Tuesday, August 21, 2007

وقفة من أجل نور لغزه


عن مدونة حنين
قلب لغــزة
هل تعرفون، ماذا يعني مدينة بلا كهرباء؟
غـزة منذ يومين بلا كهرباء
مستشفياتها، منازلها، مؤسساتها التعليمية والصناعية، متاجرها، شوارعها
غزة الجائعة تختنق في الظلام
أدعو الجميع
بوقفة أحتجاجية
بتعتيم المدونات ليوم واحد
الخميس
وعلى كل من يعرف اللغات الأجنبية
الإنجليزية والفرنسية والأسبانية والألمانية... وغيرها
رجاء ترجمة هذه الدعوات وإيصالها للمدونين الأوربيين
مع أرسال نسخة للأخرين لتوزيعها
ربما أستطعنا توصيل صوتنا لمن يشاركنا الحب والغضب في اوروبا

غزه
قطعة اللحم الحي التي تلتصق بكتف مصر الأيمن
أخوة وعشيرة لنا
دمنا ولحمنا
أخوتنا وأبنائنا
يعيشون في الظلام
الظلام التام

15 comments:

Anonymous said...

اشكر لك تفهمك
ودعمك للدعوة
على فكرة على السايد بار عندي
تفسير ورد على على شغل المفتقة اللي شفته عند شهروزة

الطائر الحزين said...

ما معنى التعتيم؟

human said...

عزيزى
انة عار العرب اجمعين
لو كان العرب تركوا عبادة الماضى ووضعوا كل همهم فى بناء دولة علمانية عصرية لقضينا على سرائيل منذ زمن

Anonymous said...

لا حول ولا قوة الا بالله

رغم أنى مستحيل كنت حأقول يا اسكندرانى عن اى حاجة تخص أى حد فى مدونته
لكن كلامى كان توضيح لوجهة نظر خاصة بيا انا تمامااا وأسبابها

وكان رد منى لسؤالك وبدون اى تفاصيل برضة...ومستحيل كنت حأقول تفاصيل والا كنت قلتها لمدونات الفتنة الطائفية وهم أولي بذلك

و انا مش من بتوع شخصنة الصراعات
لأن مفيش بينى وبين اى انسان صراع ولا شخصنات

لأنى باختصار مبأحطش اى مخلوق فى دماغى

لكن وقت التغفيل مبأحبش الاستغفال ليس الا


لكن معنديش اى تفسير للموقف الآخر
الا أنه

ضعف

أو معرفة عن عدم تقبل الآخر له
رغم انه كان مقبول بكل وضوح وصراحة

ليس الا

وللأسف بعد ما لقيت ان صراحتى و رغبتى فى التعامل بوضوح وبدون أقنعة سببت جرحا وألما لكثيرين
والقائمين على حنين جزء منهم

قررت أنى أكون منافقة وأفاقة وبوشين زى ما الناس بتحب وبترتاح للتعامل دة

وتعليقى دة بالذات اعتذار منى ليك عن فتح موضوع سخيف زى دة
والتبعات اللى جات وراه
واانا متخصنيش الصراعات ولا أى حاجة بتحصل فى الكواليس طالما لم تضر بشيء

لكن انت اللى سألتنى عندى
و أنا جاوبت
مكانتش سألتنى ولا سحبتنى من لسانى
ما أنا من زمان عارفة وساكتة

الله يسامحك

Alexandrian far away said...

حنين
الحقيقه مش عارف اقول ايه
لأني مش فاهم الصراحه ومش مستوعب

Alexandrian far away said...

عزيزي الطائر الحزين
أظن معناه نطفي النور فى المدونات وألى يدخلها يلاقيها ضلمه
وأحنا نقعد له في الضلمه ونقول له بخخخخخخ

Alexandrian far away said...

عزيزي هيومان
العار ليس عار العرب فقط
العار عار العالم كله
كلما تعرض شعب للاضطهاد والأحتلال والإبادة والتجويع والحصار فهو عار العالم
سواء كان ذلك الشعب في غزه أو دارفور أو العراق أو باي مكان بالعالم
وفلسطين ضاعت لأسباب عديده
وتضيع أيضا لأسباب عديدة
أولها التواطؤ ما بين الأنظمه
وليس أخرها المد الأصولي الفاشيستي الأنتهازي

Alexandrian far away said...

أستاذه شهروزه
يا سبحان الله
كأني لحظة ما كنت بأكتب لك في مدونتك كنتي منوراني هنا في مدونتي
وحأكرر تاني أعجابي وتقديري بثاقب رؤيتك
لكن واضح الموضوع كبييييييييير وأنا برضه مش فاهم حجمه
لو مش حابه تتكلمي علنا
أتمنى تتكرمي عليا وتقولي التفاصيل على ايميلي ده
syrapees@gmail.com

Anonymous said...

حأحتفظ بالاميل فى الأدريس بوك يا اسكندرانى وحأراسلك بالفعل

لكن اعذرنى فى التفاصيل

رغم أن القائمين عليها هم من تهاووا و أنهاروا وأعلنوا عن أنفسهم

الا انى ولآخر لحظة
لا أملك أنى أتكلم فيما لا يخصنى

لكن انا عارفة انك مع الوقت هنا حتعرف تميز بين أى حاجة أو موقف زى دة لو كنت انت من لا يهوون الفصامية

وحأكرر تانى ان دة كان موقف خاص منى أنااا ولم أدعو أى مخلوق كان لاتباعه
أو دعمه أو مساندته

لأنى لست ممن يهوون الصراعات ولا حكاوى القهاوى أو شغل المفتقة زى مابيسموها
وبرضةة

انت اللى سحبتنى من لسانى

===================

والله انا كمان اول ما وصلنى تعليقك كنت عندك هنا باكتب التعليق اللى فات
وبأعتذر لك فيه عن صدمتك و بأعتذر كمان عن صدق توقعاتى و اللى كنت بأتمنى أنها تطلع غلط

أنا حأعرض مخى وعقلى للبيع بعد كدة
يا ترى عندك اللى يشتري ويشيل؟؟؟؟

كدة انا باتعب نفسيا فعلا كتير لما باعرف وبأستنتج حاجات ان بدت لى تسوءنى فعلا

وصدق من قال سبحانه

تحياتى مرة اخرى واعتذر عن صدمتك وعن صحة استنتاجى

ابو احمد said...

عزيزى اسكندرانى
انا سعيد بالتعرف على مدونتك وسعيد انك نورتنى فى المدونه بتاعتى انا طبعا متضامن معاك انت وحنين وكل الداعين الى وقف قتله الاطفال سفاحى دير ياسين وجنين والتصدى لهم


دمت بخير

Anonymous said...

ليه تهاجمني في تعلقيك عند شهروزة؟
ليه تنازلت عن تأدبك وتعاليك الذي نحبه ونقدرة؟؟

Alexandrian far away said...

أبو أحمد
صباح الخير
أنا من سعدت بزيارتي لمدونتك
وأتمنى أن يستمر الحوار دائما

تحياتي

Alexandrian far away said...

شريف الصيفي
هو أنا هاجمت حضرتك عند شهروزه؟
الحقيقه لأ
قلق مش هجوم خالص
أنا شخصيا بأعتبر نفسي قلق وعوء كمان
وفخور بكده جدا
لكن هو أيه الموضوع؟
أنا بدأت أقلق
لابد أن وراء الأكمة ما ورائها
وشكله موضوع كبير وعميق ومكعبل وملعبك
الله
حلو الفيلم ده
قال هاجمت قال
هاه

اسكندراني في الغربة said...

صباح الفل
انا متابع الحوار بينك وبين شـــهـروزة من البداية
و اختلافكوا على حنين
وعجبني اعترافك بعدم الفهم
كنت حازعل لو فضلت معاند
------
يا شماتة ابلة ظاظة فيك
:))))
طبعا عارف مين
-----
اما بالنسبة ل شريف الصيفي. حنين سابقا (بعد عملية ناحجة
فأخر الغز علقة

يعني اية غز؟؟

Alexandrian far away said...

صاحبي في الغربه أسكندراني في الغربه
منور يا سيدي بجد
أنا مش بأعاند أصلا ، لو مش فاهم أقول ولو على خطأ أ‘ترف، لكن لو مؤمن أني على صواب عاديك بتبقى دماغي ظلطه
شهروزه تعرف الكثير وتقول القليل وهي حره طبعا
طبعا مش بس طنط ظاظا فرحت فيا ، ده أونكل ظاظو كمان
شريف الصيفي ده موضوع شكله كده
وأحتمال ابقى أنبش وراه وأشوف موضوعه
ما حبايبي كتير في ألمانيا برضه

المثل الصحيح يا سيدي هو: أخرة خدمة الغز علقه
والغز هم المماليك
تحياتي وصباحه عسل أبيض وكريمه لباني