لا أستطيع الكتابة
أمتلات ياس وخوف وغضب وحنق
وحيرة
الظلمة والكراهيه وأنعدام الرغبة في الفهم
يأس الفاهمين وأحباط العارفين ولا مبالاة الكثيرين
حتى زرت اليوم هذه المدونه
Love to Alexandria
من كل قلبي أشكر
Esmat
على أختيارها لرائعة جاهين وأتمنى أنني سمحت لنفسي بنقل القصيدة والأغنية لمدونتي ولها مزيد من الشكر وطبعا حق صنع المزيج الخرافي من جاهين وجاهين وداليدا
على اسم مصر
ولا غالي غيرك يا مصر
ولا مقدس سوى أرضك
ولا طاهر إلا نيلك
ولا ممجد سوى حجرك
يا وطني الذي أغترب عنه فيه
وتجف روحي في أبتعادي عنه
يا وطني الذي لا أجدك
وحشتيني قوي يا مصر
وحشتيني قوي يا بلدي
وحشتي الدنيا كلها
وحشتي العالم كله
ما تقومي بقى يا مصر
أشوفك واقفه قبل ما أموت يا بلدي
أشوفك واقفه وأموت بعدها
شدي حيلك يا بلدي
وحشتيني
قويييييييييي
أمتلات ياس وخوف وغضب وحنق
وحيرة
الظلمة والكراهيه وأنعدام الرغبة في الفهم
يأس الفاهمين وأحباط العارفين ولا مبالاة الكثيرين
حتى زرت اليوم هذه المدونه
Love to Alexandria
من كل قلبي أشكر
Esmat
على أختيارها لرائعة جاهين وأتمنى أنني سمحت لنفسي بنقل القصيدة والأغنية لمدونتي ولها مزيد من الشكر وطبعا حق صنع المزيج الخرافي من جاهين وجاهين وداليدا
على اسم مصر
ولا غالي غيرك يا مصر
ولا مقدس سوى أرضك
ولا طاهر إلا نيلك
ولا ممجد سوى حجرك
يا وطني الذي أغترب عنه فيه
وتجف روحي في أبتعادي عنه
يا وطني الذي لا أجدك
وحشتيني قوي يا مصر
وحشتيني قوي يا بلدي
وحشتي الدنيا كلها
وحشتي العالم كله
ما تقومي بقى يا مصر
أشوفك واقفه قبل ما أموت يا بلدي
أشوفك واقفه وأموت بعدها
شدي حيلك يا بلدي
وحشتيني
قويييييييييي
على أسم مصر
أنا الذي مشيت ادوٌر باشتياق وحنين على مصر
.. والمشي خدني من سنين لسنين
لحد ماسنيـنهـا وسنـيني بقم واحد
وعاصرتها يوم بيوم لم فاتني يوم واحد
وحضرت شاهد عيان مولد وموت ملايين
مازعلت من كلمة قد البركة في الجايين
مين هم دول يا جدع ..
ما توحد الواحد البركة فينا وفي السامعين بالواحد
أنا قلتها بنرفزة .. من غيرة الواحد
على اسم مصر
مصر الرمال العتيقة وصهدها الجبار
والنيل كخرطوم حريقه وحيد في وسط النار
في إيدين بشر نمل رايحه وجاية ع الضفة
فيهم مطافي وفيهم كدابين زفة
وفيهم اللي تعالى وقال أنا حكمدار
وكل باب م البيبان مقفول على اسرار
وكل سر بحريقة عايزة تتطفا
من أهلي تندهلي وتقوللي تعا اتدفا
أنا اللي عمري انكتب إلى يوم ما اتوفى
على اسم مصر
على اسم مصر ارفعوا الانخاب واملولي
شدوا الوتر ع القمر يا شباب وغنولي
نسكر على حبها بالفن والاحساس
نسكر ودمع الحماس يملا لنا تاني الكاس
احنا يا حلوه الفدا بس اطلبي وقولي
يا سمره بعيون كده وسنتك لولي
وغنوه الحب تعلا ويسمعوا الحراس
يصفروا ويحضروا بفرقة طبول ونحاس
ويتقفل سجن مصر امام عيون الناس
على اسم مصر
صلاح جاهين
صلاح جاهين
15 comments:
عزيزى اشكرك جدا وسمحت لنفسى ان اشارك بجزء اخر
على اسم مصر
النخل في العالي والنيل ماشي طوالي
معكوسة فيه الصـور .. مقلوبة وانا مالي
يا ولاد أنا ف حالي زي النقش في العواميد
زي الهلال اللي فوق مدنة بنوها عبيد
وزي باقي العبيد باجري على عيالي
باجري وخطوي وئيد من تقل أحمالي
محنيه قامتي .. وهامتي كأن فيها حديد
وعينيا رمل العريش فيها وملح رشيد
لكني بافتحها زي اللي اتولدت من جديد
على اسم مصر
مصر .. التلات أحرف الساكنة اللي شاحنة ضجيج
زوم الهوا وطقش موج البحر لما يهيج
وعجيج حوافر خيول بتجر زغروطة
حزمة نغم صعب داخلة مسامعي مقروطة
في مسامي مضغوطه مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبرة مربوطة
اسمعها مهموسة والا اسمعها مشخوطه
شبكة رادار قلبي جوه ضلوعي مضبوطة
على اسم مصر
وجزء اخر
على اسم مصر
رحـيـلاً رحـيـلاً بغيـر هـوادة
رحـيلاً فإن الـرحـيل سعـادة
عبادة
إرادة
سيادة
ولادة
رحـيـلا .. إلى أين لـيس يـهـم
ولـيس يـهـم بأي وسيـلة ..
أجيـراً بلقمـتـه في البـواخـر ..
عـلى واحـد من جيـاد القبيلة ..
على مقعـد في ذرى الجـو فـاخـر
وتمـلأ الكـأس بنت جمـيلة ..
على قدمي .. أو بفكري .. أهاجر
أبادر
أغادر
أخاطر
أسافر
ولـكـن إلى أيـن .. لـيس يـهـم
إلى حيث لا تعبـر الأفـق شمس
إلى القـطب .. أو حلقة الاستواء ..
إلى حـيث يـسمـع لـلجـن همس
إلى بـاطـن الأرض أو في الـفضـاء
إلى مـرفـأ الغـد .. أو أرض أمس
أرى كل شيء ومن أين جاء
وافعل ما قاله القدماء
من الفقراء
أو الحكماء
أو الأمراء
أو الأشقياء أو البلهاء فليس يهم
لقد قيل وهو الكلام المهم
اللي يعيش ياما يشوف
واللي يمشي يشوف اكتر
ولك تحياتى وشكرى
السلام عليكم
علي اسم مصر التاريخ يقدر يقول ما شاء
ان مصر عندي احب واجمل الاشياء
اسكندراني
انت مضطر تتغرب؟
ولا ممكن تكون في مصر وتقدر تعلي منها ؟
إسكندراني
القصيدة دي جات في وقتها شكرا لجاهين
كنا قاعدة بأشتغل وبأسمع فيروز
وفجأة أغنية مصر عادت شمسك الذهب ..ماعرفتش أوقف بكا
نكدية .. عارف
أنا بجد مرعوبة من اللي بيحصل واللي هيحصل
ومش أنا لوحدك اللي بعيد وفي غربة
اللي هنا كمان وبيشغل مخه عنده نفس الغربة والوحدة والوحشة
الحاجة الوحيدة اللي بتصبر علي الصعب ده شوية الحب للبلد اللي اتزرعو فينا زمان وشوية الأمل
الرائع أحمد فؤاد نجم قالك أيه
كل عين تعشق حليوة و أنتي حلوة ف كل عين يا حبيبتي قلبي عاشق و اسمحي لي بكلمتين كلمتين يا مصر يمكن هما آخر كلمتين حد ضامن يمشي آمن أو مآمن يمشي فين؟
مش مهم أنت فين ..تحياتي لك
مجهود مشكور عزيزي اسكندراني انت و العزيزه اسمت
علي كلمات المبدع صلاح جاهين
تحياتي ليكم و للبوست المميز
اوعى تسمح لليأس ابدا انه يملكك او الأحباط يسيطر عليك
لو عايز تفهم معنى كلامى أكتر اتفرج على فيلم وداعا شاوشنك
وخلى بالك ان لازم هيكون دايما اختلاف وقليل قوى اللى هيفهموك
بس انت من الناس اللى بحترمها وبحبها فى المدونات بجد
ESMAT
بنت بلدي العزيزه
وهو فيه أحلى من أن يأتي ضيف حاملا الهدايا؟
وأي هدايا أجمل من تلك الكلمات التي أنرت بها يومي وليلتي
يسلم لي ذوقك
ونورتي مدونتي
وأنا مدين لك بذلك البوست الذي أزال طبقة من الهم والغم
تحياتي القلبيه
عزيزي مهند
وعليكم السلام
طالما أتفقنا أن مصر أهم وأحلى الشياء فلا ابالي بأن نختلف حول اي شىء أخر
أنا لست منفيا يا صديقي
أستطيع العودة وقتما شئت
لكن صدقني مش سهل انك تشوف شبابك أغلبه راح منك وأنت تقريبا ما أنجزتش أغلب أمالك
مش سهل تشوف أقل منك بيوصلوا ويتفوقوا عليك
وكل مواهبهم النفاق والتدليس ومسح الجوخ
كاتن لازم أمشي
على الأقل قبل ما أكرهها
وبالنسبه لي فالوطن ليس ارض وناس ورايه، الوطن فكره ورساله
فإذا أنطمست الفكره ونسيت الرساله
يبقى الغياب عن الوطن هو نفسه سواء على أرضي أو في أرض غريبه
تحياتي يا صديقي
Bird of Alex
الصديقه العزيزه
أنا كمان سمعت الأغنيه وأنا في المكتب
صدقيني مسكت دموعي بالعافيه
وصدقيني أعلم تماما هذا الشعور بالغربة وأنت في بلدك
وهو ما أخرجني منها
فالغربه في البعد ألم لكنها في الوطن جنون
جنون لم أحتمله
ولن نفقد لا حبها ولا الأمل فيها أبدا
تحياتي لك
أجندا حمرا
وتحياتي لك
وشكرا على أسعادي بزيارتك
الف أهلا وسهلا
ميراج
أنت فين يا عزيزي؟
وحشتني يا عم أنت
ما تقلقش عليا الياس حاله مؤقته
فهمت كلامك وأظن أني شفت الفيلم ده
وكيف اياس مع كلمات مشجعة ككلماتك
:-)
شكرا يا صديقي
وتحياتي
مصر دى اغلى كلمة بدايتها الميم
مصر حبها ف قلبى دايما عظيم
مصر هى اللى لية بعد السفر والترحال
مصر .............مصر
اسعد بقراءة بعض مما لديك
حتى اني مرة تعرفت الى رواية الدون الهادء وقرأتها من خلال مدوناتك
وبتواضع كبير اسمح لي ان اسألك بعض النصائح عن كتب يمكنني قرائتها
ابحث عن كتب فيها طعم الثقافة العربية لا الغربية
بما تنصحني سيدي
شكرا جزيلا لوقتك
عزيزي حيران
إنما تعليقات كتعليقاتك, وأشخاص مثلك من يجعلون هذه السطور مجزية
أشكرك على ثقتك في رايي المتواضع
لو كان لي أن أنصح فأنصحك بكتابات محمد مستجاب, بلا تمييز
كل ما كتب مستجاب جميل وممتع ومبدع ومصري وعالمي في أن
لعنت العلاقات الشخصية التي تضرب ستارا على أبداع ذلك الرائع
عن نفسي تشبع قلبي وروحي
المواقف والمخاطبات للنفري..لا أعتقد أن في لغة اخرى كتابة كهذه
طبعا لا أظنك فوت حرافيش نجيب محفوظ
هذا ما يخطر على بالي حاليا
مع تحياتي وأحترامي ومحبتي
Post a Comment