alyoum.com/article.aspx?ArticleID=75931

Alexandrian far away said...

عزيزي ابو احمد
شباب مين يا عم بس؟
أنا من جيل السمنه الهولندي وفلراخ الجمعيه وبولوبيف توفيق عبد الحي
ربنا يستر علينا

هاهاهاهاها

Alexandrian far away said...

Mirage
منك لله
أنا كنت نسيت أنك من حزب تامر حسني
روحوا الهي تصابوا بضعف سمع مزمن
هاهاهاها

Alexandrian far away said...

المبدعه العزيزة جوستيـن
تحياتي
وشكرا لك

Alexandrian far away said...

Bird of Alex

شكرا جزيلا
مقال جميل فعلا
والحقيقه أنا ماكنتش أعرف أننا عملنا لهم كل ده

Esmat said...

اولا كل سنة وانت طيب
رمضان كريم
انا النت يقف عندى يومين ارجع الاقى كل ده ماشاء الله ده وانت تعبان كمان
الله اكبر عليك
لبييا دى فزورة و رئيسهم مالوش حل
ساعات اسال نفسى هوه عنده مخ زينا
ولو تفتكر حكايته مع السادات
ولو تفتكر كاريكاتير مصطفى حسين ايامها
ده تعليقى عليه
و اما اراءك فى دول الخليج
فانا ارى ان الامارتيين يستحقوا التحية
ناس محترمة وشغالة وغيرانة منهم لان احنا المفروض نكون كده
اما الباقى اتفق معاك
وان زى ما الكويت نقطة سوداء فى الخليج ليبيا نقطة لافريقيا
و رئيس مصر عامل لى نقطة إن مفيش موقف منه يوقف ليبيا عند حدها
اما البتاع ده اللى اسمه
تامر
اللى بيتقال دلوقتى حاجة تانية غير الاغانى
بموت محمد قنديل
وهو اخر العمالقة انتهت الاغنية الاصيلةاللى تتسمع
فاضل مين
نجاة ومش بتغنى
وردة بتجارى العصر
حتى على الحجار ومدحت صالح والحلو بيلونوا من ده على ده
وكفاية
اقولك كل سنة وانت طيب

Alexandrian far away said...

عزيزتي
Esmat

بعد الشر على النت عندك يا ستي، هو أحنا نستحمل غيابك برضه
:-)
بخصوص جيانا الشرقيين فأنا فاكر كاريكاتير مصطفى حسين طبعا لما كان بيرسم القذافي قاعد على القصريه، الليبيين شعب عجيب جدا، غير مفهوم، أنا ساعات لا أصدق أن عبقريه روائيه زي أبراهيم الكوني ليبي لكن كفايه أنه مختار النفي الأختياري طول عمره، القذافي غالبا مختل عقليا وأبنه مختل أكتر منه وربنا يستر

عن الإمارات صدقيني أنا محروق دمي من ساعة ما جيت هنا، يعني لو المنطقه الحره للتكنولوجيا والإعلام دي أتبنت في مصر قد أيه كفاءات حتشتغل وقد أيه صناعات حتنشط، صناعة الطباعه مثلا الى قربت تموت في مصر، أظن لما يبقى الأحتلال المغولي يرحل عن مصر لازم نفكر في الموضوع ده

تامر حسني هو مطرب عصر روتانا، الجناح الفني للحرب أللى بتشنها السعوديه على مصر من الستينيات
نقول ايه؟
الله يرحمك يا ابراهيم باشا

تحياتي وكل سنه وأنتي طيبه