Thursday, August 09, 2007

إنقراض



أصبح الأمر رسميا

أنقرض (بايجي)

دلفين المياه العذبة الأبيض الصيني

أنقرض

اختفى

لم يعد له وجود على هذا الكوكب

دلفين صغير الحجم وقبيح، لا يتمتع بخفة ظل الدلافين البحرية

ولا باجتماعيتها

ولا حتى بذكائها

عشرون مليون عام يسبح في المياه الداكنة الموحلة لنهر (يانج تسي).

والآن لم يعد

لم يكن محبوبا مثل الباندا، وبالتأكيد لم يكن يصلح لإعارته كبادرة حسن نية دبلوماسية

لم يكن مهيبا كالببر السيبيري ولم يذبحه أحد من أجل الفراء

اصطادوه من أجل اللحم

كل التكتكات اللعوب والقفزات المبتهجة وسط أمواج النهر لم تكن تساوي سوى أرطال من اللحم_ هو لم يكن حقيقة كبير الحجم-

عشرون مليون عاما

يا الدلفين العجيب الذي هجرت أمواج المحيط واخترت النهر فصرت وحيدا غبيا شبه أعمى

والآن أصبحت منقرضا

لم يعد لك وجود أبدا

لن يقف طفل أبدا على حافة النهر ويصرخ طربا حين يرى رأسك البيضاوي الأبيض فوق الأمواج.

لن تغوص مرة أخرى وسط ظلمة أعماق النهر لالتقاط سمكه

ولم يهتم العالم؟

دلفين أبيض صغير نصف أعمى وغبي

أختفي

أنقرض

النهر العظيم الذي أحتضنه سقط صريع السدود العملاقة التي مزقته

نهر (يانج تسي) يرقد ميتا بين فكوك السدود، تحت مؤخرات المصانع العملاقة التي تملؤه سما وموتا

مات النهر

واليوم أعلنوا موت روح النهر

أنقرض (بايجي)

لن يهتم أحد في ناطحات سحاب شنغهاي الليلة بذلك

ربما لن يقرأوا حتى الخبر

موظف صغير قد يرفع رسالة لرؤسائه في بكين لترقد في ملف سينسى للأبد

بعد سنوات

من سيذكر (بايجي) الصغير

الذي أنقرض رسميا اليوم.

19 comments:

الطائر الحزين said...

انا شفت الموضوع من اكثر من زاوية

1- ان أثر البعد فعاش وحيد ومات وحيد عن اقرانة

2- ياترى مين اللى علية الدور فى الانقراض

ربنا يسلم

monasosh said...

بس انا كنت فاكرة انى قريت من اكتر من شهر الاعلان عن انقراضه!!!
حاجة تحزن

bluestone said...

هكذا رأيت الأمر:
عليك ان تتعلم كيف تعيش .. كيف تبيع وتمتلك المهارات التسويقية الترويجية للبقاء على قيد الحياة ..
عليك ان تقفز في الهواء وترقص وتضحك الآخرين .. يجب أن يكون لك عرضك الخاص والا مت وحيدا .. ولن يبكي أحد لانقراضك

غمض عينيك said...

والله زعلتني بجد
البوست بتاعك بيقطر حزنا

احساس وحش اوي ان في كائن مايكونش ليه وجود تاني على كوكبنا

بجد وحش اوي

اتمنى ظهورة مره تانية

اسجل اعجابي
اول زيارة
محمد سمير

Alexandrian far away said...

الطائر الحزين
للموضوع زوايا عديدة
بالنسبة لي كلما عرفت بانقراض أحد الأنواع يقشعر بدني متخيلا ذلك الصباح الذي ستشرق شمسه دون أن تصافحها عين انسان لأننا سنكون قد أنقرضنا في صمت اثناء الليل، نحن نكسر حلقات الحياة واحدة تلو الأخرى بعشوائية وغباء ودون فهم حقيقي
أي حلقة سنكسرها فتسقط حلقة وجودنا نحن في العدم والصمت؟

Alexandrian far away said...

ماعت....مرحبا بك في زيارتك الأولى للمدونه وأتمنى تكرارها
كان ذلك تحذير عن أحتمال أنقراضه فلم يره أحد من سنوات، أما الخبر فكان أعلان الأنقراض الرسمي، عموما لن يعلن أنقراضه النهائي قبل خمسون عاما دون رؤيته، أتمنى أن يكون بعض تلك الدلافين ما زال باقيا ، أتمنى أننا معشر البشر لم نرتكب جريمة ابادة جديدة

Alexandrian far away said...

العزيزة بلوستون
كلامك صحيح تماما
لكن هل هو عادل؟
كل حي في هذا الوجود له الحق في البقاء تماما كاي كائن أخر
من قال أن عليه أن يتحول لمهرج كي يسلي اسياد الأرض ليمنحوه الحق في البقاء؟أقول لك شيئا
حين سلمت أسرائيل لنا سيناء بأوائل الثمانينيات كانت تحتوى خمسة من النمور السيناوية هي كل ما تبقي من هذا النويع بالعالم
أين ذهبت تلك النمور
كان كل واحد منها مهم مثله كجبل سانت كاترين وساحل العريش ، كل واحد منها هو ملك لنا ولأحفادنا
كل واحد منها أنقرض هو تفريط في قطعة من الوطن
من الأرض
من الحياه

Alexandrian far away said...

محمد سمير
مرحبا بك
أنقراض ذلك الدلفين الصغير يذكرنا بكم الأشياء البسيطة الجميلة التي تختفى ربما حتى دون الأنتباه اليها
كائنات حية وشعوب ولغات وأمكنة وحضارات كاملة
قطع كاملة من ذاكرتنا تختفي وتذوي
تقول حكمة قبائل الماساي بشرق أفريقيا: لو قتل الأنسان الوحش فستموت روح الأنسان وحيدة
يا لكم الوحدة التي تعيشها البشرية
تحياتي ونورت المدونه

اسكندراني اوي said...

Alexandrian far away
ردا على تعليقك في مدونه بنت القمر

اولا انا لست في الصف الابتدائي كما يخيل اليك فالحمد لله تركنا صفوف التعليم من فتره طوييييييييييييله
والان نحن من نعلم سيدي الفاضل
ثانيا نصيحه ميس ابتسام كانت بتقول فصول اعدادي وثانوي يعني فصول تعليميه واعتقد ان بلوج حنين ومن على شاكلتها ليست للتعليم بل هي للتشويه ثالثااعتقد ان سبعه وثلاثين سنه هي عمري منا عشرون عاما من الحياه العمليه كفيله بان تعلمني الى اين اذهب وماذا اقرا ولست في حاجه الى نصائح من احد خاصه فيما يتعلق بامور العقيده
رابعا اود ان الفت نظرك الى اني قد اديت فرضه الحج واعتمرت اكثر من ثمانين مره
والحمد لله اؤدي ما عليا من فروض انا لا ادعي اكمال ولكن انا مسلم وموحد واعتقد ان زيارتي لمثل تلك المدونات لا تدنس ديني في شيء
خامسا وللعلم فقد قرات العهدين القديم والجديد وانا في سن التاسعه عشره والحمد لله مازلت على مبادئي وقناعاتي الاسلاميه
سادسا اشكر لك نصيحتك

Alexandrian far away said...

السيد الفاضل/ أسكندراني قوي
مبدئيا أنا لم اقصد شخص بعينه بقدر ما قصدت الموضوع كله، فما طرحته حنين مع كل هوامر يتعلق تطور فكرة الإله وأنعكاس القيم المجتمعية لجماعة بشرية ما على تصورراتهم الميتافيزيقية ومن ضمنها تخيلهم لصورة الأله أو الرب، موضوع يناقشه علم الأنثروبولوجي منذ زمن بعيد جدا طبعا الحقيقه أن حنين ومع كامل أحترامي لم تحسن مناقشة الموضوع أو تعميقه، لكنها طرحته، الطريف كان الرد المدهوش الساذج لبنت القمر وهو عادي طبقا للايمان السطحي الأعتيادي، وسعادتك مع أنك بتعلم وحاجج وعامل تمانين عمره برضه رديت رد مسطح ورغم أنه كلامها لا يقبله دين طبعا إلا أن العقول يمكنها أن تناقشه وتحلله وتتعامل معه، كثيرا ما راقبت حوار ما بين مؤمن وما بين متشكك أو ملحد ودائما ما كنت أضحك على ضحالة رؤية المؤمن وعجزه عن الدفاع عن موقفه
ليه؟
لأنه يخشى ويرتعب من تحرير عقله والتعامل بحرية مع القضية المطروحة بدلا من الردود المعلبه أو الهستيريه أو المحذره
عرفت ليه بقى انا أفتكرت ميس أبتسام؟

Mirage said...

عجبنى اوى ردك على بقلظ ده

انا كمان فشخته

ده اهبل قوى

:)

ههههههههه

Alexandrian far away said...

ميراج
أنا ما كنتش قصدي زكريا بقلظ فقط.

اسكندراني اوي said...

يتعلق تطور فكرة الإله وأنعكاس القيم المجتمعية لجماعة بشرية ما على تصورراتهم الميتافيزيقية ومن ضمنها تخيلهم لصورة الأله أو الرب، موضوع يناقشه علم الأنثروبولوجي منذ زمن بعيد جدا


جميل اوي
الكلام ده
ووصلت لايه بقى المناقشات دي

بجد احييك بتمسكك بنظرياتك
ناهيك بقى عن انه غلط او صح
عموما حنسي العلوم اللي انت قلت عايها دي تناقش
وحنتقابل في وقت ما ومكان ما لنعرف الحقيقه


تحياتي

بنت القمر said...

الرد الساذج لبنت القمر!!!!!انتظرنى بعد الفاصل لنا عوده!!!ا

بنت القمر said...

الاخ الفاضل .....اواى

كويس انى عرفت رايك انى ردى طريف وساذج طبعا اشكر زوقك انك ما قلتش كدا عندى بس عادى جدا انا معندبش عقد الراى والراى الاخر...
لكن كان مفروض تعرف ان الفضول ها يخلينى ادور اعرف ايه اللى ما ينفعش يتقال!!!
اولا انا لما كتبت عند مدونه حنين مجبتش سيرة مين صاحبتها لان الهدف مش الدخول فى جدل فكرى ولا التشابك مع الاخرين فى معتقداتهم دا اذا كانوا بيعتقدوا بيها اصلا .ولكن كانت حاله نقد للكلام المذكور والذي اعتقد انه من باب لفت النظر او القاء حجر فى البحيره
يعنى دايما المختلف يشد العين
لكن العادى والسائد مهما كان قوى وحقيقى ممكن يكون غبى وتقليدى فاهم ؟؟؟ يعنى لما اقول ان الشمس بتطلع من الشرق وبتغرب من الغرب فدا عادى رغم انها حقيقه كونيه هامه واكيده لكن اسال من نوعيه السؤال بتاع الاخت حنين ها اكون بت نابغه من اللى بتطرح مواضيع فلسفيه هدفها الاجابه عن اسئله ميتافيزيقيه راقيه مهمه لتطور العقل البشرى المهم...
لو نا قشنا سؤال حنين ها نوصل لايه ممكن انا اكون سازجه لان معنديش اجابه لكن اكيد مش طريفه ولا بضحك لان من قال لااعلم فقد افتى احسن ما اتفلسف فى اسئله محدش يملك يقين اجا باتها انا اليقين عندى هو الايمان مش من باب العجز لكن من باب ان دا مالا يقبل النقد عندى وبعدين ممكن افهم هى حطت السؤال ومدتش اجابه ايه الهدف من الطع التعلبق دا فى اى مدونه بتتكلم عن اى شئ مش دي غاويه شهرة ةلا تيقى ايه..؟؟ متقولش دا سؤال ميتا فيزيقى دا كلام متشدقين بالثقافه والكلام دا مليان فى كتب الواحد بجنيه على رصيف النبى دانيال ادام المركز الثقافى الفرنسى ممكن اوى اعمل منة كوبى وبيست وابقى البت المختلفه ذات الاسئله. بس انا مش مدعيه ثقافه.. ولا عايزة معجبين ومريدين مختلفين ومدعين برضه انا انسانه بسيطه كل ما املكه اجابه على هذا السؤال ما وصف الله به نفسه من خلال القران ودا لايوجد ما يثبت عكسه من ادله عقليه مش كدا برضه؟؟ يعنى محدش عندا اجابه...
ليه بقى المؤمن سازج وحافظ ومش قادر يحرر عقله هو المفروض يشك فى كل حاجه عشان يبقى قوى هو القوة هى الشك والضعف هو الايمان دا كانت مرحله من الثقافه ايام السبعينات موضه الغرب دلوقت تجاوز مرحله التشكيك دى حتى بوش والغرب المسيحي بتحركهم ايدولوجيات ومرجعيات دينيه وبيدوروا على الغيبيات ونهايه العالم وهرمجدون والحملات الصليبه واحنا بننكر على الناس ابمانها ونقول عليهم سازجين ومضحكين وعندهم ضحاله فى الرأى وعاجزين عن اثبات موقفهم!!!ا
شكرا مع احترامى وتحياتى !!!

Alexandrian far away said...

الحقيقه يا أسكندراني قوي أنا مش فاهم انت قصدك أيه
يعني أيه وصلت لأيه المناقشات دي؟
أحكي لك تاريخ علم الأنثروبولجي مثلا؟!!!!
عجيبه بجد
المناقشات دي أداه من أدوات البحث العلمي وما تصل أليه يختلف من حالة لحاله
وبعدين أنهو نظريات ألى أنا متمسك بيها؟
وهي بقت نظرياتي أنا أمتى؟
وطبعا أنا أتمنى اقابلك
وأتمنى برضه أعرف الحقيقه
لكن أنت قاصدك أيه؟
أه يا دماغي....!

Alexandrian far away said...

الأخت الفاضله أوى أوى أوى أوى بنت القمر
الحقيقه أنا مش عارف اقولك ايه أو أرد عليكي أزاي
أنا محتاج أؤلف كتاب عشان أرد على النص صفحه ألى أنتى باعتاهم ليا دول
الحقيقه أنا لم ارى في حياتي المنطق أو التفكير المنهجي يتم أهانتهما وسحقهما لهذه الدرجه؟
سمعتي عن المدرسه الدادية في الأدب والفن؟
يعني أيه عقد الرأي والرأي الأخر؟وه بقت عقده أمتى؟
الهدف مش الدخول في جدل فكري؟!!!!!!!!!
يا لهوي
أمال الناس بتفكر وتتحاور وتكتب ليه؟
مش عشان الجدل الفكري والحوار؟
وبعدين هو فين نقد سعادتك للكلام ده؟
هما الكلمتين المخضوضين الى عاملين زى التف في العب بعد كلمة (ياما) دول يعتبروا نقد؟!!!
وتاني حضرتك لم تقولي لم أعلم حضرتك أتخضيتي على الورق، وبعدين طالما بتعترفي – أنت نفسك- بسذاجتك يبقى ليه زعلتي؟!!!
وسؤال ميتافيزيقي يعنى أيه؟
وبعدين هو أحنا فاتحين أكشاك عشان يبقى همنا نلم الزباين مثلا؟
ثم لو الأسئله في الكتب أم جنيه قدام المركز الفرنسي، يبقى الأجابات برضه بجنيه
روحي اشترى لى كتابين من أم جنيه وأفحميها وطلعي عينها كمان
هو بوش الليبرالي الجديد الفاشيستي الرجعي بقى نبراس سعادتك ومثلك العلى ؟
ماشاء الله ما شاء الله
وأخيرا ساذج بالذال مش بالزين

الله يرحمك يا ميس أبتسام
قطعتي بيا والله

Anonymous said...

إلى السيد
اسكندراني اوي
قلت في تعليقك

واعتقد ان بلوج حنين ومن على شاكلتها ليست للتعليم بل هي للتشويه

لن ارد على الإهانة
لسنا في مدرسة وليس دور المدونة التعليم
بل طرح الاسئلة فقط
حجر في المياة الراكدة لا أكثر

يا أخي انا كنت بحترمك قوي ووكنت بحب خفة ظلك وطفولتك الرقيقة
بوظت الرؤية
الله يسامحك

Alexandrian far away said...

هو الدلفين ده شكله منحوس وملعون
هو أنقرض من شويه
حتى الكلمتين ألى كتبتهم عنه بقوا ساحه للصراع، يالا ما هي جنازه ويحل فيها النكد برضه

بس حلوه طفولته دي يا حنين والله
تجنن
ههههههههههههه